GENERAL CIRCULAR: September 9, 2013

GENERAL CIRCULAR:

September 9, 2013

Liemtah September 7, 2013 (Inrinni) khan HSA Platinum Jubilee Celebration Committee Co-Convenor, Dr. John H. Pulamte inrawina hnuoiah GHQ le CCPur JHQ thuoituhai Joint Meeting neiin a hnuoia thurelhai hi mipui hriet dinga insuo a nih:

1. HSA Platinum Jubilee Celebration Organising Committee chu a hnuoia ang hin inremthat a tha kan ti a, EC huna peklut tha kan tih.

Chairman         –           Lalrobul Pudaite

Vice Chairman-           Joseph L. Infimate

Secretary         –           Robert L. Hmar

Joint Secretary            –           Samuel Zothanglien

Fin. Secretary  –           Rochunghnung

Department le item hran hrana mawphurna changtu ding CEC le Executive Council-in a lo ruot ta hai bakah a tul le pawimaw angin a chunga Committee hin ruot belsang a tih.

2. HSA Platinum Jubilee Mashead/Logo design mi dang danghai anthawka hung luthai kan entlanga; Lienthanglur Khawzawl, Lalremlien Neitham, Samuel Lalremfel le Calvin Lienrohlu hai ‘design’ hai laia pakhat tak hi Executive Council thlangsuok dingin kan sie. Jubilee Slogan (theme) dingin ‘HSA – Seventy Five Years Young’ ti le, ‘HSA – Seventy Five Years of Serving the Nation’ ti pakhat lem lem Executive Council thlangsuok dingin kan sie bawk.
3. HSA Hlapui le Platinum Jubilee Theme Song inruolsiekna hun hi September 2013 chen pawtsei kan remtih a; thuthlukna chu Executive Council siem dingin kan sie bawk.
4. HSA Platinum Jubilee Calendar 2014-a inchuon ding thlalak hlui (kum 25 neka upa) Hmar mipui, abikin HSA thuoitu hlui lai zawng nisien tha kan tih.

Sd/-                                                                                                           Sd/-

(Dr. John H. Pulamte)                                                                         (Joseph L. Infimate)

Co-Convenor                                                                                      Recording Secretary

NOTE:

HSA PLATINUM JUBILEE CALENDAR 2014-a inchuon ding HSA thlalak hlui bakah Hnam rolung, vadung, tlang le hmun pawimaw; Pi le Pu sulhnung, lo hma le khawsakna; Hnam puon le rothila inbelna nuhmei/pasal thlalak nei taphawt chun phaltaka hung thawlawm dingin mi tu el khawm ei inngen a nih. Hieng ang thlalak neihai chun September 2013 bo hma ngeiin Jubilee Organising Committee le HSA thuoituhai kuomah hung pelut dinga ngen ei nih.

HSA e-mail: hsaghq@rediffmail.com or, hsaghq@gmail.com