A hun: 25th May. 2024 (Inrinni)
A hmun: Parbung,Pherzawl District (Hmarram)
Members Present:
GHQ & Assembly Affairs = 13
JHQ & Branch = 139
Total = 152 (Za le sawmnga pahni)
RORELNA INKHAWM:
Hun hmasatak ah Rev. Jacob L. Hmar (Vice Chairman) HKI in Pathien kuomah tawngtaina a nei a, Assembly Hawngna le ROREL inkhawm inhlanna a nei a, Pu Lalringum Sanate (Assembly Speaker) in Palai hai lawmlutna le thuoitu hai inhmel hrietna a nei zo in Presidential Address. Hun hmang ding in Pu L Rothanglien Khawbung President HSA GHQ ko anih.
THUREL HAI :
1.Presidential Address : Pu L Rothanglien Khawbung in hun a hmanga HSA tlangtin muoltin a Assembly palai hnam ta dinga hung hai popo kuomah lawmthu a hril a, Chronicle 7: 14 tiemin hmun tin a Hmar inchuklai hai popo chungah lawmthu hrilin infuina thucha a hril. 2019-23 term sunga HSA hmalakna pawimaw zuol hai le achievement thar HSA in a inei hai hrillangna a nei a, lawmum kan ti takzet a, hmalak mekna hmabak um hai khawm bawzui ngei nisen kan pawmpui,
2.Kum thupuong: HSA in 2024-25 KUM THUPUONG nei ngei tha kan tih a, thupuong dingin “KAN RAM KAN ROHLU” ti hi palai fe khawm hai in tha kan tih a ban pharin kan pawm.
3.HSA Anthem le Song chung thu hi kan ngaituo a, CEC in suichiengna sin hung thaw a bawzui dingin kan sie.
4.Imphal JHQ chung thu: Hnam buoina leia Imphal JHQ fe pei dan ding ngaituo a nih a, tu hun hri a ding le hmatieng thlirin a mihriem um thei ta naw inla khawm pawimawna tam tak a la um leiin a fe pangngaiin la fe pei sien tha kan tih. Status quo sien tha kan tih.
5.HSA Tuithaphai JHQ President chungthu : Pu Jeffry Saihmang chung thu hi chipchiertaka hriltlang ani a, a ma khawm a lo suk suolna hai popo chungah lekha hai chen pe in HSA GHQ ah hrilfiena le ngaidam a hung in hni bawk leiin HSA Tuithaphai JHQ President a nina hi chel sunzawm sien tha kan tih.
6.HSA Campus Rengkai a Building bawl dan ding chung thu hi chipchier takin kan hril tlang a, Building bawl ngei tha kan tih a, CEC in hma hung la hai sien tha kan tih.
7.HSA Thuoitu General Assembly a thlang ta ding hai : Hi chungthu hi ngun tak a kan hril tlang hnungin apangngai in la fe phawt sien tha kan tih.
8.60th General Assembly (Diamond Jubilee General Assembly) innghatna ding hun le hmun chung thu: Hi thu hi chipchier tak in kan hril tlang a, HSA Barak Valley JHQ, HSA Sinlung Hills JHQ le HSA Tuithaphai JHQ hai a’nthawk hnina an hung siem hi lawm um kan ti hle a, CEC in an hma thei ang tak tukum 2024 sung ngeiin a hmun ding le a hun ding hung sukfel hai sien tha kan tih.
9.Education Channel HSA General Headquarters in nei ta sien ti thu hung lut hi ngun taka kan hril tlang hnungin palai fe khawm haiin Education Channel nei ngei tha kan ti a, sukhlawtling ani theina dingin CEC in hma hung la sien tha kan tih.
10.Kum 60 tling ta chin HSA Active Member hai hi chawimawina pek ni ta hlak sien ti thu hung lut hi ngun taka kan hril tlang hnung in tha kan ti a, vawisun eini lai a um an um chun chawimawina hi 59th Assembly hunah hin pek tan nghal nisien kan ti a, a nawk a ding pei chu HSA GHQ thuoitu haiin hma hung la hai sien tha kan tih.
