OFFICE OF THE
HMAR STUDENTS’ ASSOCIATION
RESOLUTIONS OF THE 21st EXECUTIVE COUNCIL
Venue:- Hotel Rajmahal Palace, Guwahati, Assm
Date & Time: – 23rd April,2016 (Inrinni) 11.00 Am
Member Present : 29 (Twenty Nine)
1. Pu Lalthlamuona Hmar Speaker
2. Pu Lalringum Riengsete Assembly Secretary
3. Pu John Lalrohlun Puruolte Assembly Deputy Speaker
4. Tv. L Rothanglien Khawbung President GHQ
5. Tv . Simon L Infimate Vice President GHQ
6. Tv. Josef V Tuolor General Secretary GHQ
7. Nk. L Margareth Finance Secy. GHQ
8. Rev. Dr. J Huoplien Neitham Senior Adviser GHQ
9. Dr. John H Pulamte Adviser GHQ
10. Pu Thanghlun Hmar IRS Special Invites
11. Pu Lalringum Sanate State Coordinator Assam
12. Tv. Albert Hmar CEC GHQ
13. Pu Jerry H Lalawmpuia CEC GHQ
14. Pu George Mang Neihsial Social & Culture Secy. GHQ
15. Tv. Joyful Thiek Education Secy. GHQ
16. Tv. James H Songate President Guwahati JHQ
17. Pi Zothanmawii Zote President Kolasib JHQ
18. Tv. Henry Lalhlimum Khawzawl Gen. Secretary Aizawl JHQ
19. Tv. Ezra L Darngawn Gen. Secretary Shillong JHQ
20. Nk. Elery Sungte Executive Member Shillong JHQ
21. Pu Albert Sithlo Executive Member Guwahati JHQ
22. Nk. Tabitha L Thiek Treasurer Guwahati JHQ
23. Nk. Pryllis Hrangchal Executive Member Guwahati JHQ
24. Tv. Vanlalbel Joute General Secretary Guwahati JHQ
25. Tv. Lalthanzaua President Churachanpur JHQ
26. Tv. Lalremsang Hmar Preident Jiri –Vangai JHQ
27. Tv. John Mark Pena Fin. Secy NCH & KA JHQ
28. Pu Lalrokhum Zate Vice President NCH & KA JHQ
29. Tv. Zothanglien Riengsete Executive Member NCH & KA JHQ
Hun hmasatakah Pu Lalthlamuon Hmar, Assembly Speaker in member hai lawmlutna neiin hun hawngna a neia, Speaker in Tv. Ezara L Darngawn, General Secretary, Shillong JHQ, Pathien kuoma tawngtaina nei dinga a fiel angin tawngtaina hun a nei zoin thurel tan a nih.
Resolution No. 1
Hmar Students Association 55th General Assembly Review nei ani a, Tv. L Rothanglien Khawbung President, GHQ in Assembly hmang dan le hmudan tlangpui hai le a hlawtlingna thu hai hrillangna anei a, chu zova General Assembly Organizing Committee Chairman Pu Lalrokhum Zate khawma Local Arrangement chungchang report a hung pek a, General Assembly Organizing Committee Finance Secretary Pu John Lalrohlun Puruolte a’nthawk sum hmuna le hmangna hai fel faitak in Financial Report ngaitlak ani a lawmum kan ti hle.
Cash Balance Rs. 20,553/- (Cheng sing hni zanga le sawmnga pathum) le Cash Book le File hai popo General Assembly Organizing Committee (GAOC) chun HSA GHQ President kutah inhlanna anei zoin 55th General Assembly Organizing Committee (GAOC) 2016 chu suktawp/khar a nih. HSA GHQ chun 55th GAOC, Muolhoi khawtlang le NC Hills & Karbi Anglong JHQ hai in hnesaw taka HSA 55th General Assembly an milo intlung na le iengkimah hnesaw tak le hlawtling taka an mawphurna hai an hlen hi HSA GHQ chu a lawm emem a an chungah lawmthu a hril takzet a nih.
Resolution No. 2.
Hmar Students Education Board chungchang:-
(a) 55th HSA Gen Assembly Res. No 7 na hi en nawnna kan nei a, Gen. Secy. nilai mek le Education Secretary hlui Tv. Josef V Tuolor in report fel takin a hung pek hi lawmum kan tih. Tribal Hostel Construction Committee sum a pung uma mi loan a lo pek bat intang hai hi dawl dawk ngei nisien kan ti a, chu sum chu HSA Education Fund a sie tha kan tih.
(b) HSEB chungchang le afe pei dan ding hriltlangna nei ani a, HSEB hi HSA GHQ, OB hai enkai ding in an kut ah kan sie.
Resolution No .3
HSA in hmun hran hrana sin zawng lai hai ta dinga Coaching a huoihawt dan hai Tv. Joyful L Thiek, Education Secretary GHQ a’nthawkin chipchier taka report ngaithlak ani a, tu chena Education Dept. hmalakna hai hi lawmum kan tih. Chun JHQ hai in Coaching class anlo huoihawtna haiah Cheng Singkhat (Rs. 10,000/-) in thangpui nisien tha kan tih.
