HSA Constitution - Hmar Students' Association

HMAR STUDENTS’ ASSOCIATION

INAWPDÂN BU

(Constitution)

2019

Hmar Students’ Association: General Headquarters

Churachandpur, Manipur.

THUHMA

THUHMA

Hun sâwt taka inthawkin Hmar Students’ Association Inawpdân (Constitution) Bu hi mit ngeia hmu theia siem suok hi thil nuomum a lo ni zing zing hlak a; amiruokchu sum tieng le thil dang dang tlâksamna leiin siem thei a lo ni nawh a. 1954-a Saikawt Inkhâwmpuia inthawkin member-hai lungrilah Inawpdân Bu chu siem ngei nuomna a hung um lien deu deu tah a. Vawisûn HSA inkhâwmpui lien vawi 15-na Rengkai Dated 3.10. 1957 hin, chu thil, lungrila sâwt tak lo um chu a takin member-hai po po le mipui hrietin siem suok a lo ni tah. Hi Inawpdân siemnaa thâ le lungril lo sêngtuhai laia College-a inchûk mêkhai, ei mi suongum tak tak ram le hnam ta dinga ṭhuoitu la hung ni dinghai po po chungah lâwm a um êm êm. HSA member-hai po povin hi Inawpdân Bu hi a thei chen chen chu inzâ tak le titak takin zâwm thei seng hai sien la ti hi thil ditum tak a nih.

Sd/-

H.L. Daka

Secretary General, HSA

Dated: Churachandpur

The 3rd October 1957

SIEMṬHAT VAWITHUMNA THUHMA (Preface to the Third Amendment)

SIEMṬHAT VAWITHUMNA THUHMA

(Preface to the Third Amendment)

Ṭhuoitu hmasahai sin inrimna râ chu sîkin Hmar Students’ Association INAWPDÂN hi hun iemani chen hmang a lo ni tah a. Amiruokchu, hun hung inthlâkthleng ang peiin a hun le inhmea siemṭhat nuomna a lo um leiin kum 1962 khan siemṭhat vawikhatna nei a nih. Chu hnung khawm chun General Assembly rorêlnaah Resolution-in siem ṭhat le thlâkdanglam zeu zeu a nih. Kum 1976, Hmarkhawlien General Assembly chun a pumpuia siemṭhat vawihnina nei dingin a lo rêl a. Amiruokchu, harsatna leiin zo hlei thei loin a um ta zing a. Parbung General Assembly, kum 1978 October thlaa uma chun hi Inawpdâna palâi intir dân, hotu thuneina le memberhai ngaidân a hung inkal nasa ta bêk leiin, chu Inkhâwmpui chun Special Assembly koa an hma thei ang taka siemṭhat vawihnina nei ngei dingin a lo rêl nàwk a nih. Chu dungzui chun, Special Assembly chu Sielmat-ah January 1979 khan nei a ni a, siemṭhat vawihnina chu sut el dinga zo a nih. Harsatna le thil dang dang leia sut el thei loa a um zing sûng chun siemṭhat vawihninaa khawm chun tulâia inṭhuoidân le fêdân tlângpui a fâwm khâwm zo zâna an lang naw rawp leiin member ṭhenkhathai chun siem ṭhat nuomna an la nei ta fan a.

Chuleichun, General Assembly vawi 36-na October 1980, Saikota neia chun a pumpuia siemṭhat, thlâk le belsa dingin a lo rêl nâwk a. Chu siemṭhatna sin pêka um ang chun, GHQ chun midanghai Inawpdân buhai râwn hmasiin le ei ngîrhmun thlir zing pumin hi siemṭhatna vawithumna hi a lo buotsai a nih. A tlangpui siem danglam, belsa le thlâk chau naw khawm Election Rules le Financial Rules belsa a nih. Muolhoi, October 8-11, 1981-a General Assembly vawi 37-naa chun ngun taka entlàngna nei a ni a, pei ṭul pei, belsa le siemṭhat ṭul siem ṭhat a ni hnungin, hi General Assembly-a inthawka siemṭhat vawithumna hi hmang ṭan nghal dinga pawm a nih. Tuta hi siemṭhat vawithumna hiel lo ni ta sien khawm, khâwla sut vawihnina a nih. Siemṭhat vawithumna hi Part – X (sâwm) a ṭhe, Articles 51 (sâwmnga pakhat) fûn a nih.

HSA member po po, vawisûn le ṭhangthar pei haiin inzâ taka hmanga zawm seng dingin ei inditsak takmeu a nih.

HSA dam zing raw se.

Sd/-

TAWNA KHAWBUNG

General President, HSA

Sd/-

ROKUNG SONGATE

General Secretary, HSA

Muolhoi, NC Hills

October 10, 1981

SIEMṬHAT/ ENNAWNA LE SUTṬHATNA THUHMAṬHUOI

SIEMṬHAT/ ENNAWNA LE SUTṬHATNA THUHMAṬHUOI

Hmar Students’ Association, hi India Hmarsak biela inchûklai inzawmkhâwm pâwl tamtak um lâia a upa pâwl tak a nih a; kum 2014 hi kum 75 hmêl a hmuna ding a ni tah. Hmarhai khawsakna le chêngna ngîrhmun-in a zir nawa, state dang dang le state sûnga distirct hrang hranga ṭhedar nâwk ei ni leiin sawrkâr le hnam danghai hriet a hlaw ding ang HSA hin a hlaw nawa; sum le pâi le rothilah a burip tâwk naw mei mei a nih. Sienkhawm, ṭhuoitu hmasahai le ṭhuoimêkhai inpêkzona le taimâkna zârin hma ei sawn hret hreta, mi hnung ei hnawt bîk bêk bêk naw el thei.

Hi thuthlûkna hi ṭhuoitu tharhai chun inhmawtaka bawzuiin Review Committee member dingin Puhai, Prof. Vanlalnghak (Convenor), Rev. Ruolneikhum Pakhuongte, Dr. Zawlthanglien Changsan le Pu Ramthienghlim Varte-hai an ruota; HSA General Headquarters President le General Secretary-hai chu Ex-Officio Member a sie an ni bawk. Anni hai hin ei Constitution chu a bul anthawka biṭha-in tha le zung le hun tamtak an hmang a nih. April 14, 2007 khan Lamka, Churachandpur-ah Sepecial Assembly nei a nih a; Assembly palâi fêkhâwmhaiin siemṭhat mêka um chu Review Committee Member-hai leh enthlang phawt a nih a; chu zova December 12-14, 2007-a Vairengte, Mizoram-a HSA General Assembly vawi 51-na ah tuta ei Constitution hi hmang dinga remti tlang a ni tah a nih. Review Committee Member-hai, a bîkin Prof. Vanlalnghak le Pu Ramthienghlim Varte chungah lâwmthu a tlampuiin ei inzam ni raw se.

Tuta inthawk hin a hmaa ei la nei ngai lo, General Headquarters-ah ‘Assembly Secretariat’ neiin Assembly Speaker inrâwina hnuoia-ah Assembly ro ei rêl taa; Article hran hnuoiah ei ‘emblem’ hrilfie a ni ta bawk. Varzâng lem dinga ei hriet ta leiin General Headquarters-ah Treasurer nei ta loin Finance Secretary-in sum a enkai ta vawng a nih. HSA General Headquarters kaupêng lâia mi Block suktâwpin Joint Headquarters in ṭul le ṭha a ti le an nei dinga sie lem a ni ta bawk. Chuonghai bâka hril thama chu, article, clause le sub-clause ṭhe dân le number pêk dân siem danglam met a nih.

A hun lai a dingin ṭha huntawka ngai nisien khawm bâksamna le ṭha huntawk nawna tamtak um ngei a tih. Chuonghai chu a hmun le hun izir peia ei la rêl le ngaituo ding ni âwm tak a nih.

HSA dam zing raw se.

Sd/

Dr. John H. Pulamte

President

Sd/-

Lalthlmuana Hmar

General Secretary

Hmar Students’ Association; General Headquarters

SIEMṬHAT/ ENNAWNA LE SUTTHARNA THUHMA 2019

SIEMṬHAT/ ENNAWNA LE SUTTHARNA THUHMA 2019

Hmar Students’ Association (HSA) chun kum 2019 hin kum 80 hmel a hmuna alo ni der el tah. Hmar hnam sûng el nilo a, North East India rama ding khawmin inchûklai pâwla upa pâwl tak a nih. Vawisûn chen hin ṭhuoitu hmasa hai zâr le Pathien zâr chauiin HSA hi al fe tluong peia India ram hmun hran hranah hai a la’n dar zau pei thei a nih. Tukum chena hin Joint Headquarters 13 le Branch 4 a nei ta a, Unit tamtak neiin member singtêl a nei ta bawk a nih.

Ei Constitution hi kum 1981 khan a bua siemin sut a nia; chu hnungah khawm chun vawi 2/3 lai siemṭhat (ammend) nâwk a ni tah. HSA Inkhâwmpui Lien (General Assembly) vawi 50-na, December 14-15, 2005 khan Hmarkhawlien-ah nei a nia; Hi tum hin, “HSA Constitution hi a pumpuia ennawn le siemṭhat nisien” tia rêl a nia, “huoitu tharhaiin Review Committee indinin hrât takin hma hung la sien” ti a ni bawk. April 14, 2007 khan Lamka, Churachandpur-ah Sepecial Assembly nei a nih a; Assembly palai fêkhâwmhaiin siemṭhat meka um chu Review Committee Member-hai leh enthlang ani hungin; December 12-14, 2007-a Vairengte, Mizoram-a HSA General Assembly vawi 51-naah tuta ei Constitution hi hmang dinga remti tlang a ni tah a nih.

Kum 2007 a inthawka hmang ta chu kum sâwm (10) chuong lai hmang alo ni nâwk ta a, siemṭhat ṭul le spelling indiknaw dâm, bel ding dâm, pei ding dâm, a nawn a ziek pal dâm, ziek hmai met dâm alo um nuol hung hmusuok pei a ni a, 2017 khan Constitution hi siemṭhat met met ṭul hai siemṭhatna nei inla tiin rawtna hung siem a ni a, chu le inzawm chun Review Committee hai indiin JHQ le Branch tin haia inthawkin thurâwn hai lâkkhâwm a ni hung le Review Committee a inthawka thurâwn hai enfel vawng a ni zoiin; 1^st June 2019, Muolvaiphei/ Rengkai Special Assembly nei hunah palai fêkhâwm haiin chipchier taka entlang a ni hnungin tuta siemṭhatna hi hmang dinga pawm tlang a nih.

Tuta ei siemthar laia pawimaw tak pakhat a hma a lo um lo; Assembly Secretariat hai inhlîpthlâk dân ding le pei/ removal an ni thei dân ding hai belsa a ni a, Block chungchâng thu ziek a lo um ta lo kha JHQ in ṭul le ṭha an ti chun an JHQ sûnga siem thei dingin JHQ Conference thuneina a inchuon sa a nih. A dang chu chite te siemṭhat met met ti lo chu thleng danglam taluo a um naw a nih.

Inawpdân bu hi kum sâwm dan peiah ennawn hi aṭhatna khawm um ngei a tih. A rênga a fephung thleng danglam nilo a, siemṭhat met met ṭul hai siemṭhat pei hi ṭhuoitu la hung um pei hai mâwphurna ni ngei a tih.

HSA dam zing raw se.

Sd/-

Rothanglien Khawbung

President

Sd/

Josef V Tuolor

General Secretary

HRILFIENA

HRILFIENA

Hi Inawpdân bu (Constitution) sûnga khawlâi phêka khawm hmu le tiem pha a kâwk bîk annawleh a hrilfiena.

HSA – Hmar Students’Association (Hmar Inchûklâi Pâwl) tina a nih.

Inawpdân Bu – Hmar Inchûklai (HSA) hai Inawpdân Bu tina a nih.

General Assembly – HSA inkhâwmpui lientak tina a nih.

GHQ – General Headquarters

JHQ – Joint Headquarters

Executive Council (EC) – General Assembly âi aw thei ding General Headquarters, Joint Headquarters le Branch tina palâi fêkhâwmhai rorêlna a nih.

Conference – Joint Headquarters pakhat sûnga an rorêlna insâng tak, unit tina inthawka palâi fêkhâwm rorêlna a nih.

Annual Meet – Branch/Unit pakhat sûnga an rorêlna insâng tak a nih.

