Vawisun Thlado ni 15, (Inrinni) 2024 chawhnung dar 1:00 khan HSA GHQ thuoitu hlui le a thar hai chu Online / Virtual hmangin mawphurna (charge) inhlanna nei a nih.
Online / Virtual a charge inhlan hi HSA history a ding chun a vawikhatna a nih. Hieng a charge inhlanna san hi buoina leia harsatna le lampui fe le hungna hai harsatna leia a hun taka nei thei ni ta lo, amiruokchu charge inhlan loa umsawt thei ani si tanaw leiin thuoitu hai inhrietthiem tawna hi hun hi hmang a nih.
File pawimaw, thuomhnaw le thil dang dang inhlansawng ding hai po po chu a remchang anga an hma tienga list a um anga inpesawng dinga rem ti tlang ani bawk.
Thuoitu fesuok hai chun thuoitu thar hai ditsakna vochuom inhlanin mawphurna hi felfai tak le inringtawn takin an inhlan bawk a nih.
Tuta HSA GHQ thuoitu hai hin kum 2027 (kum 4 sung) chen mawphurna hi an chel ding a nih.
2023-27 term sunga Assembly in a thlang thuoitu hai –
President – George F Tuollai, Rengkai
Vice President – Josef V Tuolor, Muolhoi
Gen Secretary – Lalringsan Darngawn, Hmarkhawlien
Asst.Gen Secretary – James Pusing Sanate, Parbung
Fin. Secretary – Ngurrivung Hmar, Aizawl
Education Secy – Robullien Khawbung, Delhi
Hieng thlang thara um hai hin Department Secretary hai le Assistant Secretary hai, Adviser, Auditor le thuoitu dang dang hai chu ruot an tih.
Assembly Secretariat hai mawphurna inhlan hun ding ruok chu anhma tieng hung rawt ni bawk a tih.