31ST EXECUTIVE COUNCIL THURELHAI

HMAR STUDENTS ASSOCIATION

31^st Executive Council

A hun : 26^thThlatun 2025 (Inrinni)

A hmun : HSA Complex Muolhoi, Haflong, Assam

Members Present:

GHQ & Assembly Affairs       = 16

JHQ & Branch                         =  29

Guest                                       =  2

Total                                        =  47 (Sawmli Pasari)

Apology                       = 1. Hmarram  JHQ

Mimal.:-           1. Pu Samuel Lalbelsang, Asst. Secy. Info & Pub

2. JC Zolientluong Asst. Secy. Education

Hun hmasataka Pu L Rothanglien Khawbung, Assembly Speaker-in Palai fekhawmhai popo lawmlutna neia Pathien thu thienghlim Thuvarhai 2:6 tiemna neiin Rev. Samuel Lalringum Thiek in tawngtaina hun a hmang zovin,  31^st Executive Council hmang dinga member fekhawmhai inhmelhrietna/self introduction nei a nih.

THURELHAI:

1. 30^th (Dated 28/09/2024) le 31^st (Dated 26/04/2025)S.A. Executive Council kar laka H.S.A. Central Executive Committee thurel le hmalakna hai report Pu Lalringsan Darngawn, General Secretary, H.S.A. GHQ a’nthawk ngaitlakna nei a nih, member fekhawmhaiin lawm takin kan pawm.

2. S.A. General Headquarters Hostel tuta MEDHA le contract siemtasa hi suktawp (terminate) tha kan tih. Contract hi a thar siem nisien kan tia, hma latu dingin CEC mawphurna kan pek.

3. S.A. GHQ in Mizoram Sawrkar-ah 5^th December Sikpui Ruoi hi chawl (Holiday) hni nisien tia thulut a hung siem angin hmalak kan rem tih. Mawphurtu dingin Assembly Speaker, Pu Henry Khojol, H.S.A. Mizoram State Chairman hai thangsa-in H.S.A. GHQ CEC hai mawphurnaah kan sie.

4. Education Board (Hmar Students’ Education Board) indin thar nawk nisien tia thulut um hi lunginruol takin kan pawm. Mawphurna latu dingin CEC kuta kan sie.

5. 60^th General Assembly Souvenir Board indin ngei nisien thra kan tih. Board Member dingin hieng a hnuoia hming suklanghai hi kan ruot. Member ding ruot belsa dan ding thua ruok chun anni hai in tul le pawimaw an ti anga an hung ruot el dingin mawphurna kan pek bawk.

Chairman                     : Pu L. Rothanglien Khawbung

Editor                          : Pu Henry L. Khojol

Circulation Manager   : Pu Ngurrivung Hmar

6. One Time Scholarship chungchang thu chipchier taka hriltlangna kan nei hnungin hi a hnuoia ang hin fepui ni ta lem sien tha kan tih :

i). One Time Scholarship suktawp hria lo um tah Manipur buoina leia Special One Time Scholarship anga harsatna tuortu Student hai kuoma pek tan nawka lo um hi, a pangai ang thoin tukuma’nthawk “One Time Financial Assistance” angina pek ni ta sien, a dawngtu dinghai JHQ le Branch tin haiin hung propose nawk nisien tha kan tih.

ii). Thil a fel lem theina ding beiseina leiin tuta inthawk chu OTS ni loin OTFA (One Time Financial Assistance) tia ko ni ta lem sien kan tih.

iii). Special OTFA thua hmalak dan ding hih CEC mawphurnaa kan sie.

7. S.A. Inawpdan Bu ennawnna le siemthat ngaihai siemthat nisien tia GHQ anthawka thulut um hi tha kan tia hmalatu dingin hieng a hnuoia hai hi kan ruot:-

1. Pu L. Rothanglien Khawbung – Chairman
2. Pu Josef V. Tuolor – Member Secretary

Members-

iii. Pu Ngurrivung Hmar

1. Tv. Saint Paul Infimate
2. Rev. Samuel Lalringum Thiek
3. Pu Joshua Amo

vii. Pu Lalrokhum Zate

8. 60^th General Assembly a hin Hmar hnam sunga mi, ram le hnam ta dinga contribution nei tha zuol bikhai S.A. Lifetime Achievement Award pek nisien tia thulut um hih tha kan tiin kan pawm. Tul le pawimaw an ti anga hma hung la dingin CEC mawphurnaa kan sie.

9. Nu le Pa Inchukna kawnga Nau sukpuitling Chawimawina pek dinga a lo rel tasa tu chena remchangnawna leia pek thei loa la um hi 60^th General Assembly huna semsuok ani ngei theina dingin hrat taka hma hung la dingin CEC mawphurna kan pek.