General Headquarters- HSA pumpui inthlungkhâwmna a nih.

Central Executive Committee (CEC) – General Headquarters hotuhai rorêlna khâwl a nih.

Joint Headquarters – HSA kaupêng lâia lien tak a nih.

Executive Committee – Joint Headquarters hotuhai rorêlna khâwl tina a nih.

Branch – HSA kaupêng unit neilo tina a nih.

Branch Committee – Branch Hotuhai rorêlna khâwl a nih

Unit – HSA kaupêng lâia chîntak tina a nih.

Unit Committee – Unit hotuhai rorêlna khâwl a nih.

Ṭhuoitu – HSA ṭhuoitu tina a nih.

Hi pâwl – Hmar Students’ Association (HSA) pâwl tina a nih.

E.R. – Election Rule tina a nih.

F.R. – Financial rule tina a nih.

PREAMBLE

PREAMBLE

Keini, Hmar Inchûklaihai, Hmar Students’ Association (HSA) tia inkovin, ram le hnam ta dinga ṭhahnemngai le thilṭha ngaituoin:

Inchûklaihai thukhat vuo a, inthuruol taka kawng iengkima khawtlâng le mipui hmasâwnna ding ngaituoa inṭhangpuituo le insawmdâwltuo pei ding le khawtlâng le sakhuo thuring bulpui le inhmea hnam inṭhanglienna ding ngaituo le thaw pei bawk dingin, hi INAWPDÂN BU (Constitution) hi siem le buotsai a nih. Inzâtaka nei le zâwma hmang ṭan dingin vawisûn Changer (October) ni thum, ei Lalpa kum, Sângkhat Zakuo Sâwmnga Pasari hin kan Inkhâwmpui lien vawi sâwmpangana-ah hi INAWPDÂN BU hi neia zâwm le hmang dingin kan rem tih.

CHAPTER I - A TLÂNGPUI

CHAPTER I – A TLÂNGPUI

ARTICLE 1 – HMING

HMAR STUDENTS’ ASSOCIATION (HSA) ti a nih.

ARTICLE 2 – THILTUM (MOTTO)

SININ, HRILIN, SANIN, ṬHUOIIN, SERVE THE NATION ti a nih.

ARTICLE 3 – HSA PUONZÂR (FLAG)

HSA puonzâr (flag) chu puon hring, a laia arasi, kil 6 neia a vâra inziek le chu sûnga ‘HSA’ ti a sena ziek ning a tih. A dung le a khang inbûktawk dân chu 3:2 pei ning a tih.

Hrilfiena

(i) Puon hring chun HSA member-hai chu ienglai khawma thudik ṭana hring zing an nih ti an entir.

(ii) Arasi hi Hmar Arasi (Pole star) tina a na; ṭhuoitu ropui a ni angin ram le hnam keihruoitu ropui ni ding le, a vâra inziek, Arasi hin thienghlimna le thudik ṭan tlat ding ti an entir.

(iii) A laia ‘HSA’ ti a sena inziek hin ram le hnam ta dinga a tâwpchena inhmang ding le theina popo inhlân ding ti a’n entir.

ARTICLE 4 – INCHIKNA (EMBLEM)

(i) HSA inchikna (emblem) chu ‘triangle’ intiet char pahni inkawkala invaw thuo, sak tieng le thlang tieng arasi ki khat ve vea insuttir a, sim tieng le hmar tieng ki hni ve vea innghattir; chu arasi sunga ‘HSA’ inziek a nih.

(ii) Hmar Arasi chu tawlailir ke (wheel of progress) anga inkuolkhum a nih a; chu rinkuol pahni inkâra chun HSA Motto – ‘Sinin, Hrilin, Sanin, ṭhuoiin – Serve the Nation’ sie ning a tih. ‘Sinin’ le ‘Hrilin’ hi vawitiengpangah, ‘Sanin’ le ‘Ṭhuoiin’ hi changtiengpangah um a ta; a chung tieng ‘Serve the Nation’ le a hnuoi tiengah HSA indin kum, ‘1939’ sie ni bawk a tih.

(iii) ‘Wheel of progress’ chu a puotienga buvûi (wheat corn)-in a sirtuokah inkuolkhum a ta, a hnuoitieng an vuok thuo zâwng bawkin, ‘Hmar Students’ Association’ ziek ni nâwk a tih. ‘Hmar’ ti po kha a suka ṭum thla zâwng ning a ta; ‘Students’ Association’ ti po chu a tunga kâi zâwnga ziek ni bawk a tih.

ARTICLE 5 – MEMBERSHIP

(i) Hi pâwla hin inchûklai le inchûklai chau naw khawm a thiltum hrea dit le ṭhang nuom taphawt member dinga lâwmlût ning a tih.

(ii) Hi pâwla inhnikna neia ṭhang nuom chu member-a pawm ning a tih.

(iii) Member taphawt mani umna Joint Headquarters, Branch, Unit-ah an zieklût ngei ding a nih. Hming zieklût nawhai chu palâi le hotu dinga thlang thei ni naw ni hai.

(iv) Lifetime Membership nei thei ning ata, inhnikna nei taphawt hi member hi ni thei an tih. Lifetime Member hai chu Conference le General Assembly a hai Palâi ni ve thei an tih. Voting right ruok chu nei thei naw nih.

ARTICLE 6 – INṬHUOIDÂN TLÂNGPUI

(i) Hmar Students’ Association hi ‘voluntary organization’ ning a tih.

(ii) A pumpui huopin HSA hi rorêlna khâwl 3 (pathum) inthuoa awp ning a tih; chuonghai chu:

(a) General Assembly,

(b) Executive Council le

(iii) Joint Head Quarters chu Conference le Executive Committee-a awp ning a tih.

(iv) Branch le Unit-hai chu Annual Meet le Branch Committee / Unit Committee-a awp ning a tih.

(v) HSA sûnga inhrietpâwna ṭha le inchûkna tienga hmasâwnna ding chanchinbu nei a ni a, a hming chu INCHÛKLÂI NUN (In-Nun) ti a nih.

ARTICLE 7 – GENERAL ASSEMBLY

(i) HSA inkhâwmpui lien tak ning a ta, thuneina insângtak nei a tih.

(ii) Hi inkhâwmpui lien hi Executive Council thurâwn dungzuiin General Headquarters-in kum khat dan peiah ko hlak a tih.

(iii) Executive Council-in kum hni (2 years) ân vawi hnungah, pumpel theilo harsatna lientak (unavoidable circumstances) um bawk si lovin, General Assembly nei dinga thurâwn a siem naw chun, Assembly Speaker-in General Assembly âiin Special Assembly ko thei a tih. Special Assembly hi General Assembly le angkhat a nih.

(iv) Thu pawimaw le khirkhân, HSA puotieng le sûngtienga ngaituo ding inhmaw a um chun, Central Executive Committee le Executive Council inberâwnin, Assembly Speaker-in Special Assembly ko thei a tih.

(v) General Assembly Programme chu President inrâwina hnuoiah Central Executive Committee-in siem a ta; Special Assembly Programme ruok chu Speaker inrâwina hnuoiah Assembly Secretariat (Deputy Speaker, Assembly Secretary le Deputy Assembly Secretary)-in siem a tih.

(vi) HSA General Headquarters ṭhuoitu ding le kalchâwi dân ding po po ngaituo vawng a tih.

(vii) Hi inawpdân bu-a ṭhang kherlo thawding pawimaw, HSA puotieng le sûnga ṭul le ṭhaa a hriet chu ngaituoin rêl a ta, Joint Headquarters le Branch-hai khawm a ṭul angin thu pêng a tih.

(viii) HSA thilnei (property) po po chungah thu nei a tih.

(ix) Joint Headquarters le Branch indinin, siemin, ṭhiek thei a ta, JHQ hming thleng le area siemṭhat thuah thuneina Assembly chauin nei a tih.

(x) Chanchinbu Magazine le Inchûklai Nun insuo dân dingah thu nei a tih.

(xi) Student châwm, ṭhangpui le lâwmman pêk chungchângah thu nei a tih.

(xii) HSA inawpdân hi a ṭul angin seimṭhain sukdanglam (amend) thei a tih.

(xiii) Executive Council, Central Executive Committee, Joint Headquarters le Branch- haia inthawka thulûthai rêl a tih.

(xiv) Executive Council rorêlhai dawngin pawmpuiin / pawmpui naw thei a tih.

(xv) General Assembly Palâi-hai:

(a) Speaker, Deputy Speaker, Assembly Secretary le Deputy Assembly Secretary.

(b) Central Executive Committee le Executive Council-a member po.

(d) Joint Headquarters, member 1000 (sangkhat) chuong neihai chun zanga dang a tling peiin Member pakhat neisa thei an tih.

(e) Branch tin a’nthawka Assembly palâi dinga an hung ruot mi 3 (Pathum).

(f) Inchûklai Nun (In-Nun) Editorial Board a inthawk Editor le midang 2 (pahni).

(g) HSA General Headquarters a Adviser hai le Auditor hai.

ARTICLE 8 – EXECUTIVE COUNCIL

(i) General Assembly âia ngîr ning a ta, General Assembly rorêl bawzui a tih.

(ii) Assembly kârlakah thu ṭul po po ngaituong a tih.

(iii) Kumkhata a tlâwmtaka vawithum bêk Central Executive Committee thurâwn angin Assembly Speaker-in ko a tih.

(iv) Emergency thil ani naw chun Executive Council hi thla li dân peia ko ning a tih.

(v) Central Executive Committee-in kumkhat a’n vawi hnung a, Executive Council nei dinga thurâwn a siem naw a, pumpel theilo harsatna lien tak (unavoidable circumstances) a um bawk naw chun, Assembly Speaker-in Executive Council âiin Special Council ko a tih. Special Council hi Executive Council le angkhat ning a tih.

(vi) Executive Council Programme chu Speaker inrâwina hnuoiah Assembly Secretariat le Central Executive Committee-in siem a tih. Special Council Programme ruok chu Speaker inrâwina hnuoiah Assembly Secretariat-in siem a tih.

(vii) Constitution siemṭhat annawleh, HSA hmun, building le thil dang, hi organization sietpui thei khawp, HSA thilnei sukthlawng le inchâwk tinaw chu thuneina General Assembly ang bawkin nei a tih.

(viii) Ienglâi khawmin thu pawimaw le khirkhân HSA puotieng le sûngtieng ngaituo ding inhmaw a um chun, Central Executive Committee hotuhai le inbe râwnin, Assembly Speaker-in Emergency Council ko thei a tih.

(ix) Executive Council le Special Council thurêl chu General Assembly pawmpui dingin General Assembly-ah pêklût ni pei a tih.

(x) Executive Council chun General Assembly ko dingin Assembly Speaker kuomah thurâwn pêng a ta, General Assembly kona le General Assembly inkârah thla khat bêk a um ding a nih.

(xi) Central Executive Committee, Executive Committee le Branch Committee thurêlhai dawngin, pawmpuiin / pawmpui naw thei a tih.

(xii) HSA puotieng, pâwl dang le inbiekna le indâwrnaah General Assembly âiin ṭawng a ta, a ṭul angin inawpdân buin a phal chin chu thaw thei vawng a tih.

(xiii) Executive Council Member-hai:

(a) Assembly Speaker (Chairman ni nghal a tih)

(b) Deputy Assembly Speaker

(d) Deputy Assembly Secretary

(e) Central Executive Committee member-hai.

(f) Joint Headquarters tina President le General Secretary ani naw khawma an âiaw dinga an hung ruothai.

(g) Branch tina Branch President le Secretary ani naw khawma an âiâw dinga an hung ruothai.

(h) Joint Headquarters le Branch tinin Eexecutive Council Member dinga an ruot mi 1 (pakhat).

(i) Central Executive Committee in a ruot Executive Council Member hai.

(j) HSA General Headquarters a Adviser hai le Auditor hai.

ARTICLE 9 – CONFERENCE

(i) Conference chu Joint Headquarters pakhat sûnga rorêlna insângtak a nih.

(ii) Executive Committee chun kum tinin Conference ko a tih.

(iii) Conference chu Joint Headquarters-a President keihruoina hnuoiah nei ni hlak a ta, General Secretary-in ziektu sin thaw’ng a tih.

(iv) A biel sûnga Unit Annual Meet thurêl le Executive Committee thurêlhai dawngin, pawmpuiin / pawmpui naw thei a tih.

