Silchar, September 13, 2017: Tiena tlanga ei pi le puhaiin chakkhai lakna dinga an hriet bel tak le a hminga khawm ‘Hringchar’ tia an lo ko Silchar khawpui sung Bhanga Bhawan-ah HSA Silver Jubilee cum Fresher’s Meet Lawmma chu vawisun, September 13, Nilaini hin hmang a nih.
Programme hi Session one le two-a the a ni a. Session One hi zing dar 9:00 am anthawk hmang sun dar 12 chen hmang a ni a. Comperes Tv. Vanlalpek Bapui le Tv. Jonathan Thiek hai keihruoina hnuoina hun hmang a ni a. Chief Quest Pu Thanghlun Hmar; IRS, Guests of Honour – Dr. Lalzawmlien Hmar; Asst. Professor, Dr. Lalthakim Hmar, Asst. Professor le Pu Lalringum Sanate, Inspector of Excise hai chu HSA, Silchar Branch hminga thilpek (present) inhlanna nei a ni a. Annia inthawk Silchar khawpui sunga cheng Hmar Students hai hmakhuo dinga thil tha a ihriet hai le infuina thu hrilna an nei a. Dr. Lalthakim Hmar, Asst. Professor, Department of English, Assam University chun HSA, Silchar Branch hminga tlawmngaina thil inchuklai um haiin an lo suklang hlak tha a ti thu a hril a. “Tlangpa tlawmngaina suklangna kawnga hin inchuklaihaiin a hun tawk le a awm tawk hriet a tul a. Nu le pahaiin sum le pai senga lekha an inchuktir cheu a ni leiin tlangpa thlawmngaina in suklangna kawnga hin sumfai (cash) ni lovin ngilneina thangin (in kind) in suklang lem ding a nih,” tiin Jubilee le Fresher’s Meet hmang dinga fuonkhawm inchuklaihai chu an cha bawk a nih.
Session one hmang sung hin Souvenir ‘Mauruong’ Re-view & Release hun hmang dingin ruota um Pu SK Khawbung souvenir buotsaia um hi thlirletna (Re-view) a nei a. Chief Quest Pu Thanghlun Hmar in a tlangzar a. Siver Jubilee dar vuokna nei a ni bawk a. Chief Quest, Guest of Honours le HSA, Silchar Branch thuoitu hlui le thar thangin mi 25 haiin Jubilee dar hi an vuok a nih.
Nk. Quilyn Lalrovel Lungtau anthawk Special No ngaithlakna nei a ni bawk a. HSA Cultural Troupe anthawk Cultural dance inentirna hai neiin Session one hi Pu Ralthawnluoi Intoate in tawngtaina’n a suktawp a nih.
Session two hi sun chawl laklawk hmang hnung chawhnung dar 1 vela tan nawk a ni a. Nk. Maryjone Lalengvar le Tv. John Zate haiin programme an hung thuoi nawk ta thung a. President, HSA anthawk Keynote & Vote of thanks ngaithlak a ni a. Fresher’s Introduction in a zui nghal a nih.
Silver Jubillee cum Fresher’s Meet hun hninaa hin Fresher’s Motivation & Prayer, Secretary report, Felicitation of Successful H.S.A. Member 2016-2017, Oath Taking le Financial report neina huna hmang a ni a. Mipui hmunuom thil Traditional Ramp Walk le HSA & Miss Contest khawm inchuon a ni bawk a. Jazz & Party (Haflong) anthawk Traditional Ramp Walk an show chu mipui hmunuom le lawm a kai a. HSA & Miss Contest khawmin Hall sung a suklum hle.
HSA Best Actitivity Award 2016-2017 inhlanna nei a ni a ni bawk a. Tv. Nathanel Neingate in a dawng a nih.
Mr & Miss Constest ding hi Freshers 25 laia 23 an inlang thei a. Second round ah nunghak 5 le tlangval 5 thlangdawk an ni a. Tv. Jehova Lalhmangai S/o Lalchawilien, Hmarkhawlien le Nk. Crossmawi Intoate, Muollien hai chu HSA Mr and Miss a thlangtling an ni ta a nih.