10. India ram sunga State tina H.S.A. in khaidiet dan le inko dan ennawn nisien tia Aizawl JHQ a’nthawka thulut um hi CEC in chipchier lema an hung ngaituo dingin an mawphurnaa kan sie.

11. S.A. thuoitu ni dan ding le Political Party-a nina nei chungchang H.S.A. Constitution le Executive Council in hrifie-na a siem ang takin GHQ in thu/circular insuo nawn dingin kan rem tih.

12. S.A. Hostel-a Coaching Room ding pakhat sieruok pek dinga H.S.A. Tuithaphai JHQ-in ngenna an hung siem angin H.S.A. GHQ le inhriepawa hmang phalna kan pek.

13. Tuta inthawk H.S.A. Joint Headquarters functional area sungah, H.S.A. hminga hmalakna a lo um ding a ni chun Concerned JHQ thuoituhai le inhrietpawna thatak neia hmalak hlak ni ta sien kan tih.

14. Tuithaphai thlurbika pawimaw Exam Centre um thei ngeina dinga hmalak nisien tia Tuithaphai JHQ in thulut a hung siem ang hin GHQ le Tuithaphai JHQ thang kawpa hmalak ngei nisien tha kan tih.

15. Delhi& NCR khawpui sunga H.S.A. chungchang thu hi chipchier taka hriltlangna kan nei hnungin chingfel vat ani theina dingin STUDY GROUP thlakhat sung ngeia indin nghal dingin kan rem tih. Hrattaka hma latu dingin CEC mawphurna kan pek.

16. KSO Delhi & NCR letterhead le official document/activity dang dangah Hmar puon zepsa ta loa um ngei theina dingin KSO Gen.Hqrs fethleng-in KSO Delhi kuomah H.S.A. GHQ in lekha siem ngei sien tha kan tih.

Hun tawpnatakah Speaker in hmun tin ramtina palai fekhawmhai kuomah lawmthu hrilna a nei a, HSA thuoitu hai chu unau ang taka inlaina a, inhmangai tuo zing ding ei ni thu le ei hnam le inchuklaihai ta dinga nasa taka hma ei lak zuol a ngai thu hrilin rorelna a suktawp a, Tv. Lalmalsawm Thiek in Pathien kuoma ro hai inkawltirna le fak le dawn ding hai inhlanna a nei zoin Council tum tiek a nih.

NOTEs:

1. Special Invitee fielna ngaipawimaw a hung thang Pu Ricky Lalremsanga, Chief Executive Member, Sinlung Hills Council chungah kan lawm hle a, greetings/thuhriltawi hun a nei bakah Rs.5000/- EC expenditure dingin an hlan a kan lawm hle. Chun, fielna ngai pawimaw a Special Invitee a mi hung thang pektu Pu Zokhumthang Hmar, EM, Sinlung Hills Council chungah khawm kan lawm hle a nih.

2. Presidential Address : Pu Lalrosang-in hun ahmanga, HSA tlangtin muoltin a Council palai hnam ta dinga hung hai popo kuomah lawmthu a hril a, Manipur buoina le inzawma H.S.A. hminga hmalaknahai report-na a nei el baka, a tul dan ang peia JHQ hai khawma mani hmun senga phur taka hma ei lo dawm pei hlak leiin lawmthu a hril bawk.

3. Chun Tv. Jerry Lalhratthang Buongpui in 2024 UPSC Exam naa hlawtlingna a changna le inzawmin Hmar Students’/inchuklaihai popo aiin a lawmpuina an hlan.

Hmar tawng humhal a pawimaw zie uor takin a hrila, abikin Sinlung Hills Council huom sunga tawng humhal ani theina dingin Council CEM le a thawpuihai kuoma ngenna a siem bawk.

4. Education tienga hmalakna hai Asst. Secretary Education Deptt. In report tawi a hung siem hi lawmum kan tiin hmalakna hai kan pawmpuia, hrat taka hma la sunzawm      nisien kan ti bawk.
5. Pu Lalhmangai Thiek, Bilkhawthlir, Mizoram chu nau hau lawmpuina in Rs. 12,000.00 (Singkhat le sanghni) inhlan tha tia nih. Ama hin nau 12 a nei a nih.
6. HSA Assam Hills JHQ in hnesaw taka 31^st Executive Council an mi’n tlung hi lawmum kan ti takzet.

Sd/-

(LALRINGUM RIENGSETE)                              (L ROTHANGLIEN KHAWBUNG)

Assembly Secretary                                                           Speaker

Hmar Students’ Association, Assembly Affairs