(v) An biel sûng HSA thil, rêl ṭul taphawt le an Unit-haia inthawka thulûthai rêl a ta, a rêl thei bâkhai chu Executive Council le General Assembly-ah pelût a tih.

(vi) JHQ Conference hin ṭul a ti a, area pakhat OR area dang dang haia thil pawimawna leia Unit umkhâwm hai hmunkhata sie a nuom chun Unit panga (5) nêka tlâwmlo hai lâkkawpin Block indin thei a tih. Hi Block fe dân ding le iengkima a fephung ding po po chu Conference in induong a tih.

(vii) Conference a palâi-hai:

(a) Joint Headquarters-a Executive Committee member po.

(b) Unit tina President le Secretary le Unit tinin palai dinga an tir mi 20 (sâwmhni) âia palâi pakhat pei.

(d) Adviser & Auditor hai.

(e) Central Executive Committee-hai an umna Joint Headquarters sengah Conference member ni pei an tih.

ARTICLE 10 – ANNUAL MEET

(i) Annual Meet chu Branch/ Unit pakhat sûng rorêlna insâng tak a nih.

(ii) Branch Committee/ Unit Committee chun kum tinin vawikhat Annual Meet ko a tih.

(iii) Annual Meet chu Branch/ Unit President keihruoina hnuoiah nei ni hlak a ta, Branch/ Unit Secretary-in ziektu sin thaw’ng a tih.

(iv) Branch Annual Meet chun Branch sûnga HSA thil rêl ṭul taphawt rêl a ta, a thurêlhai chu Executive Council / General Assembly-ah pelût a ta, a rêl zo thei nawhai chu Central Executive Committee / Executive Council / General Assembly rêl dingin pêng a tih.

(v) Unit Annual Meet chun Unit sûnga HSA thil rêlṭul taphawt rêl a ta, a thurêlhai chu a’n thlungna Joint Headquarters Conference-ah pelût a tih. A thurêl zo theinawhai chu Executive Committee / Conference rêl dingin pêng a tih.

(vi) Branch Committee/ Unit Committee thurêlhai dawngin, pawmin / pawm naw thei a tih.

ARTICLE 11 – GENERAL HEADQUARTERS

General Headquarters chu HSA pumpui inthlungkhâwmna lien tak a nih. General Headquarters rorêlna khâwl chu Central Executive Committee a nih.

CENTRAL EXECUTIVE COMMITTEE (CEC)

(i) Central Executive Committee-a member ding chu: President, Vice President, General Secretary, Assistant General Secretary, Finance Secretary, Departmental Secretary hai.

(ii) Central Executive Committee-a hin President chu Chairman ning a ta, General Secretary chu Secretary ning a tih.

(iii) Executive Council ro bawzuiin, Executive Council kârlakah Executive Council âia ngirin thilṭulhai chu rêlin bawzui a tih.

(iv) HSA puotieng, pâwl dang le inbiekna le indâwrnaah Executive Council âiin ṭawng a ta, a ṭul angin inawpdân bûin a phal chin chu thaw thei vawng a tih.

(v) Pâwl dang (puotieng mi) le indâwrnaah HSA member intir ṭulna a um chun Central Executive Committee-in an member sûnga mi annawleh, ṭha lem dinga hriet a ni chun, member puotieng mi khawm ruot thei a tih.

(vi) HSA âiaw dinga puotienga fe dinga an tirpa/ tirnu chun Central Executive Committee inkhâwmna hmasa takah report kim takin a pêk ngei ding a nih.

(vii) Joint Headquarters le Branch-hai chungah thuneina neiin an hmasâwn dân ding ngaituoin thurâwn ṭha pe hlak a tih.

(viii) HSA sukdar zâwnga châng le ṭawng hlak, mimal le HSA kaupênghai, a ieng ieng khawm ni sien, zil a ta, a ṭul lem chun HSA-a member a nina bânin, annawleh Joint Headquarters, Branch chen khawm sukchâwl (dissolve) thei a ta. A thurêl le pawtchathai chu General Assembly / Executive Council hmasa taka pawmpui dingin pelût a tih.

(ix) Central Executive Committee chun Executive Council ko dingin Executive Council Chairman (Assembly Speaker) kuomah thurâwn pêng a ta, Executive Council kona le Executive Council inkârah ni 15 (sâwm panga) bêk a um ding a nih.

(x) Central Executive Committee chun a rorêl taphawt Executive Council-ah pelût a tih.

(xi) Inthlang hun kârlakah Central Executive Committee post ruok a lo um a ni chun a hluobittu ding mi, ruot thei a tih.

(xii) Central Executive Committee-in General Headquarters sinthaw hratlemna dinga a hriet chun Committee le Sub Committee indinin, a member ding khawm ruot thei a tih.

(xiii) Executive Council Member ding ruot thei a tih.

ARTICLE 12 – JOINT HEADQUARTERS

HSA kaupêng lâia lien tak, Unit iemani zât inzawmkhâwma siem a nih.

EXECUTIVE COMMITTEE

(i) Joint Headquarters-a hotu dinga Conference-in a thlanghai chun Joint Headquarters Office chel an ta; an inkhâwmna (Committee) chu ‘Executive Committee’ tia ko ning a tih. Assembly Secretariat Member / CEC Member an umna JHQ a um hai chu Ex-Officio Member ni bawk an tih.

(ii) Kum tinin Conference ko a ta, a kona siem le Conference inkâr chu a tlâwm takah thla khat (1 Month) a ni ngei ding a nih.

(iii) Conference a ko hnunga a sukṭhul nâwk ding a ni chun, Conference tlung hma ni 15 (sâwmpanga) a la umin ṭhulna thu a puong ding a nih.

(iv) Executive Committee chu Joint Headquarters President keihruoina hnuoia nei ni hlak a ta, General Secretary-in ziektu sin thâwng a tih.

(v) Joint Headquarters chu General Headquarters le inhrepaw zingin sin thaw tlâng an tih.

(vi) Joint Headquarters hnuoia Unit umzât ding bituk um chuong naw ni a, a ṭul ang peiin suktlâwmin, belsa thei a tih.

(vii) Pâwl dang (puotiengmi) le inbiek, inzawmkhâwm chungchângah HSA thiltum le hnam thil tâwkbuoi thei ding ani chun HSA General Headqurters râwn hmasa phawt a ta, General Headquarters thusuok le thupêk a hmu angin, chângin a thaw chau ding a nih.

(viii) Pâwl dang (puotiengmi) le indâwrnaah inzawmkhâwm pâwl dâm siem a ṭul a, HSA member-hai ṭhang ṭulna a um chun Executive Committee sûnga mi inruotin intir thei an tih.

(ix) Executive Committee sûnga mi intir ding an umnaw amanih annawleh, remchâng lema an hriet chun Executive Committee puotieng mi ruot thei an tih. Amiruokchu, an tirpa/tirnu chun a sin a zo pha Executive Committee inṭhung hmasa takah iengkim fel takin report pe’ng a tih.

(x) Joint Headquarters chun a huomsûnga Unit-hai chungah thuneina insângtak nei a ta, an hmasâwn dân ding le um dân ding kawng iengkimah mâwphurna nei a tih.

(xi) Joint Headquarters chun an huomsûnga Unit-hai hrim hrim mimal le a ieng ieng khawm nisien HSA sukdar zâwnga châng le ṭawng hlak mimal le Unit chu zil a ta, a ṭul lem chun HSA-a member a nina suktâwppêk annawleh Unit chen khawm sukchâwl (suspend) thei a tih. Chu thu chu General Headquarters-ah inhriettirin General Assembly / Executive Council hmasa taka ngaituo ṭhat ning a tih.

(xii) Executive Committee chun a rorêl taphawt Conference-ah pelût a tih.

ARTICLE 13 – BRANCH

HSA kaupêng, General Headquarters le inzawm a ni a, Unit ruok chu nei ve naw nih.

BRANCH COMMITTEE

(i) Branch-a ṭhuoitu dinga Branch Annual Meet-in a thlanghai chun Branch Office chel an ta, “Branch Committee” tia ko ning a tih. Assembly Secretariat Member/ CEC Member an umna Branch a um hai chu Ex-Officio Member ni bawk an tih.

(ii) Branch Committee chu Branch President keihruoina hnuoiah nei ni hlak a ta, Branch Secretary-in ziektu sin thâwng a tih.

(iii) Kum tin Branch Annual Meet ko hlak a tih.

(iv) A hun le thu izirin kumkhat / kumhni sûng chauva ding khawmin General Headquarters phalna lain Branch indin thei a tih.

(v) Branch sûnga member umkhâwmhai hmasâwn dân ding le fe dân ding rêl hlak a tih.

(vi) Branch sûnga thil tlung le sinthawhai po po General Headquarters-ah an hma thei ang takin an tlun pei ding a nih.

ARTICLE 14 – UNIT

HSA kaupêng laia chîntak tina a nih.

UNIT COMMITTEE

(i) Unit ṭhuoitu dinga Unit Annual Meet-in a thlanghai chun Unit office chel an tih. Executive Committee Members an umna Unit a um hai chu Ex-Officio Member ni bawk an tih.

(ii) Annual Meet chu Unit President keihruoina hnuoiah nei ni hlak a ta, Unit Secretary-in ziektu sin thâwng a tih.

(iii) Unit Committee chu HSA rorêlna khawl lâia chîn tak a nih.

(iv) Khuo pakhatah Unit um ta zing khawm nisien, Sikul / College / University / Institution Unit a hrana siem remchâng le ṭhaa an lang chun an umna Joint Headquarters phalna lain Unit-a siem thei ning a tih.

(v) Unit sûnga hmasâwnna ding hai ngaituo in rêl hlak a tih.

(vi) A umna Joint Headquarters le inhrepaw zingin sinthaw tlâng an tih.

(vii) Unit Committee chun a rorêlhai Executive Committee-ah pelût a tih.

CHAPTER II - NINA LE MÂWPHURNA

CHAPTER II – NINA LE MÂWPHURNA

ARTICLE 15 – ASSEMBLY SECRETARIAT

HSA General Headquarters-a chun Assembly Secretariat um a ta; a member dinghai chu Speaker, Deputy Speaker, Assembly Secretary le Deputy Assembly Secretary hai ning an tih.

Speaker

(a) Speaker chu General Assembly le Executive Council rorêlna keihruoitu ning a tih.

(b) Assembly Speaker chun, Executive Council thurâwn ang dungzuiin kumkhat dan peiah General Assembly ko a ta, kona lekha insuona le General Assembly inkârah thla khat bêk a um ding a nih.

(c) Assembly Speaker chun, Central Executive Committee thurâwn ang dungzuiin Executive Council ko a ta, kona lekha insuona le Executive Council inkârah ni 15 (sâwm panga) bêk a um ding a nih.

(d) Executive Council/ Central Executive Committee-in pumpel theilo harsatna lien tak (unavoidable circumstances) um si lova, ko hun ta hnunga General Assembly/ Executive Council kona ding thurâwn an siem naw chun, Assembly Speaker-in General Assembly / Executive Council âiin Special Assembly/Special Council ko a tih. Special Assembly chu General Assembly leh angkhat a na, Special Council chu Executive Council leh angkhat a nih.

(e) Assembly Speaker-in General Assembly a ko ta hnung sukṭhul a ni ding chun a hun tlung hma ni 15 (sâwmpanga) a la umin ṭhulna thu le a san chieng takin a puong ding a nih.

(f) Assembly Speaker-in Executive Council a ko ta hnung suk ṭhul a ni ding chun a hun tlung hma ni 7 (sari) a la umin ṭhulna thu le a san chieng takin a puong ding a nih.

(g) General Assembly/ Executive Council thurêl ding hrim hrim chu Assembly Speaker inrâwina hnuoiah Assembly Secretariat-in Central Executive Committee le inrâwntawnin lo siemrêl a tih.

(h) General Assembly/ Executive Council thurêlhai hrim hrim rêlzova inthawka châwlkâr khat sûng ngeiin Central Executive Committee kutah pesuok a tih.

(i) General Assembly-in HSA General Headquarters ṭhuoitu dinga a thlang tling, inchâwltir ṭulhai rêng rêng chu Speaker-in lo inchâwltir a ta, General Assembly/ Executive Council hmasa taka ngaituo ning a tih.

