Lifetime Achievement Award Pu HT Sangliana inhlan:
13th Thlatun,2025
HSA Bangalore Branch chun Hmar Mihrâng vâl Pu Hmar Tlawmte Sangliana (H.T Sangliana) chawimawina Lifetime Achievement Award an hlân.
Châwimawina memento a hin hienghin ‘Thiem inzirna lampui hraw a; tumrû taka nîna insâng lo kâi phâk, mâni chipui um nâwna hmuna sin thaw ṭhat lei ngawta ngâinat le châwimâwina lo hlâw phâk a, MP chen lo tling phâk a, Sawrkâr thlungpui rorêltu lo ni phâk mi. Bangalore khawpuia Hmar Mizohai Inpui changa lo kei dingtu, Vâi ram rila Zohnâthlâkhai muongpui lo ni hlak hi kan ngâisângin Châwimâwina insâng tak kan inhlân’ tia inchuon a ni a, pasaltha Thangsuopuon insiltir a ni bawk.
A nuhmei Pi. C Rothangpuii khawm ei Hmar puon laia mi Ngotlawng le a bát pêk sa nghal a nih.
Bengaluru Hmar Welfare Association Vice Chairman le Secretary khawma uop ve in,
Rev. Maylawmthang Tuolor in malsawm ṭawngṭai pêkna a nei sa bawk.