23RD EXECUTIVE COUNCIL
Date: 14th October 2017, 11:00 AM
Venue: Hotel Kanishka, Narsingtola, Silchar, Assam
Members Presents: 26
Hun hmasataka Assembly Speaker in palai hai lawmlutna anei a, Pi Zovi, President Kolasib JHQ in Pathien kuoma tawngtaina a nei.
Assembly Secretary hung remchang theinaw leiin Speaker in Pu Josef V Tuolor Recording Secretary dinga ruotin thurel ding hai rel tan a nih.
Recording Secretary dinga ruot a um in 22nd Executive Council thurel hai tiemlangna le la bawzui lo hai hrillangna anei a, hmalak mekna hai hi tha kan ti a sukbo ding le siemthat ngai umin kan hriet hri nawh.
RESOLUTION NO. 1
56th General Assembly hun ding chung thu ngaituo nawn nawk a ni a, General Assembly Local Organising Committee (GALOC) in a hun chung thu a hin harsatna an nei thu an hung intlun hi hmun dang dang le programme dang dang hai enin December 2017 sung a nei hman ding ti nisienkhawm 2018 February 1st Week sung nei ni lem sien kan ti a, a ni ding tak ruok hi chu 56thGALOC le GHQ OB inbie rawinin an hma tieng inhrie tuoin hung sukfel sien kan tih.
RESOLUTION NO. 2
Barak Valley JHQ chung thu ngaituo ani a, 23rd Executive Council chun thu hma thu hnung um lo dingin vawisun 14thOctober 2017 anthawk hin HSA JHQ Barak Valley chu a sukchawl/ dissolve.
Inthlang tharna thla (khat)1 sung ngei a nei nisien kan ti a, inthlangpuitu dingin mawphurna Tv. Simon L Infimate, Vice President, HSA GHQ ruot a nih.
RESOLUTION NO. 3
Manipur a Education Survey thaw mek chung thu a nasa taka hma lo latu JHQ hai chungah lawmum kan ti hle. Thla khat sung (November ni 15 hma) ngei a format dungzuia detail report le thlalak hai hmalatu JHQ haiin GHQ-ah hung pelut a GHQ in a tul anga Chief Minister le Education Minister kuoma Representation pek nisien kan tih.
RESOLUTION NO. 4
Hmar khuo hming hnam dang hminga um hai Hmar hminga thleng dinga kum 2011 a inthawka hmalakna hai President GHQ in report kimchang tak a pek a, bawzui hmabak le bawzui pei dan ding hai chu GHQ in JHQ tin hai felfai takin a kalhmang lo hrilhriet a an hma tienga theitawp suo a hma lak nisien kan tih.
RESOLUTION NO. 5
Inchuklai Nun Magzine thu hi hriltlang ani a, a suok sunzawm theina dingin website a siem a December thla a hmang tan hman dinga siem nisien kan tih. Hi maw lo phur dingin GHQ Vice President Tv Simon L Infimate, General Secretary Josef V Tuolor le Education Secretary Tv Joyful L Thiek hai kan ruot.
RESOLUTION NO. 6
Assam (Barak Valley) a Hmar MIL Inchuktirtu le inchukna chung thu ngaituo ani a, hmalakna le afe dan hai ngaithlak a nih. Chipchier taka ngaituo le hril ani hnungin HSA GHQ OB haiin hmalak dan ding HLS Assam le a pawimaw dang hai lo inbiepui sien chu dungzuia hma lak nisien kan tih.
NOTES:-
1. Education Fund chung thu lo rel ta angin nasa taka hma lak zawm pei hi tha kan ti tlang.
2. Life Membership chung thu hi nasa nawk zuol a suklar nawk nisien kan tih.
3. 23rd Executive Council intlungtu Silchar Branch le Pu Lalringum Sanate Assam State Coordinator haiin hnesaw taka an mi lo mikhuol leiin an chungah lawmum kan ti hle.
4. Hmundang danga Palai fe hai popo kuoma lawm um kan ti bawk.
Hun tawpna takah Rev. Benjamin Sakum in Pathien kuoma tawngtaina a nei zoin committee suktawp a nih.
Sd/- Sd/-
(LALTHLAMUANA HMAR) (JOSEF V TUOLOR)
Speaker Assembly Affairs Recording Secretary