(j) General Assembly le Executive Council programme chu Speaker inrâwina hnuoiah Assembly Secretariat le Central Executive Committee haiin siem an tih. Special Assembly le Special Council ruok chu Assembly Secretariat-in siem a tih.

2. Deputy Speaker

(a) Deputy Speaker chun, kawng iengkimah Speaker thlawp a tih.

(b) Speaker a umnaw/ remchângnaw hmun le hunah Speaker âi âwng a tih. Thu khirkhân deuhai ruok chu Speaker remtipuina naw chun sukthluin rêl el thei naw nih.

(c) Speaker-in zânkhat mitsim (thina) a tuok leiin am anih, inhlîpthlâkna (resignation) am anih, an naw leh bânna (removal) leiin a sin a châwlsan chun, Inthlang nâwk hma po a âi âwng a tih.

(d) Speaker inrâwina General Assembly programme le Executive Council programme siemnaah member ning a tih.

3. Assembly Secretary :

(a) Assembly Secretary chun, General Assembly le Executive Council-ah ziektu sin thâwng a tih.

(b) General Assembly le Executive Council a thurêlhai Speaker inrâwina hnuoia siemrêlnaah member ning a tih.

(c) General Assembly le Executive Council-a thurêl ding rêng rêng chu rêlzova inthawka châwlkâr khat sûnga Central Executive Committee kuta pêksuok dingin siem fel a tih.

(d) Speaker inrâwina General Assembly programme le Executive Council programme siemnaah member ning a ta, ziektu sin thâwng a tih.

(e) Assembly Affairs/ Secretariat hminga lekha insuo hai rêng rêng chu Speaker thurâwn dungzuiin insuo hlak a tih.

4. Deputy Assembly Secretary

(a) Deputy Assembly Secretary chun, kawng iengkimah Assembly Secretary thlawp a tih.

(b) Assembly Secretary a umnaw / remchângnaw hmun le hunah a âi âwng a tih.

(c) Assembly Secretary-in zânkhat mitsim (thina) a tuok leiin am anih, inhlîpthlâkna (resignation) am anih, annawleh bânna (removal) leiin a sin a châwlsan chun inthlang nâwk hma po a âi âwng a tih.

(d) Speaker inrâwina General Assembly programme le Executive Council programme siemnaah member ning a tih.

ARTICLE 16 – GENERAL HEADQUARTERS

1. President

(a) President, General Headquarters chu HSA-a a lû tak a nih.

(b) President, General Headquarters chu Central Executive Committee-a Chairman ning a tih.

(d) General Assembly le Executive Council thurêl bawzuiṭulhai bawzui le HSA pumpui huopa thilthaw hrim hrim chu ama inrâwina hnuoia thaw pei ning a tih.

(e) Central Executive Committee inkhâwmah ziektu General Secretary le Assistant General Secretary an um remchâng naw chun, ziektu dingin member lâia mi pakhat ruot thei a tih.

2. Vice President

(a) Vice-President chun kawng iengkimah President thlawpin ṭhangpui a tih.

(b) President umnaw châng / theinaw chângin a âi âwng a tih.

(d) President-in zânkhat mitsim (thina) a tuok leiin am anih, inhlîpthlâkna (resignation) am anih, annawleh bânna (removal) leiin a sin a châwlsan chun, inthlang nâwk hma po President sin chel a tih.

(e) President âiaw dinga Vice President hi a lo remchângnaw chun, President thlang hma pova dingin mi dang Central Executive Committee-in President sin chel ding lo ruot a tih.

3. General Secretary

(a) General Secretary, General Headquarters chun, Central Executive Committee inkhâwm (meeting) phawtah ziektu sin thawng a tih.

(b) Central Executive Committee meeting ko thuah President le inrâwnin inkhâwm ko a tih.

(c) HSA hminga lekha semdar, insuo (official) hrim hrim President / Central Executive Committee remtipuinain insuong a tih.

4. Assistant General Secretary

(a) Assistant General Secretary chun kawng iengkimah General Secretary thlawpin ṭhangpui a tih.

(b) General Secretary umnaw châng / theinaw chângin a âi âwng a tih.

(d) General Secretary-in zânkhat mitsim (thina) a tuok leiin am anih, inhlîpthlâkna (resignation) am anih, annawleh bânna (removal) leiin a sin a châwlsan chun, inthlang nâwk hma po General Secretary sin chel a tih.

(e) General Secretary âiaw dinga Assistant General Secretary hi a lo remchâng naw chun, General Secretary thlang hma pova dingin mi dang Central Executive Committee-in General Secretary sin chel ding lo ruot a tih.

5. Finance Secretary :

(a) Sum hmu le suok po po zieklûttu ning a tih.

(b) Sum hmu (receipt) po po ama kutah lût vawng nghal pei a tih.

(d) HSA sum rêng rêng a hmua inthawka ni sâwmpanga sûngin Bank-ah sielût a tih.

(e) Sum hmu dân ding le hmang dân ding thu General Assembly/ Executive Council a hai budget siemin pelût hlak a tih.

6. Mâwphurna Danghai :

(a) Mâwphurna danghai po poa chun, mâwphurna (portfolio) changtuhaiin an chang ang peiin sin thawin record bû kawl an tih.

(b) An mâwphurna puol bîk bâk khawm Central Executive Committee-in thaw dinga a ti le thu a pêk ang peiin sin thâwng an tih.

7. Auditors & Advisers

(a) Central Executive Committee chun, member pahni nêka tlâwmlo Auditors ruot an tih. Hieng Auditor-hai hin kum khatah vawikhat bêk audit thâwng an ta, audit statement / report chu member po po hriet thei dingin an tlângzar bawk ding a nih.

(b) HSA office tin chun ṭul le ṭhaa an hriet chun Advisers pathum nêka tlâwmlo ruot thei an tih.

(c) Hieng Adviser-hai hi political party le hnam sûnga pâwl pakhat-a a kûl-a-tâia inhmanglo ni thei hai sien chu duthusâm a nih.

(d) General Headquarters Adviser-hai hi General Assembly, Executive Council le Central Executive Committee rorêlna taphawtah ṭhang thei an ta, a hranpa lieuva Palâi dinga ruot an ni chun vote khawm nei thei an tih. Central Executive Committee-a ruok chun, vote nei thei naw ni hai.

ARTICLE 17 – JOINT HEADQUARTERS, BRANCH LE UNIT

1. President

(a) President chu JHQ / Branch / Unit-ah a lû tak ning a tih. Mâwphurna insâng tak lain, thlang a nina Joint Headquarters / Branch / Unit-a a lû tak nina neiin sin thawng a tih.

(b) Joint Headquarters President chun, Conference le Executive Committee meeting hai keihruoi hlak a tih.

(d) Unit President chun, Unit Annual Meet le Unit Committee keihruoi hlak a tih.

(e) Joint Headquarters, Branch le Unit-a sum hmang ding rêng rêng chu President-hai pei remtinaa hmang ning a tih.

2. Vice – President

(a) Vice President chun kawng iengkimah President thlawpin ṭhangpui a tih.

(b) President umnaw châng or theinaw chângin President âi âw hlak a tih.

(d) President-in zânkhat mitsîm (thina) a tuok leiin am anih, inbânna (resignation) leiin, annawleh bânna/ inchâwltirna (termination) leiin a sin a châwlsan chun, mi dang thlangthar hma po Vice President-in President sin chel a tih. Vice President a remchângnaw ruok chun, Executive Committee/ Branch Committee/ Unit Committee Committee-in mi dang President sin chel ding ruot thei an tih.

3. General Secretary :

(a) Joint Headquarters-a chun General Secretary um a tih.

(b) General Secretary chun, Conference le Committee phawtah ziektu sin thawng a tih.

(d) President leh inthlawp le inhrepaw peiin sin thâwng a tih.

(e) Joint Headquarters/ Branch/ Unit hminga lekha insuo le HSA hminga lekha insuo hrim hrim ama hminga insuo ning a ta, President or Executive Committee remtipuina naw chun, ama thu thuin insuo thei naw nih.

4. Assistant General Secretary

(a) Joint Headquarters-a chun Assistant General Secretary um an tih.

(b) Kawng iengkimah General Secretary thlawpin ṭhangpui a tih.

(d) General Secretary-in zânkhat mitsîm (thina) a tuok leiin am anih, inbânna (resignation) leiin, annawleh bânna/ inchâwltirna (termination) leiin a sin a châwlsan chun, mi dang thlangthar hma po Assistant General Secretary-in General Secretary sin lo chel a tih. Assistant General Secretary a remchâng naw ruok chun Executive Committee-in mi dang General Secretary sin chel ding ruot thei an tih.

5. Secretary

(a) Secretary chu Branch le Unit-a um ve vêng a tih.

(b) Secretary chun, Annual Meet le Branch/Unit Committee-ah ziektu sin thâwng a tih.

(d) President leh inthlawp le inhrepaw peiin sin thawng a tih.

(e) Branch/Unit hminga lekha insuo le HSA hminga Branch/ Unit inthawka lekha insuo hrim hrim ama hminga insuo ning a ta, President or Branch/Unit Committee remtipuina naw chun, ama thu thuin insuo thei bawk naw nih.

6. Assistant Secretary

(a) Assistant Secretary chu Branch le Unit-ah um ve vêng a tih.

(b) Kawng iengkimah Secretary thlawpin ṭhangpui a tih.

(d) Secretary-in zânkhat mitsîm (thina) a tuok leiin am anih, inbânna (resignation) leiin, annawleh bânna/ inchâwltirna (termination) leiin a sin a châwlsan chun, mi dang thlang thar hma po Assistant Secretary-in Secretary sin lo chel a tih. Assistant Secretary a remchâng naw ruok chun, Branch/ Unit Committee-in mi dang Secretary sin chel ding ruot thei an tih.

7. Finance Secretary

(a) Joint Head Quarter/ Branch/ Unita-a Sum lût le suok po po zieklûttu ning a tih.

(b) President or Committee phalna naw chun ama thuin sum la suokin pesuok thei naw nih.

(c) President or Committee hriet loin sum a pêksuok chun, ama mâwphurna vawng ning a ta, thung a ṭul chun a ma’n thung a tih.

8. Mâwphurna Danghai:

(a) Mâwphurna danghai po po chu mâwphurna (portfolio) an chang ang peiin sin thawin record bû kawl an tih.

(b) An mâwphurna puol bîk bâk khawm committee-in thaw dinga a ti le thu a pêk ang peiin thâwng an tih.

(c) Sin cheltheilo hai chu inthlang nâwk hma pova lo cheltu ding Executive Comittee or Branch/ Unit Committee-in ruot an tih.

9. Auditors & Advisers

(a) HSA office tin (JHQ/Branch le Unit) chun, member pahni nêka tlâwmlo Auditors ruot an tih. Hieng Auditor-hai hin kum khata vawikhat bêk audit thâwng an ta, audit statement/ report chu member po po hriet thei dingin an tlângzâr bawk ding a nih.

(b) HSA office tin chun ṭul le ṭha a an hriet chun Advisers pathum nêka tlâwmlo ruot thei an tih.

(c) Hieng Advisers hai hi political party le hnam sûnga pâwl pakhat-a a kûl-a-tâia inhmanglo nithei hai sien chu duthusâm a nih.

(d) Joint Headquarters Adviser-hai hi Conference le Executive Committee rorêlna taphawta ṭhang thei an ta, Conference a hin Palâi dinga ruot an ni chauvin vote nei thei an tih. Executive Committee-a ruok chun, vote nei thei naw ni hai.

(e) Branch/ Unit-a Adviser-hai hi Annual Meet le Branch/Unit Committee rorêlna taphawta ṭhang thei an ta, Annual Meet-a khawm vote nei thei an tih.

CHAPTER III - BÂNNA LE INHLÎPTHLÂKNA

CHAPTER III – BÂNNA LE INHLÎPTHLÂKNA

ARTICLE 18 – BÂNNA

1. President, General Headquarters

(a) President chu HSA thila suksuol a nei a, HSA inawpdân kalin a um am anih, HSA a ṭhuoi dânah memberhai lung ninaw zâwng thil lientham, HSA dân le inkal bawk a thaw chun bân thei ning a tih. Bân a lo ni chun, inthlang hma po Vice President-in a âi âwng a tih.

(b) President lo inchâwltir theitu chu Speaker ning a ta, Executive Council/ General Assembly hmasa takah member po po hmun thuma ṭhea hmun hni (2/3) remtinain pawmpuiin pawmpui naw thei ning a tih.