Resolution No .4.
HSA GHQ Finance Secretary Nk. L Margareth in 2016 Annual Budget ziek ngei a Council palaihai laia a sum hmuna ding le hmangna ding hai chipchier taka a hung thelut hi lawmum kan tih. HSA JHQ le Branch tin khawm kum 2016 sunga an pek ding awmtawk hai hi hung sukpuitling ngei ding le a chuong chen khawm pelut theia khum ngei dinga theitawp suoa hma an hung lak seng kan ditsak a nih.
Resolution No. 5.
Pu George Mang Neihsial , Social & Culture Secretary HSA GHQ in 2016 sung a Social & Culture Dept. hmalak dan dinga riruong a hung siem hai hrillangna anei a, abiktakin HSA Choir hmalakna report a pek a, Album siem tum mek ani thu hai kan ngaithlaka lawmumin tha kan tih. HSA GHQ in a thei ang angin thangpui sien tha kan tih bawk.
Resolution No. 6
HSA Supplementary Rules hi Drafting Committee in riruong a hung siem hai chu Committee Chairman Tv. L Rothanglien Khawbung in member hai hmaah pharlangna neiin entlang le hriltlangna kan nei hnungin tha kan tia, a thuphungin (in principal) kan pawm.
Resolution No. 7.
HSA JHQ Election hun sawt tak nei thei talo Hmarram JHQ le Kolosib JHQ hai chungchang thu hi nguntaka kan hriltlang hnungin election an nei vat theina dinga OB hai hretpuia hma la dingin mawphurna President HSA GHQ kut-ah kan sie.
Resolution No. 8.
HSA 55th General Assembly 2016 Resolution No. pek dan hai kan thlirlet hnungin Resolution No. 17 second paragraph a “HSA General Headquarter Central Executive Committee le Assembly Secretariat Official ding inthlangna (Election) ti tak hi Resolution No. 18 tia ziek lut nisien tha kan tih.
Reolutions No. 9.
HSA 55th General Assembly 2016 Resolution No. 10 ”(HSA GHQ thuoitu hai hun kum 4 (term khat) ni hlak hi kum 2 nita sien tha kan ti a, chun post pakhat mi pakhat in (term ) 2 bak chel thei nita naw sien tha kan tih “ ti chung thu hi ennawnna kan nei a, HSA Constitution tawk an leiin HSA Special Assembly koa hi thu hi hriltlang nisien tha kan tih.
Resolution No. 10
HSA 56th General Assembly innghatna ding chung thua 55th General Assembly 2016 Resolution No. 5 in Jiri-Vangai JHQ biel a innghat nisien tia alo rel ta ang le HSA Executive Council hmasataka a hmun sukfel dinga thuthlukna a lo siem ta angin HSA 56th General Assembly chu ANKHASUO khuo a innghat dingin kan rem tih.
Resolution No. 11
Inchuklai nun Magazine chunga thu hung lut hi nguntaka kan hril tlang hnung in “ INCHUKLAI NUN
Magazine “ hi suk hring nawk nisien tha kan tih a, hma lo la tu ding in Dr John H Pulamte (Adviser) kan ruot.
Resolution No. 12
Jiri- Vangai JHQ in Jiribam HSA Unit chung thu an hung putlut hi ngun takin kan hriltlang a, Jiribam HSA Unit hi an hmatieng election lo nei pui dingin Jiri – Vangai JHQ kut-ah kan sie.
Resolution No. 13.
Executive Council hin thupuong (declaration) nei sien tha ati a, Mizoram, Assam le Manipur a hnam chungthu fe meka hai hin lawmthu hrilna ding haia lawmthu hrila, sawrkar le thuneitu haiin ei hnam mamaw ei hni haia ei ngir zinga ei hnam hmakhuo ei ngai zing ani ti an mi hrietpui dinga tarlang tha kan ti a, hi thu hi Media hmanga puong dingin rem kan tih.
Resolution. No. 14
HSA Executive Council vawi 21st na Guwahati khawpuia HSA Guwahati JHQ le Pu Thanghlun Hmar ( IRS) haiin hnesaw taka an milo intlungna thuah HSA Executive Council chun lawm thu a hrila, Hnam ta dinga hamtieng peia inpe zuol pei ding in ditsakna insangtak an hlan tak zet a nih.
Thurel ding hung lut hai lungruol taka rel zo ani hnunin HSA in hmathlir le hmalakna ding tamtak anei hai hril langna hun nei a nih. Assembly Speaker in hunkharna thucha hril ding le tawngtaina nei a hun khar dingin Rev Dr. J Huoplien Neitham ( Senior Adviser) a ko anga hun hmangin Pathien kuoma thurel hai inkawltirna tawngtaina anei zoin hun suk tawp a nih.
Note: (i) Copy of Supplementary Rules attach
(ii) Declaration Copy
Sd/-
(LALTHLAMUONA HMAR) (LALRINGUM RIENGSETET)
Speaker Assembly Secretary
HMAR STUDENTS ASSOCIATION GENERAL HEADQUARTER ASSEMBLY AFFAIRS