11.Manipur buoina le inzawma fe pei, eini Kuki-Zomi-Hmar unau hai political movement le inzawmin ei hnam hmakhuo ngaituona leiin a hma neka nasa lemin HSA in hma a lak a tula hriet a ni a. HSA anga hmalakna a hrat theina ding, thei ang anga sin insem ruol theina ding le issue dang dangah hmun hrang hranga um HSA Joint Headquarters le Branch hai thu khat ei fe pui pei theina dingin HSA GHQ inrawina hnuoiah Core Group indin ni sien la. Hi Group a hin Manipur sunga Joint Headquarters hai bakah Mizoram le Delhi a Joint Headquarters thuoitu hai khawm thang sa ngei hai sien ti thu hunglut hi chipchier taka kan hril tlang hnungin tha kan tih a, hi chungthuah hin CEC in hma hung la hai sien tha kan tih.
12.Mizoram sawrkar in January 9, 2024 a Hmar tawng hi Major Language in a lo recognize dungzuiin inchukna tieng Class VIII, IX-X level ah Hmar hi MIL optional a inthangtir thei dan ding HSA GHQ in Department of School Education, Mizoram ah ngenna siem le bawzui thei nisien, ti thu hung lut hi chipchier tak in kan hril tlang hung in tha kan ti a, hi chung thua hmalakna tamtak lo um ta hai hre zingin Mizoram sunga HSA JHQ hai le HSA GHQ CEC in hung bawzui hai sien tha kan tih.
13.All India Radio, Aizawl a hin full-fledged Composite program (Hla, Chanchin lawrkhawm le a dang dang) Hmar tawnga nei dingin hma lak ni sien, ti thu hung lut hi ngun taka kan hril tlang hnungin tha kan ti a Mizoram sung a HSA JHQ le GHQ thuoitu haiin hma hung la sien tha kan tih.
14.HSA in ei mamaw em em a kan hriet, Income Tax Act hnuoi ah 12- A, 80-G HSA in ei nei theina dingin HSA GHQ in hma hung la sien tha kan tih.
15.HSA Barak Valley JHQ in Hmar Run (Hmar In) bawl an tum mekna thuah hin HSA GHQ, JHQ le Branch tin haiin thangpui thei ang anga thangpui dingin rem kan tih.
16. HSA Delhi NCR a’nthawk lekha hunglut hi chipchier taka kan hril tlang hungin tu hri a ding chun a la remchang naw a, hun danga la rel nisien kan tih.
Rorel ding hai kan rel zo hnung in HSA Election Commission hai in hun la zawm in HSA Assembly Affairs (2023 -2025) le HSA General Headquarters (2023-2027) sunga thuoitu ding hai thlangna (Election ) nei anih.
17.2023 – 2027 Term Țhuoitu Intlangna (Election) nei ani a Election Presiding Officer Dr. John H Pulamte, Adviser HSA GHQ le
Election Officers:
1.Pu Joseph R Hmar, Adviser HSA GHQ
2.Upa Ramdinglin Riengsete, President HI, Hmarram Region
3.Pu Zaihmingthang, Secretary, HI Hmarram Region
4.Rev. Jacob L. Hmar, Vice Chairman HKI hai keihruoina ah INTLANGNA nei ani a, hieng a hnuoia hai hi palai fekhawm haiin an tlangtling a nih.
HSA ASSEMBLY AFFAIRS (2023 – 25)
Speaker: Pu L Rothanglien Khawbung, Aizawl
Deputy Speaker : Pu Immanuel Lalringum Sanate, Hmarkhawlien
Assembly Secretary : Pu Lalringum Riengsete, Muolhoi
Assembly Deputy Secretary : Pu John L Puruolte, Muolhoi
HSA GENERAL HEADQUARTERS (2023 -2027)
President : Pu George F Tuollai, Rengkai
Vice President : Pu Josef V Tuolor, Muolhoi
General Secretary : Pu Lalringsan Darngawn, Hmarkhawlien
Asst. General Secretary : Pu James Pusing, Parbung
Finance: Pu Ngurrivung Hmar, Aizawl
Education Secretary : Pu Robullien Khawbung, Delhi
Palai vote nei fekhawm po – 152
Intlangna (Election) felfai taka nei zo ani hnungin Upa Ramdinglien Riengsete in Pathien kuomah tawngtaina neiin RO hai le Ruoi hai inhlan na nei in hun suk tawp anih.
Note:
1.HSA Hmarram JHQ le Parbung Khuotlang in hnesawtak a 59th HSA General Assembly an min tlun hi lawmum kan ti hle.
Sd/-
(LALRINGUM RIENGSETE) (IMMANUEL LALRINGUM SANATE)
Assembly Secretary Speaker
Assembly Affairs HSA GHQ Assembly Affairs HSA GHQ