(c) Bân a ni hma’n, bân a nina ding sanhai chu ziek ngeiin fel taka buotsaiin, thudik le thudik naw enfela sukchieng a ni ngei ding a nih.

(d) Executive Council-in President a lo bân a ni chun, a bâna inthawka General Assembly hmasa takah ennawn nâwk ning a ta, General Assembly chun Executive Council thurêl chu pawmpuiin pawmpui naw thei a tih.

(e) Bân ngai hiel khawpa President hêkna chu General Assembly thlanghai a tu el khawmin Assembly Speaker kutah pelût thei an ta, chu lekha chu Speaker-in bawzui a tih. Joint Headquarters le Branch-hai khawmin hêkna lekha chu siem thei bawk an tih.

2. General Headquarters-a Ṭhuoitu Danghai

(a) General Assembly thlang, President ti lo, a tu el khawm HSA inawpdân kal le sukse zâwnga um/châng, memberhai mit tlung naw zâwnga khawsa an um chun Speaker-in lo inchâwltir a ta, Executive Council/ General Assembly hmasa takah member po po hmun hnia ṭhea hmun khat (1/2) remtinain bân thei an tih.

(b) General Assembly thlang, President ti lova tuelkhawm bân a ni ding chun, bân a ni hmain a san fel takin President-in ziek ngeiin Speaker kuomah pelût a ta, thudik le thudik naw a enfel hnungin action la’ng a tih. Hêkna lekha hi Joint Headquarters le Branch-hai khawmin pelût thei an tih.

3. Inchûklai Nun Editorial Staffs

(a) Inchûklai-nun Editor annawleh, Editorial Board Staff-hai, a tu el khawm HSA Inawpdân kala um/ thu insuo an um chun General Headquarters âiâwin President-in zilin kâwk a tih.

(b) Zilna pêk a ni hnung khawma a sim naw chun a sina inthawkin bân thei ning a tih.

(c) Bân a ni chun Executive Council hmasa takah inhriettir ning a ta; Executive Council chun pawmpuiin pawmpui naw thei a tih.

4. Joint Headquarters, Branch le Unit

(a) Joint Headquarters, Branch le Unit haia President chu HSA thila suksuol a nei a, HSA inawpdân kalin am anih, HSA a ṭhuoi dânah memberhai lung ninaw zâwng thil lientham, HSA dân le inkal bawk a thaw chun Central Eexecutive Committee-in bân thei a tih.

(b) Bân a lo ni chun inthlang hma po Vice President-in a âi âwng a tih.

(c) Joint Headquarters, Branch le Unit haiah President ti lo, ṭhuoitu dang, a tu el khawm, HSA thila suksuol a nei a, HSA inawpdân kalin a um am anih, HSA a ṭhuoi dânah memberhai lung ninaw zâwng thil lientham HSA dân le inkal bawk a thaw chun Central Eexecutive Committee-in bân thei a tih.

(d) Joint Headquarters Conference le Branch Annual Meet in Joint Headquarters le Branch ṭhuoitu dinga a thlangtlinghai/ ruot hai President tilo po bân theitu ding chu Central Executive Committee ning a tih.

(e) Unit Annual Meet-in Unit ṭhuoitu dinga a thlangtlinghai bân theitu ding chu an inthlungna Joint Headquarters Executive Committee ning a tih.

5. Assembly Speaker

(a) Speaker chu HSA thila suksuol a nei a, HSA inawpdân kalin a um am anih, HSA a ṭhuoi dânah memberhai lung ninaw zâwng thil lientham, HSA dân le inkal bawk a thaw chun bân thei ning a tih. Bân a lo ni chun, inthlang hma po Deputy Speaker-in a âi âwng a tih.

(b) Speaker lo inchâwltir theitu chu Executive Council/ General Assembly ning ata, member po po hmun thuma ṭhea hmun hni (2/3) remtina ani ngei ding a nih.

(c) Bân a ni hma’n, bân a nina ding sanhai chu ziek ngeiin fel taka buotsaiin, thudik le thudik naw enfela sukchieng a ni ngei ding a nih.

(d) Executive Council-in Speaker a lo bân or bân naw a ni khawmin a chung thu hi, General Assembly hmasa takah ennawn nâwk ning a ta, General Assembly chun Executive Council thurêl chu pawmpuiin pawmpui naw thei a tih.

6. Assembly Secretariat-a Ṭhuoitu Danghai

(a) Assembly Secretariat-a ṭhuoitu, Speaker ti lo, a tu el khawm HSA inawpdân kal le sukse zâwnga um/châng, memberhai mit tlung naw zâwnga khawsa an um chun Central Eexecutive Committee-in lo inchâwltir a ta, Executive Council / General Assembly hmasa takah member po po hmun hnia ṭhea hmun khat (1/2) remtinain bân thei an tih.

(b) Assembly Secretariat-a ṭhuoitu, Speaker ti lo, a tuelkhawm bân a ni ding chun, bân a ni hmain a san fel takin President-in ziek ngeiin Speaker kuomah pelût a ta, thudik le thudik naw a enfel hnungin action la’ng a tih. Hêkna lekha hi Joint Headquarters le Branch-hai khawmin pelût thei an tih.

ARTICLE 19 – INHLÎPTHLÂK DÂN

1. General Headquarters

(a) Assembly thlang, a tu el khawm a hun (term) tâwp hmaa theinawna/ harsatna a tuok leia a sina inthawka châwl/ tawp a nuom chun, a’n hlîpthlâk nuomna san fel taka ziekin Speaker kuomah a pêklût ding a nih. Speaker-in a thu izirin pawmin / pawm naw thei a tih.

(b) President a lo inhlîpthlâk chun, Vice President-in a âi âwng a tih. Vice President a remchâng naw chun, Central Executive Committee-in Assembly Speaker inrâwina hnuoiah mi dang ruot thei an tih.

(c) President ti lo, mi dang Assembly a thlang hai inhlîpthlâk dân khawm a chunga ang bawk hin an inbânna chu Speaker kuomaah a san fel taka ziek in pêng a ta, an sin mâksânhai cheltu ding Central Executive Committee-in ruot a tih.

2. Assembly Secretariat

(a) Assembly Speaker a hun (term) tâwp hmaa theinawna/ harsatna a tuok leia a sina inthawka châwl/tawp a nuom chun, a’n hlîpthlâk nuomna san fel taka ziekin Deputy Speaker kuomah a pêklût ding a nih. Deputy Speaker-in Speaker inbânna hi Central Eexecutive Committee a pelût a ta; Central Eexecutive Committee thurâwn dungzuiin Executive Council chun pawmin / pawm naw thei a tih.

(b) Speaker ti lo, mi dang Assembly Secretariat ṭhuoituhai an inbânna chu Speaker kuomaah a san fel taka ziekin pêng an ta, Speaker in Central Eexecutive Committee a pelût a tih. An inbânna chu Central Executive Committee-in a thu izirin pawmin/ pawm naw thei a tih. An inbânna pawm a ni chun an sin mâksânhai cheltu ding Speaker inrâwina hnuoiah Central Executive Committee-in ruot a tih.

3. Joint Headquarters, Branch le Unit

(a) Conference le Branch Annual Meet-in Joint Headquarters/ Branch President dinga a thlangtling, a Office hun (term) tâwp hmaa theinawna/ harsatna a tuok leia a sina inthawka châwl/tâwp a nuom chun a’n hlîpthlâk nuomna san fel taka ziekin Central Execuitve Committee (President / General Secretary) kuomah ziekin a pêklût ding a nih. Central Executive Committee-in a thu izirin pawmin/ pawm naw thei a tih.

(b) JHQ/ Branch President an hlîpthlâk chun, a âi ding thlang hma po Vice President-in a âi âwng tih. Vice President a lo remchâng naw ani chun, Central Executive Committee thurâwnin Executive Committee in inthlang hma po a President ding ruot a tih.

(c) Conference le Annual Meet thlang, President ti lo, a tuelkhawm a hun (term) tawp hmaa theinawna/ harsatna a tuok leia a sina inthawka châwl/tawp a nuom chun a’n hlîpthlâk nuomna san fel taka ziekin President kuomah a pêklût ding a nih. Executive Committee/ Branch Committee-in a thu izirin pawmin pawm naw thei a tih.

(d) JHQ/ Branch President ti lo, a tuelkhawm a’n hlîpthlâk chun a âi âw ding Executive Committee/ Branch Committee-in ruot a tih.

(e) Unit Annual Meet-in President dinga a thlangtling, a hun (term) tawp hmaa theinawna/ harsatna a tuok leia a sina inthawka châwl/ tâwp a nuom chun, an hlîpthlâk nuomna san fel taka ziekin Joint Headquarters Executive Committee (President / General Secretary) kuomah ziek ngeiin a pêklût ding a nih. Executive Committee-in a thu izirin pawmin/ pawm naw thei a tih.

(f) Unit/Branch President a’n hlîpthlâk chun, a âi aw ding thlang hma po, Vice President-in a âi âwng tih.

(g) Annual Meet-in Unit/Branch ṭhuoitu dinga a thlangtling, President ti lo, a hun (term) tâwp hmaa theinawna/harsatna a tuok leia a sina inthawka châwl/tâwp a nuom chun a’n hlîpthlâk nuomna san fel taka ziekin Unit Committee (President/ Secretary) kuomah ziek ngeiin a pêklût ding a nih. Unit Committee-in a thu izirin pawmin/ pawm naw thei a tih.

(h) President ti lo, Unit ṭhuoitu, a tuelkhawm an hlîpthlâk chun a âi âw ding Unit Committee-in ruot a tih.

CHAPTER IV - HSA THILNEI (PROPERTY)

CHAPTER IV – HSA THILNEI (PROPERTY)

ARTICLE 20 – RAM, HMUN LE LO (IMMOVABLE PROPERTIES)

(a) HSA pumpui hminga ram, hmun le lo hrim hrim chu HSA hming vawnga sie ning a tih. HSA âia hming ziektu dingin pâwl lûtak President ning a tih.

(b) General Assembly remtina naw chun, HSA thilnei – ram, hmun le lo le, thil lien deuhai chu tukhawmin sukthlawng (zawr), khawidar, sukdanglam thei naw nih.

(c) HSA Property hai hrim hrim President hminga enkâitu dingin Central Executive Committee Member a mi ngei Property Secretary dingin Executive Council in ruot thei a tih.

ARTICLE 21 – THILNEI DANG DANG

(a) HSA pumpui hminga thilnei le thuomhnaw, lekha zieka kawl chi le lâksawn thei (movable property) chu Central Execuitve Committee-in enkawl vawng a tih.

(b) Head Office-a sie thei le sie thei naw a um chun Central Executive Committee-in ngaituo fâwm pei a tih.

(c) Thil thar (property) lâk le inchâwk thuah Central Executive Committee-in thu nei a tih. Thil puitham le lien deu thuah ruok chun Executive Council/ General Assembly râwn a ta, chu thurêl ang dungzui chun thaw ning a tih.

(d) Joint Headquarters/ Branch le Unit-in ama thawsuok (ama hminga a sie) le ama chanpuola a neihai chu ama thilnei (property) ning a tih.

(e) Joint Headquarters/ Branch le Unit-a HSA thilnei (property) po po lâksawn thei (movable) le lekha zieka kawl chi po po chu President chellâi peiin kawl a tih.

(f) Joint Headquarters / Branch le Unit a HSA thilnei hrim hrim chu sukthlawng (zawr), khawidar le sukdanglam ding thuah, Conference/ Annual Meet chauin thu nei a tih.

(g) Joint Headquarters/Branch le Unit thil thar (property) lâk, inchâwk thuah Executive Committee/Branch Committee/Unit Committee thuneina ning a tih. Thil lien le puithu deuah Conference/Annual Meet râwn an ta, chu thurêl ang dungzui chun thil thâwng an tih.

(h) HSA thilnei (property) hai chu a kawltuhai chun hmangai takin enkawl an ta, hâw/ hmang etc, ding thuah dân siemsa a um chun, chu ang dungzui chun inhawtir/ inhmangtir ning a tih.

(i) HSA thilnei (property) hrim hrim rukrû/ misuol laka inthawk am anih, annawleh, vangduoina thil leiin a lo bohmang a ni chun, a kawltu chun an hmang a nih ti a hrieta inthawk a’n hmathei angin, thuneituhai inkhâwmna hmasa takah a’n tlun (hril) ding a nih. Chutaka chun, thawdân ding ngaituona/ suizuina nei an tih.

