Kum 1947 hmatieng khan chu North Cachar Hills a High School-a kai phak chu mi 3/4 bak an la um naw leiin HSA khawm indin ala ni naw a. Hmar Association ruokchu Famtah Pu Chawnhau Khawthlang inrawina hnuoiah 20th January 1938 in an lo indin dai ta a, chu chu “Hmar Lal Inkhawm” an ti bawk.

HSA N.C. Hills Block tiin 1966 in indin a nia, a fe hrat nawk zuol beiseiin kum 1968 in Muolhoi Unit tiin indinthar nawk a nih. Kum 1970 khan Block puitlinga hlangkai a ni a, kum 1977 chen kha Block-a inkhai a lo a nih.

Kum 1977 November thla khan HSA 34th Gen. Assembly Muolhoi-ah ropuitaka hmang a ni a, hi huna hin N.C. Hills Block chu Jt. Hqrs. puitlinga hlangkai a nih. Jt. Hqrs. Executive Meeting tarik 21-10-1993 thurel ang dungzuiin Muoldam le Hmarveng Khuo (Karbi Anglong) ah Unit indin a nih. Chun, tarik 8th Dec.1993, 45th Gen. Assembly, Rengkai (Manipur) ah N.C.Hills Jt. Hqrs. chu N.C. Hills & Karbi Anglong Jt.Hqrs. ti hming a put tan ta a nih. Kum 1967 khan Assam State Sawrkar hnuoiah Registered a lo ni tah. Chun 2nd-4th March, 2018 a Ankhasuo, Pherzawl District, Manipur khuoa 56th General Assembly nei tumin NC Hills & Karbi Anglong JHQ tia ko hlak chu remchang le tha lem dinga ngai leiin Assam Hills Joint Headquarters tia thleng a nih.

Tuhin Assam Hills Joint Headquarters hnuoia hin Unit 43 zet an um a, hienglai hin Unit thenkhatin hrattaka hma an lak zing laiin a hming chaua Unit ti thei khawm iemanizat an um bawk a nih.

OFFICE BEARERS (2017-2019)

President: Pu John Mark Pena
Vice- President: Tv. Liensanglawr Zate
Gen. Secy: Tv. James Selate
Asst. Secy: Tv. Semion L. Thiek
Finance Secy: Tv. Joseph Ralsun
Treasurer: Nk. Ruthi Thiek

DEPARTMENTAL SECRETARIES

Education: Nk. Precila Buongpui
Info.& Publicity: Tv. Isak Faihriem
Social & Culture: Tv. Lalrohlun Pena
Public Relation: Tv. Hmingchunghnung Khawzawl
Games & Sports: Tv. David Tuollai
Statistic Secretary: Tv. Lalramdin Tuolor