Hmar Students' Association

Sinlung Hills Joint Headquarters

Mizoram sung po Joint Headquarters (Aizawl) pakhat chau awpna hnuoia um chu harsatna tam tak a uma hriet ani leiin HPC Demand Area sung po chu Joint Headquaters pakhat hnuoia uma zaikhata luonga hmalaktlang chu thilṭha ni lem dinga hriet ani leiin General Assembly vawi 50 na 15-16 Dec. 2005, Hmarkhawlien, Cachar, Assam a nei hun a chun Aizawl Joint Headquarters chu ṭhedar remti in Sinlung Joint Headquarters chu indin alo rem ti tah a nih. Sinlung Hills Joint Headquerter hin HPC Demand Area huom sunga HSA Aizawl Jt. Hqrs. hnuoia Block siema lo um HSA Block –II (tuta Serlui Block ni tah- Serlui Constituency ) HSA Block –III (Khawlien Tlangdung le Suongpuilawn Tlangdung) HSA Block –IV (Sakawrdai, Ratu tlangdung- Tuivawl Constituency) hai po hi a huop a nih. OFFICE BEARERS (2024-25) President: Lalsiamsanga Buhril Vice – President: Lalawmpuia Khawlhring General Secretary: Varneihkhama Varte Assistant General Secretary: Lalhmuthara Famhoite Finance Secretary: Lalchhuangkima Treasurer: Alice Lalrawnkim HMALAKNA TLANGPUI 2016-2017 sunga HSA Sinlung Hills hmalakna tlangpui hai chu hieng a hnuoia ang hi a nih. 1. Area sunga hnam dang danlo anga sumdawng hai nasa deua enfie an ni a, ILP hai check ani bawk. 2. November 21-23-2016 khan Conference Cum Sikpui Ruoi ropui takin Zohmun khuo ah hmang a nih. Hi huna hin Tuivawl bieltu MLA RL. Pianmawia chu khuollien a hmang a nih. 3. Kum 2017 May 23 khan Felicitation Cum Career Awareness Campaign Sakawrdai Sinlung Hills ah nei ani a, hi huna hin Tuivawl Area sunga HSLC & HSSLC Ist Division china pass hai lawmpuina thilpek inhlanna nei an ni bawk. 4. 10-12-2017 khan Saipum ah Cultural Meet Cum Education Awareness Campaign nei a nih. Hi huna hin R. Hmingthanzuala Art & Culture Director Govt. of Mizoram chu khuollien ani a, Anggu Lalhmachhuana NSUI, President chu khuolinzaum a hmang ani bawk. Ani khatna hi Cultural Day a hmang niin Unit hrang hrang le School hrang hranga inthawkin Cultural Troupe 15 velin hnam lam inentirna an nei. Chun, ani hnina hi Education Awareness a hmang ni’n Resource person thiem tak tak haiin HSA Member pungkhawm hai kuomah thu an hril bawk. Hi huna hin Class 10 le chungtieng mi 35 1st Divisiona pass hai kuomah Citation inhlan an ni bawk.
Sinlung Hills JHQ Recent Activities
Scroll to Top