(j) HSA Unit harsatna lei/ buoina leia sunzawm thei ta lova a tâwp/ bo chun, Unit thilnei (property) po po le file-hai chu an inthlungna JHQs-in lain kawl vawng a tih. Sunzawm nâwk/ indin thar nâwk a ni hun hunah an thilnei po po pêkkîr nâwk ning an tih.

(k) HSA Joint Headquarters le Branch harsatna lei, buoina leia sunzawm thei ta lova a tâwp/bo chun, Joint Headquarters le Branch thilnei (property) po po le file-hai chu General Headquarters-in lâng a ta, kawl vawng a tih. Sunzawm nâwk/ indin thar nâwk hun hunah pêkkîr nâwk ning an tih.

ARTICLE 22 – CHANCHINBU LE MAGAZINE

(a) Inchûklai-Nun (In-Nun) chu Assembly ta a ni leiin General Headquarters-in enkawl a tih.

(b) Editor le Editorial Staff dinghai chu Executive Council-in ruot a tih.

(c) HSA suma sut annawleh contract system-a pêk a remchâng lem lem hmang thei ning a tih. Hi chungchâng thua hin General Assembly-in thu nei a tih.

(d) Contract-a lo pêk a ni khawm a, thuinsuo thuah HSA-in thuneina nei vawng a tih.

(e) Contract-tu le kârah inremna Executive Council âia ziektu ding chu President le Finance Secretary hai ning an tih.

(f) Inchûklai-Nun-a sum lût le suok thuah Circulation Manager-in record bu hran neiin mawphur a tih.

(g) Inchûklai-Nun ni lo, chanchinbu (Periodicals) dang Joint Headquarters, Branch le Unit-in HSA hminga insuo a nuom chun, insuo thei a tih. Chu chanchinbua chun, HSA inawpdân le thiltum kal zâwng insuo phal ni naw nih.

(h) General Headquarters, Joint Headquarters, Branch le Unit-in Magazine insuo a nuom chun, insuo thei a tih. Chu Magazine-a chun HSA inawpdân le thiltum (policy) kal zâwng insuo phal ni naw nih.

(i) Joint Headquarters, Branch le Unit-a chanchinbuhai chu, anni ṭha ti dân ang sengin a enkawlna dân siem thei an tih.

CHAPTER V - ELECTION RULES

CHAPTER V – ELECTION RULES

HSA ṭhuoituhai inthlang dân ding le ruot ding hai chu hieng ang hin ning a tih

ARTICLE 23 – ASSEMBLY SECRETARIAT

1. Speaker

2. Deputy Speaker

3. Assembly Secretary

4. Deputy Assembly Secretary

ARTICLE 24 – GENERAL HEADQUARTERS

(i) President

(ii) Vice President

(iii) General Secretary

(iv) Assistant General Secretary

(v) Finance Secretary

(vi) Departmental Secretaries:

(a) Education (b) Information & Publicity

(e) Statistics

(vii) Advisors (viii) Auditors

ARTICLE 25 – JOINT HEADQUARTERS

(i) President (ii) Vice President

(iii) General Secretary (iv) Assistant General Secretary

(v) Finance Secretary (vi) Treasurer

(vii). Departmental Secretaries:

(a) Education (b) Social & Culture

(e) Games & Sports (f) Statistics

(viii). Advisors (ix). Auditors

ARTICLE 26 – BRANCH LE UNIT

(i) President (ii) Vice President

(iii) Secretary (iv) Assistant Secretary

(v) Finance Secretary (vi) Treasurer

(vii). Departmental Secretaries:

(a) Education (b) Social & Culture

(e) Games & Sports (f) Statistics

(viii). Advisors (ix). Auditors

BS (Belsa): Department Secretary, Area Representative, Committee Member le Advisers ruot thua hin Office Bearer-hai remhrietna le ṭul le ṭhaa an hriet dân dân hmang thei an ta, nuom le nuom naw thuin ruotin, ruot naw thei an tih.

ARTICLE 27 – THLANGTHEITUHAI

(a) General Assembly le General Headquarters ṭhuoitu dinghai thlangnaa chun, General Assembly-a Palâi-hai poin vote nei an tih.

(b) Joint Headquarters ṭhuoitu dinghai thlangnaa chun, Conference-a Palâi-hai poin vote nei an tih.

ARTICLE 28 – THLANGTHEIHAI

Inchûklai zing le inchûkna bânsan ta khawm ni sien, HSA-a mawphurtu dinga thlang thei ning a tih.

(i) ASSEMBLY SECRETARIAT LE GENERAL HEADQUARTERS

(a) Assembly Secretariat ṭhuoitu dinga tlangtheihai chuh Pasal/Nuhmei Kum 25 chungtieng an hnuoitakah Bachelor Degree nei, HSA-a inhnikmi le hriemi, Central Executive Committee Member term khat bêk lo chel tah, political party-a nina nei lo an ni ding a nih.

(b) President ding chu Nuhmei/ Pasal a’n hnuoi taka Bachelor Degree nei, Kum 25 a inthawka chungtieng, Central Executive Committee a term khat bêk ṭhuoitu chel ta, HSA inṭhuoidân hrie mi le inhnikna nei mi, Political party a nina neilo anni ding a nih.

(c) Vice President ding chu Nuhmei/ Pasal a’n hnuoi taka Bachelor Degree nei, Kum 25 a inthawka chungtieng, Central Executive Committee Member a term khat bêk ṭhuoitu chel ta/ JHQ a term khat bêk Executive Committee mâwphurna lo chel tah, HSA inṭhuoidân hrie mi le inhnikna nei mi, Political party a nina neilo anni ding a nih.

(d) General Secretary ding chu Nuhmei/ Pasal a’n hnuoi taka Bachelor Degree nei, kum 25 a inthawka chungtieng, HSA Central Executive Committee Member term khat bêk chel tah, / JHQ a President/ General Secretary term khat bêk chel tah, HSA inṭhuoidân hrie mi le inhnikna nei mi, Political party a nina neilo anni ding a nih.

(e) Assistant General Secretary ding chu Nuhmei/ Pasal a’n hnuoi taka Bachelor Degree nei, kum 25 a inthawka chungtieng, Central Executive Committee Member/ JHQ a Executive Committee term khat bêk chel ta, HSA inṭhuoidân hrie mi le inhnikna nei mi, Political party a nina neilo anni ding a nih.

(f) Finance Secretary ding chu Nuhmei/ Pasal a’n hnuoi taka Bachelor Degree nei, account vawng thiem, mi ringum, kum 25 a inthawka chungtieng, Central Executive Committee Member/ JHQ a Executive Committee term khat bêk lo chel tah, HSA inṭhuoidân hrie mi le inhnikna nei mi, Political party a nina neilo anni ding a nih.

(g) Central Executive Committee Member General Assembly a thlang lo po chu General Assembly a thlang tling ta po haiin an Meeting hmasatakah ruot an tih.

(ii) JOINT HEADQUARTERS

(a) President ding chu Nuhmei/ Pasal a’n hnuoi taka Cl-XII or equivalent, Kum 20 a inthawka chungtieng, HSA JHQ a Executive Committee a term khat bêk mâwphurna lo chel ta, HSA inṭhuoidân hrie mi le inhnikna nei mi, Political party a nina neilo anni ding a nih.

(b) General Secretary/ Secretary ding chu Nuhmei/ Pasal a’n hnuoi taka Pâwl sâwmpahni (Cl-XII) or equivalent, Kum 20 a inthawka chungtieng, JHQ a Executive Committee mâwphurna lo chel tah/ Unit/ Branch a ṭhuoitu term khat bêk chel ta, HSA inṭhuoidân hrie mi le inhnikna nei mi, Political party a nina neilo anni ding a nih.

(c) Joint Headquarters ṭhuoitu dang, (President le General Secretary ti lo po), dinga thlangtheihai chu Pasal/ Nuhmei kum 18-a inthawka chungtieng, HSA-a inhnikna nei le hmangaina nei mi a ni ding a nih.

(d) Conference in a thlang lo po hai chu Conference in a thlang tling hai Committee nei hmasatakah ruot an tih.

(iii) BRANCH LE UNIT

(a) Branch le Unit ṭhuoitu ding thlang thuah zalên taka kawt hawng ning a ta, tu el khawm HSA-a inhnikna neia hmangaitu taphawthai thlangthei ning an tih.

ARTICLE 29 – INTHLANG DÂN KALHMANG

(a) Election Commission hin General Assembly, Conference le Annual Meet a hai hin floor nomination a um hai remtina lain; an nina le qualification hai zieka an pêk hai enfel an ta, candidate hai chu pawmin pawmnaw thei an tih. Chu endikna zo ani pha palâi fêkhâwm hai hrieta an tarlang hnungin election chu ṭan ning atih.

(b) General Assembly hotu le General Headquarters ṭhuoitu dinghai hrim hrim chuh General Assembly Palâihaiin Election Commission inrâwina hnuoiah thlang hlak an tih.

(c) General Headquarters ṭhuoitu ding inthlangna huoihawttu ding Election Commission member 3 (pathum) nêka tlâwm lo, Central Execuitve Committee-in ruot a tih.

(d) Joint Headquarters, Branch le Unit haia Presiding Officer le Election Secretary ding chu an inthlungna pei Executive Committee, Branch/ Unit Committee-in ruot a tih.

(e) Inthlang (election) hrim hrim thlangna lekha thup (secret ballot) hmanga inthlang a ni ngei ding a nih.

(f) Candidate siem a ni phawt chun inthlangna hi ni khat / ṭum khata zo a ni ngei ding a nih.

(g) General Headquarters, Joint Headquarters/ Branch/ Unit-a President dinga Palâi haiin an Candidate chun a remtina ziek ngeiin inthlang nei hma ngeiin Election Commission kuomah a pêklût hmasa ding a nih.

(h) Candidate tin chu propose-tu um a ta, propose-tu chun a tlâwm takah pakhat bêk supporter a nei ngei ding a nih. Candidate supporter nei lo chu pawm ni naw nih.

(i) Portfolio pakhatah Candidate zât ding chu Election Presiding Officer thuneina ning a tih.

(j) Portfolio pakhat-ah candidate pakhat chau a um a, khingtu an um naw chun, chu candidate chu khingtu bova tlinga puong ning a tih.

(k) Vote inbûktâwk an um chun Election Presiding Officer-in vote neiin thlâk thei a tih.

(l) HSA ṭhuoitu inthlangna hrim hrima chun President thlang hmasa tak ning a ta, chun a danghai thlang thei ni chau an tih.

(m) Joint Headquarters le Branch inthlangna chu General Headquarters-in hrietpui a ta, hrietpuitu (Observer) a tir ngei ding a nih. Unit inthlangna chu an inthlungna Joint Headquarters-in hrietpui a ta, hrietpuitu (Observer) a tir ding a nih.

(n) Harsatna leia Joint Headquarters/ Branch a lo fe tluong thei ta naw a, inthlangna chen khawm an nei thei ta naw chun, inkhâwm ko le inthlangna chu General Headquarters-in maw phur a tih.

(o) Harsatna leia Unit a lo fe tluong thei ta naw a, inthlangna chen khawm an nei thei ta naw chun, inkhâwm ko le inthlangna chu Joint Headquarters-in maw phur a tih.

(p) Joint Headquarters/ Branch/ Unit ṭhuoitu ding inthlangnaah Election Presiding Officer le Election Secretary ding chu HSA chinchâng hremi le HSA-a lo inhmang hlak Executive/ Branch/ Unit Committee-in ruot a tih.

(q) HSA General Headquarters (Central Executive Committee) chun, inthlang hmain, ieng hunna khawm ṭhuoitu thar thlang ding thu lo chai lâwkin lo thlîr lâwk thei a tih.

(r) Joint Headquarters, Branch le Unit a Office Bearer-haiin ṭhuoitu thar thlang ding thu lo chai lâwkin lo thlîr lâwk thei an tih.

(s) Joint Headquarters le Branch-a inthlangna result chu General Headquarters-ah a’n hma thei ang takin an thawn ding a nih. Chuong ang bawkin Unit inthlangna result chu an inthlungna Joint Headquarters-ah a’n hma thei ang takin an intlun ding a nih.

