17th Executive Council Resolutions

HMAR STUDENTS’ ASSOCIATION

EXECUTIVE COUNCIL VOI 17-NA THURELHAI

A Hmun          –           CH. Khawthlang Memorial Hall, Muolhoi, Halflong

A Hun             –           June 14, 2013 (Zirtawpni); Chawhnung Dar 1:00

Hun hmasatakah Assembly Speaker, Dr. John H. Pulamte-in memberhai lawmlutna a neia Agenda tlangpui hrillangna a nei zoin NC Hills & Karbi Anglong Vice President, Pu H. Sangkhum Riengsete-in Pathien kuomah tawngtaina a neia, ro rel tan nghal a nih. Assembly Secretary-hai an um naw ve ve leiin Recording Secretary dingin Jt. Secretary (Assam), John L. Puruolte hmang a nih. Thuthlukna siema umhai chu a hnuoia hai hi a nih:

Platinum Jubilee

1. HSA kum 75 thlingna (Platinum Jubilee) ding le inzawma HSA CEC inkhawm (May 12, 2013; Churachandpur) ruohmanna le mawphurna a lo thethawphai ennawnna le hriltlangna kan neia, tha kan tiin kan namdet. Chuonghai chu Convenor (Dr. John H. Pulamte), Co-Convenor (Lalrobul Pudaite), Finance (Rochunghnung @ Roa) hai bakah item bikah mawphurtu ding hai – Games & Sports (Lienhmingthang), Cultural Items (Lalnghaklien Khawbung), Debate, Essay Quiz, etc (Robert L. Hmar), Drama/Skit (Joseph L. Infimate), Solo/Choir/Music (Emmanuel L. Pulamte).
2. A chunga CEC in a lo ruot hai bakah hin Calendar mawphurtu dingin Guwahati Joint Headquarters kan dande a. Hi le inruolhin HSA JHQ/Branch/Unit tukhawmin anni puola Calendar 2014 siem ni naw sien tha kan tih a; hi thu hi anhma thei anga puongdar ni bawk sien tha kan tih.
3. Platinum Jubilee 2014 le inzawmin T. Shirt, Puon Bat (Mafler), le thil dang dang mawphurtu dingin HSA Imphal Joint Headquarters kan dande a; Assembly Speaker-in lo enkaipui sien tha kan tih.
4. Platinum Jubilee ‘Theme Song’ nei nisien tha kan ti bakah HSA hin a hran lieuin HLAPUI nei ni tah bawk sien tha kan tih. Hi thu hi inhmawtaka lo bawizui dingin Internal Secretary, Joseph L. Infimate kan ruot.
5. Platinum Jubilee SOUVENIR siem tha ti a nia, mawphurna latu dingin Delhi Joint Headquarters kan dande.
6. Platinum Jubilee 2014 le inzawmin Lucky Draw buotsai ngei nisien tha kan tih a, Shillong Joint Headqurters mawphurnaah kan sie.

Zarzolien Memorial Football Trophy & Award

Zarzolien Memorial Football Trophy le Meritorious Award fe pei dan dinga HSA Barak Valley Joint Headquarters thulut le rawtna hi anhma tienga lo bawzuitu dingin President le General Secretary kan ruot.

54^th General Assembly

54^th General Assembly neina hmun ding le hun ding chu Central Executive Committee mawphurnaah kan sie a; Executive Council nawk phaa sukfel nisien tha kan tih.

18^th Executive Council

HSA Executive Council vawi 180-na chu October thla tawp tieng hin Guwahati khawpuia nei nisien tha kan tih.

Pu RS Puruolte, Adviser NC Hills & Karbi Anglong Joint Headquarters-in Pathien kuomah tawngtaina a nei zoin Council inkhawm suktawp a nih a; tulai hnai ela NC Hills Autonomous Council Election-a eini mi thlangtlinga um mi 7-hai (Biete, Changsan le Hrangkhol thangin) lawmpuina hunser hmang zawm nghal a nih.

(John L. Puruolte)                                                                               (Dr. John Pulamte)

Recording Secretary                                                                         Assembly Speaker

——————— 

INHRIETTIRNA LE NGENNA

June 14, 2013

1. HSA Platinum Jubilee Logo/Masthead Design ding inruolsiekna hun hawnga um chu mi thahnemtawktakin an hung peklut tah; a hmaa lo hrillawk angin June 2013 chen la peklut thei a nih. Lawmman hmutu ding chu HSA CEC Member le Jubilee Celebration Committee haiin thlang suok an ta, sumfaiin Rs. 7,500/- inhlan ning a tih.
2. HSA Platinum Jubilee, ‘theme song’ ding le ‘HSA Hlapui’ phuok inruolsiekna hun hawng nawk a nih. Hla thar, malzai le a pawla sak thei ding phuok/neia hi inruolsieknaa thang nuom hai chun a hla thluk, ‘tonic solfa’ thangin a hnuoia hming ziek kuomah July 2013 bo hma ngeia peklut thei ning a tih. HSA Platinum Jubilee hlapui phuok inruolsieknaa lawmman hmutu kuomah khawm Rs. 7,500/- inhlan ning a ta; HSA Hlapui phuok inruolsieknaa lawmman hmutu kuomah chu Rs. 10,000/- inhlan ni bawk a tih.
3. Hmar Students’ Association hi hnam hminga pawl pieng hmasa pawl le tuchena tluongtaka la fepei a nih a; kum thar 2014 hi kum 75 hmel a hmuna (Platinum Jubilee) ding a nih tah. Hi hun le inzawma HSA in Hmar mitin kuoma ngenna a siem hmasatak chu hi hi a nih: ‘Kum 2014 anthawk, mimal le pawl, Calendar (2014 le a hmatieng) siemhai po poin HSA Day, October 3 hi ni poimawa sie-in ‘suk sen’ (red letter) pei ta ding’ ti hih.
4. Platinum Jubilee Calendar 2014 hi HSA pumpui hminga buotsai a ni ding a ni leiin HSA Joint Headquarters/Branch/Unit tukhawmin mani puol bika Calendar 2014 chu siem lo dinga inhriettir ei ni bawk.

HSA General Headquarters aiin,

Sd/

(Joseph L. Infimate)

Secretary (Internal)

HSA Campus, Rengkai; Churachandpur

Phone: +919862828806