Tuiṭhaphai Joint Headquarters

HSA hi ei hriet ta angin Imphal-ah kum 1939 a indin niin 3rd Oct 1939 khan HSA inkhawmpui lien hmasa tak Ngurte khuoa nei a nih.

HSA a hung lien peia hmun tin ramtina um Unit hran hran hai inthlungkhawmna dingin Block indina hung ṭheṭhawp le suklien pei a nih. Chu zara chun Churachandpur phairuom sung hi Tuiṭhapui vadung luongna ani meu leiin Tuiṭhaphai tia ei pi le pu hai huna inthawka ei lo ko hlak angin HSA TUIṬHAPHAI BLOCK tia ko a lo nih.

Hun a hung fe peia, kum 2007 General Assembly chun HSA INAWPDÂN BU siemṭhat a ni angin biel inṭheṭhawp dan siemṭhat a ni a. Unit hran hranhai inthlungkhawmna, a hmaa Block tia ko hai kha JOINT HEADQUARTERS tiin ko an hung ni ta a nih. Joint Headquarters lien le unit tam neihai chun anni remhrietna hmanga BLOCK an siem nawksawng phalpek an ni bawk.

Chuong anga fe pei chun District hming chawiin inko a rem ie tiin Tuithaphai JHQ ṭhuoitu hai chun HSA inkhawmpuilien ah Churachandpur JHQ tia ko ta dinga an hung hnina chu 2007 Executive Council in a pawm huungin General Assembly kum 2007 vek, Vairengte a khan pawmpui niin TUIṬHAPHAI Block chu CHURACHANDPUR JHQ ti a hung ko a nih.

Hun a hung fe pei nawka 2023 kum ei hung chuongkai a, kum 16 chau Churachandpur JHQ ti hming a put hman hrama, Tuiṭhaphai bawk inputtir dinga thulut um angin Churachandpur JHQ ti chu 28th Executive Council Aizawl 2023 a neia chun TUIṬHAPHAI JHQ ti a thleng nawk dinga pawm a ni a, 58th General Assembly a namnghet dinga thu sukthluk ani bawk a nih.