(t) Joint Headquarters/ Branch/Unit hai inthlang si a, an inthlang thu le result an inhriettirna dinga an inhriettir naw hrâm chun, General Headquarters/ an inthlungna Joint Headquarters-in ṭul le ṭha a ti angin pawmin pawm naw thei a tih.

ARTICLE 30 – INTHLANG ṬHUL THEINA DING SANHAI

(a) HSA sûnga buoina am anih siet tuok an um thut leia inthlangna bâhla thei ding a ni chun.

(b) Inthlang bâhla thei khawpa inthlangna ding hmuna buoina am anih sietna a tlung thut chun.

(c) Hnamin am anih khawvêlin buoina a tuok thuta inkhâwmpui am anih inthlang rawt thei lo khawp hiel thiltlung a um chun.

(d) Khawvêl siettuok (natural calamity) a tlung thut a, inkhâwmpui le inthlang rawt theilo khawp hiel a ni chun.

(e) HSA sûnga thuneitu insâng lem haia inthawka inthlanglo ding thu hmu a ni chun.

(f) Sawrkârin inkhâwmpui le inthlang neilo dinga khapna a siem chun.

(g) Buoina lei le lotheilo thil um leia inthlang nei naw chu ṭhul sawng ni naw ni a, a hun chau sawn ning a tih. Inthlang hun sawn a ni chun sawnna thlaa inthawka tiemin thla 3 (thum) sûng inkhâwmpui kova inthlangna nei a ni ngei ding a nih.

ARTICLE 31 – SIN CHARGE INHLÂN DÂN

(Hi dân hi a pumpuia hmang ning a tih)

(a) Office chellâihai (a hluihai) chun General Assembly/ Conference/ Annual Meet chenin mâwphurna la phur an ta, sukfel ding po po la sukfel vawng an tih.

(b) Inthlanga inthawka ni 15 (sâwmpanga) sûng ṭhuoitu hlui (out-going Office Bearers) hai le ṭhuoitu dinga thlang tharhai (In-coming Office bearers) Committee neiin, sin, Charge inhlân an tih.

(c) Joint Headquarters-a ṭhuoitu nilâi zing tuelkhawm, General Headquarters-a ṭhuoitu dinga thlangthling a lo ni chun; a pakhat lem lem inbân phawt a ta, a chelna ding lem lema mâwphurna la thei chau a tih.

(d) Charge inhlânnaa hin thilnei po po huop a ta, lâksawnthei le lâksawntheilo hai khawm list fel taka siemin President kutah an pêk bawk ding a nih.

(e) HSA Office Bearers, a tuelkhawma Office a chel hun sûng tâwp hmaa an hlîpthlâkna leiin am anih, bânna leiin an nawleh hmun danga a fe hmang ding leia a sin a mâksan ding chun, Committee am anih, annawleh General Secretary/ President kutah HSA thil a kuta um po po a list ziek ngei leh fel takin a pêk ding a nih.

(f) HSA Office-Bearer, a tuelkhawm thla thum nêka tam hmun dangah a fe hmang ding a ni chun inbânna lekha a pêk ngei ding a nih. A pêk naw khawma Committee-in thla hni hnungah bân an ta, a âiaw ding dân angin ruot bawk an tih.

(g) HSA Office Bearers, a tuelkhawma Office chel ding hun sûng tawp hmaa hmun dangah thla thum nêka tâwi (sawt lo) a fe hmang ding a ni chun, Central Executive Committee/ Executive Committee/ Branch Committee/ Unit Committee-in a fe hmang sûnga a âi lo âw ding ‘acting-in’ mi dang lo ruot an tih.

(h) HSA ṭhuoitu, a tuelkhawm thina lei/ bânna lei/ mani inbânna leia sin châwlsantu âi ding ruot chu General Assembly/ Conference/ Annual Meet ithlang leh angkhat ning a tih.

ARTICLE 32 – MÂWPHURNA CHEL HUN SÛNG (TERM OF OFFICE)

(a) Assembly Speaker, Deputy Assembly Speaker, Assembly Secretary le Deputy Assembly Secretary hai term chu kum hni (2) ning a tih.

(b) General Headquarters ṭhuoitu dinga General Assembly-in a thlanghai chun kum 4 (kum li) sûng mâwphurna (office) chel an tih.

(d) Joint Headquarters ṭhuoitu dinga Conference-in a thlanghai chun, kum 2 (kum hni) sûng Office chel an tih.

(e) Branch/Unit Annual Meet thlang Branch / Unit ṭhuoituhai chun kum 2 (kum hni) sûng mâwphurna chel an tih.

(f) Inthlangna hi hun bîk um naw ni a. Term tling/hunbi champhâ peia rawt ning a tih.

(g) General Assembly-in ṭul le ṭhaa a hriet chun a pumpui, a ruola General Election rawt thei a tih.

ARTICLE 33 – OFFICE HUN SÛNG PAWTSEI DÂN

(a) General Headquarters-in a hun sûng a, kum li (kum 4) a bo hnungah lotheilo thil, thil harsatna leia General Assembly le inthlang a nei thei naw chun thla ruk, Assembly Speaker hrietpuinain, pawt sei thei a tih. Chubâka pawtsei a ṭul chun Executive Council thuneina ning a ta, Executive Council chun a sâwt takah thla ruk dang pawt sei thei a tih.

(b) Joint Headquarters le Branch-in a term bo hnungah pawtsei ṭula a hriet chun General Headquarters-ah hnina siem a ta, Geneneral Headquarters-in a thu izirin a remtipui chun thla ruk sûng pawtsei phalna pêng a tih.

(c) Unit-in a term bo hnungah pawtsei ṭula a hriet chun a’n thlungna Joint Headquarters-ah hnina siem a ta, a thu izirin a remtipui chun thla ruk sûng pawtsei phalna pêng a tih.

ARTICLE 34 – INCHÂWLTIR THEINA SAN LE DÂN

(a) Joint Headquarters le Branch hai, HSA inawpdân kal zâwnga an umin am anih, annawleh HSA-in a sietpha thei ding khawpa an châng chun General Headquarters-in zillin kâwk a ta, chu hnungah an la sim naw rawp chun thla ruk sûng inchâwltir (suspend) thei a tih, thla ruk bo hnungah pawtsei ṭul a la ni chun, Speaker hrietpuiin, thla ruk dang pawt sei nâwk thei a tih.

(b) Unit, HSA inawpdân kal zâwnga a an umin am anih, annawleh HSA-in a sietpha thei ding khawpa an châng chun Joint Headquarters Executive Committee-in zillin kâwk a ta, chu hnungah an la sim naw rawp chun thla ruk sûng inchâwltir (suspend) thei a tih, thla ruk bo hnungah pawtsei ṭul a la ni chun, Executive Secretary hrietpuiin, thla ruk dang pawt sei nâwk thei a tih.

(c) Inchâwltirna sût a ni hnungah an Office hun (term) a la bo hman naw chun a pângngâiin inthlang nâwk hma po an sin pângngâi sunzawm an tih.

(d) A tu el khawm kum khat inchâwltir anni hnunga an insiemṭha chuong naw chun an Office suktâwppêk (dissolve) ning an tih.

(e) Joint Headquarters/ Branch / Unit term tâwp ta hnung khawma inthlang thei naw annawleh inthlang hun tlung ta si a, inthlang huoihawt thei ta naw khawpa ngîrhmun sie hai chu Central Executive Committee in Office suktâwp (Dissolve) in inthlang huoihawt pêk thei a tih.

(f) Buoina dang dang (sûngtieng le pouting) Joint Headquarters / Branch/ Unit in an nei a, an fe mumal theinaw a hriet a ni chun, Central Executive Committee/ Executive Committee in Office suktâwp (Dissolve) in inthlang tharna nei pui thei a tih.

ARTICLE 35 – EMERGENCY

(a) HSA sûngah buoina a suok a, zuoltieng a pan a, HSA-in a kawidar or sietpha ding khawpa thil a tlung ding a ni chun.

(b) Hnam thila buoina lientak a tlung a, HSA inṭhuoidân pângai sunzawm/ hmangzawm thei lo ding khawpa a um chun.

(d) Central Executive Committee remtinain, President-in Emergency hi puong thei a tih. Pawtsei a ṭul ruok chun Executive Council Member po po hmun thuma ṭhea hmun hni (two-thirds majority) remtinain, thla ruk dang pawt sei ning a tih.

(e) Emergency sût a ni hmâkhat chu General Headquarters-a inthawka Unit chen Central Executive Coommittee-in enkawl a tih.

(f) Executive Council/ General Headquarters phalna naw chun Emergency sûng inkhâwmpui le inthlang phal ni naw nih.

(g) Thilin a pângai a âw nâwk hmasa takah Executive Council/Central Executive Committee remtina bawkin Emergency sûtna thu puong ning a tih.

(h) Assembly Secretariat in a sin thawthei talo khawpa harsatna a tuok chun; Central Executive Committee in Special Assembly kovin siemrem a tih.

ARTICLE 36 – JOINT HEADQUARTERS/ BRANCH/ UNIT INDIN THEI DÂN

(a) Joint Headquarters ding chun a narânin Unit iemanizât nei thei / ienglâi khawma hring zing khawp HSA member umkhâwmna/inchûkna insâng umna a ni ngei ding a nih.

(b) Joint Headquarters indin thuah General Assembly chauin thu nei a tih.

(d) Branch indin thuah General Assembly chauin thuneina nei a tih.

(e) Khuo khat / Sikul / College, Unit pakhata indin khawp HSA member an um chun Unit indin thei ning a tih.

(f) Unit thar indin thuah Joint Headquarters chauin thu nei a tih.

(g) Ṭulna le pawimawna leiin Khuo/ inchûkna hmun haia inchûklâi/ khuo mi haiin Unit indin thei an ta, amiruokchu indin a ni a inthawk ni 15 sûng (hmalakna iengkhawm an nei hma) ngeiin an inthlungna ding JHQ-ah thu intlun an tih. An inthlungna JHQ in a pawm in a pawmnaw thei a, a pawm naw ani chun HSA hming hmangin hma la thei naw nih.

(h) Umna hmun/ inchûkna hmunin a zirnaw leia Joint Headquarters area dinga laklaw, HSA um ṭulna hai chu Central Executive Committee in ngaituo hlak a tih.

ARTICLE 37 – JHQ/BRANCH BIEL SIEMṬHAT LE SUKDANGLAM

(a) HSA biel inṭhe dân siemṭhat (reorganization) thuah General Assembly chauin thuneina nei a tih.

(b) A ṭul angin Joint Headquarters chu ṭhedar thei ning a ta, siekhâwm thei ni bawk an tih.

ARTICLE 38 – THUKHAM (OATH TAKING)

Kei, __________________________________ kum _____________________ (term) sûnga Hmar Students’ Association _____________________________ JHQ/Br./Unit a ____________________________ dinga in mi thlangtling hi ka pawm a, HSA thupui – Sinin, Hrilin, Sanin, Ṭhuoiin, Serve the Nation ti hi kawng iengkima zâwma phursuok dingin vawisûn/vawizân a HSA member pungkhâwmhai le Pathien hmaah ka’n tiem. HSA inawpdân kala ka um chun a maw keiin phur ka tih.

Designation Name in Capital Signature

_________ ______________ ________

Date and place: Oath- Taking Minister

______________ _________________

Belsa:

(a) Thukhâm hi Mâwphurna (Post) pakhatah form hran seng siem ning a tih.

(b) Intiemkamna rawngbâwl hi General Assembly/ Conference/ Annual Meet sûng ngei an nei ding a nih.

(c) Inkhâwmpui ni lova inthlang ding ringawta inkhâwm an ni a, a ni la lâa intiemkamna rawngbâwl nei a remchângnaw chun, an inthlanga inthawka ni 5 (nga) sûng intiemkamna rawngbâwl an nei ngei ding a nih.

(d) Thukhâm an nei hma chun sin (charge) inhlân thei ni naw nih.

(e) President-in thukhâm a nei hmasa zet naw chun mi dangin nei thei naw ni hai.

(f) President-in thukhâm a lâk/nei nuom naw chun (a sin ding a pawm naw) a tharin mi dang thlang ning a tih, chu hma chun tukhawma thukhâm/ intiemkamna lo la / nei thei naw ni hai.

