Silchar hi Barak Valley, Assam huom sunga hmun pawimaw tak a ni a. Sumdawngna-ah hmun pawimaw ani el baka, thiem inzirna hieng University, Medical College, Engineering College, Bible College, Polytechnic, Management College, Vocational Training Institute le College hran hran tha tak tak el a um bawk. Hi hmun pawimaw taka hin Hmar nauhai chu sak-le-thlang, sim-le-hmar a inthawka fekhawmin, zinga Hmar hming hung sukmawitu ding an ni ti hrein, thiemna dang dang hai inchuk dingin an fekhawma, chu baka sin dang dang hai thawin iemanizat Hmar mi an khawsa bawk. Tiena ei mithiem tamtak hai chu hilai hmuna hin anlo khawsa ve a. A ni le thla hrenaw inla khawm HSA hi anlo phun ta hlak a ni a, amiruokchu, hi hmuna umzing a remchang naw leiin HSA ei hmangai em em hi alo tuoi nawk hlak. Hi hmuna fekhawmhai ruok chu kumtinin an pung tuol tuol a, tuta record hmu thei chin-ah HSA, Silchar Unit chu tarik 29th September, 1992 khan phun alo nia, Unit tia ko hlak chu General Headquarters in kum 2005 khan Branch a alo hlangkai a nih.

Kum 1992 H.S.A Silchar Branch census dungzui chun mi 32 an um a. Vawisun hin chu Hmarnau mi 400 neka tlawm lo ei um tah. Kum 2008 bawr vela inthawk khan kumtin inchûklai (student) mi 30 – 50 inkar an umbel zie ta a, sawrkar sinthaw le thil dang dang leia um iemani zat an um bawk. H.S.A hi hnam thila ding chun a umsun a la ni hri a, sakhuona thila chu Hmar Christian Fellowship-a hin Hmar po po inkhawm a nih. Hmar hnam/mimal hmingin hmun le ram nei ei la um naw a, Pathienni inkhâwm khawm hnamdang biekin hmang hlak a nih.

OFFICE BEARERS (2017-2018)

President: Tv. Peter Kungate
Vice President: Tv. Alfred Intoate
Secreatary: Tv. Daniel Selate
Ast.Secy: Tv. Rozahlun Zate
Finance.Secy: Tv. Laldinglien Lungṭau
Treasurer: Nk. Rody Hmar

DEPARTMENTAL SECRETARIES

Education Secy.: Nk. Euniky Kungate
Cultural Secy.: Tv. Bethel Hrangate.
Games & Sports Secy.: Tv Jubileethang Lungṭau
Secy.Info. & Publicity: Tv Hrawngchamlo Keivom

ADVISERS
Lalsiemmawi Khawbung
Jacob K Buhril