Ahmednagar, September 18, 2017: Ahmednagar hmuna Hmarnau inchuklai haiin 8th Freshers’Social Meet 2017 chu IMS- RPET SEEDC Auditorium hmuna zani (17th Sept,) khan hlimtlang takin an hmang.
Hi huna hin hmelthar/ Freshers pasal -7 le nuhmei-3 lawmlut an nih. Lawmlut a um hai chu;Nuhmei:
1) Judith Nunthienghlim
2) Lamneikhawl
3) Pi Laltlanmawi.
Pasal:
1) George Infimate
2) Lalkhumsang
3) Robert Khawbung
4) Roland Khawbung
5) Laltlanthang
6) Manasia
7) Lalbeisei (Army)
Freshers hai ta dinga infuina thucha tha tak tak el thuoitu haiin an hrila, frehsers hai ta dinga tawngtai pekna Tv. Immanuel Lalramsang Chairman, Hmar Christian Fellowship, Ahmednagar in a nei a nih. Hi hun hi Pune HSA Branch, unau AMASU (MIZO),NSUA (NAGA) le MSW (CSRD Pune University) members iemanizat haiin an va uop bawk a nih.
King & Queen of Freshers thlangna nei a ni a, King of Freshers dingin Tv. George F. Infimate, Pherzawl le Queen of Freshers dingin Nk. Judith Nunthienghlim hai thlangtling an nih. Rimawi tieng pang a Nk. Lydia Saikhawthling le Tv. Amos Lalremruata haiin hnesaw takin mipui an inawia, refreshment tuihnai tak el kiltlangin hun hlimum taka hmang zo a nih.