(g) President ti lo anni laia mi thukhâm la / nei nuom lo an um chun, a ni la lâin am anih, hun dangah chu hmuna ding chun a thar thlang an tih. Chu thlang tharpa/ tharnu chu a hawnpuia intiemkamna rawngbâwlnaah a ṭhang hman ta naw chun hun dangah, Committee hmaah President hrietpuiin thukhâm pângngai la/nei a tih.

(h) General Assembly-a intiemkamna rawngbâwltu ding chu Reverend/Pastor/Kohran Upa ordained a ni ngei ding a nih.

(i) JHQ le Branch-a intiemkamna rawngbâwltu ding chu GHQs President/ Vice-President/ Reverend/ Pastor/ Kohran Upa ordained a ni ngei ding a nih.

(j) Ramhlaa um, Reverend/Pastor/Upa nei lohai chun ṭha le âwm dinga an ngai taphawt ruot thei an tih.

(k) Inthlang kârlaka inhlîpthlâkna or bânna leia Office Bearers lâia mi an sin a lo mâksan a, a âiaw ding anni lâia mi ‘acting’ dinga an ruot chun a hrana intiemkamna a lâk ngai ta naw nih. Mi dang, puotieng mi ‘acting’ dinga an ruot ruok chun Committee hmaah President hrietpuiin intiemkamna (thukham) form a fill-up ding a nih.

(l). Thukhâm form a fill-up zet hma chun a sin (charge) ding chu inhlân thei ni naw nih.

CHAPTER VI - SUM HNÂR

CHAPTER VI – SUM HNÂR

ARTICLE 39 – GENERAL FUND

1. Annual Contribution/ Membership Fee

(a) HSA member taphawt haiin kum tina vawikhat an pêk ding chu a nih.

(b) Annual Contribution / Membership Fee pêk dân ding, petu dinghai le pêkzât ding chu General Assembly-in sum hlutna le ngîrhmun enin kum khat or kum iemani chena dingin siem pei a tih.

(c) HSA Member po po hmunkhata inthlung khâwm vawng ei ni ti sukchiengna dingin Annual Membership Fee hi Member po poin an umna JHQ/ Branch fethengin GHQ-ah châwi an tih. General Assembly in sum hlut dân le ngîrhmun enin Member pakhatah iengzâm bituk ding ti ruok chu rêl hlak a tih.

(d) Membership Fee GHQ chena châwi nawhai chu Member anga ngai ni naw nih.

2. JHQ/ Branch Fee

(a) Unit tinin vawikhat an inthlungna JHQs-a an sung ding chu a nih. Fee sung zât ding chu Conference-in sum hlutna le ngîrhmun enin kum khat or kum iemani chena dingin siem pei a tih.

(b) Fee sung lo Unit hai chu JHQ/Block rorêlna le inthlangnaah an ṭhang phal ni naw nih.

3. General Headquarters Fee

(a) JHQs le Branch haiin kum tina GHQs-a an sung zie ding chu a nih. Fee sung zât ding chu General Assembly-in sum hlutna le ngîrhmun enin kum khat or kum iemani chena dingin siem pei a tih.

(b) GHQs fee sung lo JHQs le Branch hai chu General Assembly rorêlna le inthlangnaah an ṭhang phal ni naw nih.

(c) Special Fund le Project ding bîka dâwl ani naw phawt chun, sum dâwl, sukhlâwk, ṭhangpuina, etc, hai chu General Fund-ah lût vawng a tih.

ARTICLE 40 – SPECIAL FUND

(a) Unit-in ‘project’ a neiin amanih annawleh a bîk taka sum mamawna a nei chun ṭha an ti ang peiin a tlâwm a tam khawm ni sien, sum hmudân lampui a hriet taphawt hmangin lam suok thei a tih.

(b) JHQs/Branch-in ‘project’ a neiin am anih annawleh a bîk taka sum mamawna a nei chun or General Assembly/ Executive Council/ GHQs-a inthawka sum bituk phût an ni chun, sum hmu dân lampui a hriet taphawt hmangin lam suok thei a tih.

(c) General Assembly/ Executive Council/ CEC-in thilthaw (project) a neiin am anih, annawleh, HSA-in ṭulna le mamawna a nei a, a ṭula hriet chun sum hmu dân lampui a hriet taphawt hmangin or Branch le JHQs-hai lai bituk siemin sum dâwl thei a tih.

(d) Special Fund dinga sum dâwl suok le hmusuok hrim hrim General Fund lâia zêlsa thei ni naw nih.

(e) Project dinga sum nei tah, a sum tlâwm leia project a puitling zo naw ding am anih; annawleh, project chu ṭhul a niin am anih, annawleh thil dang harsatna lien taka a um chun; project dinga sum hmu ta po po chu General Fund-ah inlettir (inchangtir) vawng ding a nih. Project siemtuhai chun a ṭhiek thuah khawm thu nei an tih.

ARTICLE 41 – RECEIPT BOOK

(a) Receipt Book chi thum um a tih, General Fund, Education Fund le Special Fund-a ding.

(b) General Fund, Education Fund le Special Fund hai chu File le Cash Book hran vawng a zieklût ding a nih.

ARTICLE 42 – SUM HMANGTHEINA DINGHAI

A taka HSA sum hmang theina ding sanhai chu:

(a) HSA thil (concerned) taphawt, inṭhungkhâwm, inchâwk, inzin etc ah.

(b) HSA in hnam, kohran le khawtlâng ta dinga a thawna taphawtah.

(d) Student pâwl hrang hranghai le inlâichînna le HSA hming am anih, hnam hminga thil thawna taphawtah.

ARTICLE 43 – SUM SANCTION THEITUHAI

1. General Headquarters

(a) Central Executive Committee chun a tlâwm a tam iengzât khawm sum sanction thei a tih. Chu Committee sum sanction chu Finance Secretary-in sanction form-ah a hming sign-in pesuok or a ma’n la suok a tih.

(b) Central Executive Committee inṭhung kârlakah sum hmang ṭulna a um chun President-in ama discretionary power hmangin Rs. 20,000 (sing hni) chen sum sanction thei a tih.

(c) Executive Committee inṭhung kârlakah sum hmang ṭulna a um a, President a um remchâng naw a, thil inhmaw a ni si chun, General Secretary-in Rs. 10,000 (sing khat) chen sum sanction thei a tih.

2. Joint Headquarters

(a) Joint Headquarters Executive Committee chun a tlâwm a tam iengzât khawm sum sanction thei a tih. Chu Committee sum sanction chu Finance Secretary-in sanction form-ah a hming sign-in pe suok or a ma’n la suok a tih.

(b) Committee inṭhung kârlakah sum hmang ṭulna a um chun President-in ama discretionary power hmangin Rs. 5,000 (sângnga) chen sum sanction thei a tih.

(c) Committee inṭhung kârlakah sum hmang ṭulna a um a, President a um remchâng naw a, thil inhmaw a ni si chun, General Secretary / Secretary-in Rs. 2,500 (sânghni le zanga) chen sum sanction thei a tih.

3. Branch & Unit

(a) Branch le Unit Committee-hai chun a tlâwm a tam iengzât khawm sum sanction thei an tih. Chu Committee sum sanction chu Secretary Finance-in sanction form-ah a hming sign-in pe suok or a ma’n la suok a tih.

(b) Committee inṭhung kârlakah sum hmang ṭulna a um chun Branch President-in Rs. 3,000 (sangthum) le Unit President-in Rs. 2,000 (sanghni) sanction thei a tih.

(c) Committee inṭhung kârlakah sum hmang ṭulna a um a, President a um remchâng naw a, thil inhmaw a ni si chun, Branch Secretary-in Rs. 2,000 (sanghni) le Unit Secretary-in Rs. 1,000 (sangkhat) sanction thei a tih.

ARTICLE 44 – SANCTION FORM LE A HMANG DÂN

1. Sanction Form

Sanction form chu hieng anga siem ding a nih

SANCTION FORM

Sanction No…… Tarik……….

Cheng (Rs.) …………. (a thuin) (……………………………..) hi …………….……. in …………………………….…………………… an châwkna/hmang dingin ka sanction.

Resln. No. ……. Tarik ………. (Secy. Finance a ding chauh).

Sum sanction-tu Sum lasuoktu

______________ _____________

Nina __________ Nina

_______________

Seal Seal

Sanction Form Hmang Dân

(a) Sanction form chu President / General Secretary / Secretary le Finance Secretary haiin kawl an ta, sanction number hran sengin siem an tih.

(b) Committee-in sum a sanction hrim hrim chu Finance Secretary mâwphurna ning a ta, sanction form-ah a ma’n zieklût a ta, mi dang or a ma’n sum la suok a tih. Committee sum sanction ti naw chu Finance Secretary-in sum sanction ama thu’n nei thei naw nih.

(c) Sum Sanction lekhahai chu Finance Secretary-in fel takin lo dawng pei a ta, chutaka sum sanction zât chu pe suok a ta, record book-ah ziek lût nghal bawk a tih. Chun, sum lasuoktu chun Finance Secretary record book-a chun a hming a sign ngei bawk ding a nih. Sanction Form-hai chu a number indawtin fel takin Finance Secretary chun a kawl ding a nih.

ARTICLE 45 – BILL FORM LE A HMANG DÂN

1. Bill Form

No…..… Sanction No. …………………………. Tarik…….

Sanction zât Rs. ……….. (a thuin) (………………………………………………..)

Hmang po po Rs. …………. (a thuin) (…………………………………………….)

Sum hmang bang Rs. …..….. (a thuin) (……………………………………………)

Sl.No	Hmangnahai	Rate	A man	Remarks

Hmang po po ……………………………………………………………….

Sum lasuoktu Secy. Finance

——————— ————————

Tarik……….. Tarik………..

2. Bill Form Hmang Dân

(a) Bill Form/Voucher chu sum hmang po po khâikhâwmna (zieklûtna) a ni leiin thienghlim tak le fel taka hmang ding a nih. Sum hmangnahai (items) po po chu indawt peiin kim taka zieklûta hmang ding a nih.

(b) Bill Form chu Finance Secretary/ Treasurer-in kawl a ta, sum lasuoktu taphawt chun an lâk sa ve nghal pei ding a nih. Bill Form chu Finance Secretary/ Treasurer-in number indawt le fel takin siem a tih.

(c) Sum lasuoktu / hmangtu chun inchâwk ding po a’n châwk zo phat leh fel taka ziek lûtin Bill Form, Cash Memo le sum hmang bâng a um chun kim takin Finance Secretary-ah a submit ding a nih.

(d) Cash Memo chu thil zawrtu kuomah thil inchâwk ngei a nih ti sukchiengnaa hmang a ni leiin thil inchawtu taphawthai chun an lâk ngei ding a nih. Cash Memo bova / la lova sum hmang chu pawm ni naw nih.

(e) Cash Memo umnaw / neinawna hmuna sum hmangtu chun thilzawrtu leh lekhapuon nâm bekin cash memo an siem fawm ding a nih.

ARTICLE 47 – THUNÂWI (MISCELLANEOUS)

(a) Ṭhuoitu taphawt kuomah:- Hi Inawpdân le General Assembly hril bâka thupêk (order) am anih, thawding intukna am anih, a um ding hrim hrim chun a hun hma ngeiin hotu danghai râwnin a um ngei ding a nih. Hi hin GHQ, JHQ, Branch le Unit hai khawm huom vawng a tih.

(b) Hi ‘Inawpdân’ hmang nia inthawkin tuta hmaa General Assembly/ Conference thurêlhai (resolution) lâia mi, hi inawpdân bû le inmil lo po chu hmang ni ta naw nih.

(c) General Assembly hrim hrim inkhâwmna ni hmasataka hun hawngtu (inaugurator) ding hi pâwla member kher naw khawm General President in ruot a tih.

(d) General Headquarters innghatna hmuna JHQ inthlang thuah, GHQ-in ṭha le remchâng lema a hriet chun General Assembly zovah inthlang chau dingin thu pêng a tih.

(e) General Assembly in Supplementary Rules le By Law dang dang a ṭul dân izirin siem thei a tih. Chu Rules le By Law hai chu kawlṭhat a hmang ning ata, siemṭhat annawleh hmang ta lo ding thurêl a um nâwk hma po hmang ning a tih.

(f) Joint Headquarters le Branch Conference chun HSA inawpdân kal zawng niloin Sub-Committee le Committee dang dang a ding By-Law siem thei a tih.

A TÂWP!

HMAR STUDENTS’ ASSOCIATION

INAWPDÂN BU

(Constitution)

2019

CONTENTS