16th Executive Council Resolutions

MINUTES OF THE 16^TH HSA EXECUTIVE COUNCIL OF 16^TH FEBRUARY 2013

BUONZÂWL, RENGKAI, CHURACHANDPUR, MANIPUR

Hun hmasatakah Assembly speaker Pu Dr. John H Pulamte’n thuhmahruoi hrilna anei a, Pu Lalhmarthang Tuolor, President, HSA NC Hills & Karbi Anglong JHQ in Pathien kuoma ṭawngtaina anei a hun hmang ṭan a nih.

General President in Mizoram a ei hmalakna le ei ngirhmun hai hrilna anei a, ei ṭhangtlang nasat zie a ṭul thu nasatakin a hril. JHQ le Branch tin deuthaw a’nthawkin activities report ngaitlak ani bawk a nih.

RESOLUTIONS (THURÊL HAI):

1. Assembly Speaker nilai zing Pu Dr4. John Pulamte, Hmar Inpui President 2013-2015, thlangtling a lo um hi kan lawmpui hle a, amiruokchu Assembly nâwk hma po a dingin hi sin hi President in rawtna a siem angin la chel zawm dingin Palai fekhâwm hai chun lungruol takin kan rem tih.

2. General Assembly le Executive Council le Hmar Inpui General Assembly ……… hmasahaia thuthlukna le lo um tah bawzuia Hmar khuo le hmun hming, hnam dang ṭawnga umhai a HMAR hminga ko nawk a ni theina dinga Jt. Secretary (Manipur) hma lo laknahai kan ngaitlanga, lawmum kan tih. Khuo le hmun dang danghai belsa peia hrat nawk zuola hma lâk le bawzui pei nisien ṭhra kan tih.

3. Chalfilh Bye-Election 2013 le inzawma HSA Aizawl JHQ thusuok namdetna.

Resolution: Chalfilh (Mizoram) A/C Bye-Election 2013 le inzawma HSA Aizawl JHQ-in thusuok an lo siem hi thra ka tih a, kan hrietpui. Mizoram state sûnga JHQ pathum hieng Sinlung Hills, Kolasib le Aizawl haiin theitawpin lo bawzui hai sien kan tih.

4. Inchûklai Nun hi sukhring nâwk a ni theina dingin inhmawtakin hma lâk ni sien ṭha kan tih anhma thei ang takin web copy-a ṭanin quarterly bêka insuo nâwk ni ngei sien ṭha kan tih. Mawphurtu dingin Assembly Speaker Dr John le Secretary Education Josef V Tuolor hai kan ruot.

5. HSA JHQ Churachandpur a’nthawk a thulût, HSA Market complex hi Churandpur JHQ in enkawl ta sien ti hi kan ngaituo a, tuta a fe dân pangaiin la fe sien kan tih.

6. Churachandpur JHQ agenda, HSA General Assembly nawk chu Churachandpur a innghat nisien ti le HSA project lâk rêng rêng ân nghatna JHQ ânthawk JHQ a’nthawk member 1/2 bêk Project committee a ṭhang pei sien ti hi CEC’n bawzui sien kan tih.

7. HSA Campus, Rengkai, Churachandpur-a Tribal Hostel bâwl mêk a um hi Management chungchang hi ruohmanna siem dingin Assembly hma po a dingin Hmar Students’ Education Board (HSEB) in maw lo phur sien kan tih.

8. Hmarram (Manipur)-a sorkar hrietpuia company ṭhenkhatin Oil & Natural Gas zawngsuok tuma an buoipui hi a rama chênghai ta dingin ṭhiltha le hlâwkna nêkin sietna intlungtir theitu ding niin kan hriet. Hi thu bawzui dinga Hmar Inpui hnuoia Committee hmalâk dân le thu fepui dân lungawium tawkin kan hriet naw bawk. Hmar Inpui Executive thar haiin hi thu hi fumfe lem le puithling lemin hrat nâwk zuolin hma lahai sien kan nuom a; HSA chun a ṭulna phawta thlawp le ṭhangpui pei nisien ṭha kan tih.

9. Platinum Jubilee Celebration chungchang hi ngaituo tlang ani a, HSA piengchampha kum 75-na (Platinum Jubilee) lawmna hi JHQ le Branch tin ah a ropui thei ang tak puisuitak le ṭangkai taka hmang ding le a tâwpna dingi HSA inṭanna tuiṭhaphâi ah programme puisui tak le ṭangkai tak a hmang nisien kan tih.

Mawphurna kimchang lem chu CEC in hung ruot sien kan tih Executive Council nawk hmasatakah entlang hman ngei dingin ka tih.

10. CDSU chungchang thu a hin a hmun a um Vice President, Pu Rochunghnung le Jt. Secretary i/c Manipur, Secretary internal, Robert L Hmar, Member HSEB le Pu Lalrobul Pudaite, CWC Member GHQ hai in lo bawzui sien kan tih.

11. Guwahati JHQ a’nthawk a thulût uniformity um theina ding a HSA GHQ a Secretary Culture nei nisien ti hi General Assembly, 2011 Sakawrdai a lo rêl le inzûl ani leiin CEC’n an hma tieng hung bawzui sien kan tih.

Hieng a chunga thurêl hai hi lungruol taka pawm ani zoin Pu Buona in Pathien kuoma ṭawngṭaina a nei zoin Executive Council chu  suk tâwp a nih.

Sd/-                                                                                            Sd/-

       Dr. John H Pulamte                                                                     Josef  V Tuolor

Assembly Speaker                                                                 Recording Secretary

Members present:

1. (37) Annexure I