LAWMTHU HRILNA
Ei hriet seng ta angin vawisun hi Manipur a Kuki Hmar Zomi Mizo Unau hnam hai suknawmnat tuok, a ni 100-na a lo ni tah. Hi le inzawm hin hmun tin ramtina HSA um hai po poin hunser lo hmang ve dinga ei tina chu JHQs, Branches le Unit hai po poin thahnem ngai tak le thuawi takin ei unau hai tuorpuina ei lo suklang hi HSA chun ropui a ti takzet a, thlamuong um a ti bawk a nih.
Hieng hun tepter tak kara inhriettir khawm ni inla, hunser hai lo huoihawta, atul ang anga hma lo latu thuoitu hai po po chungah le hi hunsera lo thang hai po po chungah HSA chun lawmthu a hril takzet zet a nih. Hi hunser hlawtlingna dinga, sum le pai, tha le zung le mani nei ang ang thawkhawmtu hai chungah ei lawm bek bek bawk a nih.
Harsatna le buoina namenlo ei tuok ani ti hre zingin, thei tawpin ei theina zawnah hma la seng dingin ei infiel nawn a, Pathien kuoma tawngtaina hai bansan loa nghet taka ei ram le hnam ta dinga ngir tlat dingin mi tin ei infiel nawn nawk a nih.
Ka laawm ie. HSA le Hmar hnam dam zing rawse.
HSA aiin,
(Lalringsan Darngawn)
Secretary
Information & Publicity
