26TH EXECUTIVE COUNCIL RESOLUTIONS
A hun: 26.03.2022 :: 11:00 AM,
A hmun: RPC Training Hall, Hmarkhawlien, Cachar, Assam
Palai fekhawm zat:
(i) JHQ & Branch = 17
(ii) GHQ & AA = 10
Belkhawm = 27
Hun hmasatakah Deputy Speaker, Pu Rothangkhum Sungte in 26th Executive Palai fekhawmhai lawmlutna a nei a, I Samuel – 15:22 tiemin Pathien kuoma tawngtaina
a nei a, palai haiin mani seng inhmelhrietna nei a nih. Pu L. Rothanglien Khawbung, President HSA GHQ in Presidential Address a nei a, HSA hmalakna tamtak hai le hmadawm mēk hieng Long Term Project le hmun pawimawna haia HSA hminga hmun nei dan ding le Project nei dān dinga riruong siem hai hrilna a nei a, palai fekhawm hai chun lawmum kan ti takzet.
Pu Lalringum Riengsete, Assembly Secretary in Council Agenda hai tiemlangna a nei zoin thurel ding hai rel tan a nih.
Resolution No. 1
Assembly Speaker Pu Lalringum Sanate chu remchangnawna leiin Council a thang theinaw leiin ama aiin Deputy Speaker, Pu Rothangkhum Sungte chu Speaker aiaw
a Council keithuoi dingin Executive Council chun a ruot.
Resolution No. 2
Presidential Address a hmalakna hai le hmadawm tamtak President, Pu L. Rothanglien Khawbung in a hril hai chu palai fekhawm haiin tha kan tiin lawmum
kan ti a, kan pawmpui bawk a nih.
Resolution No. 3
Executive Council karlaka Central Executive Committee (CEC)thurel hai le hmalakna hai chipchier takin General Secretary (Josef V Tuolor) in palai fekhawmhai hmaah hrilna a nei a, CEC thurel hai le hmalakna hai hi Executive Council chun a pawmpui.
Resolution No. 4
HSA One Time Scholarship (OTS) chung thu chipchier le lunglut taka hriltlang ani a, sunzawm pei nisien kan tih. JHQ le Branch tina pakhat chau pek kha tuhin chu JHQ tin anthawkin mi pahni (2) le Branch tin a mi pakhat (1) pek ni ta sien tha kan tih. A pek dan ding ruongam fellem le pek zat ding chu CEC in hung sukfel sien kan ti a, tukum 3rd October (HSA Day) a dawngtu ding hai inhlan dingin rem kan ti bawk.
Resolution No. 5
58th General Assembly chung thu ngun taka ngaituona nei a ni a, hrpui (Covid-19) leiin a hun takah (2021) a hmang thei ani ta naw a, amiruokchu hripui boruok khawm a hung inzang pei ta bawk a, nei tul hlea hriet ani leiin tukum (2022) December thla hin Hmarkhawlien (Barak Valley JHQ) Cachar, Assam a innghat sien tha kan tih. Hi taka tul le pawimaw popo lo bawzui dingin CEC mawphurna kan pek.
Resolution No. 6
HSA State Coordination Committee indin a lo um tah, amiruokchu mumal taka a fe thei tanaw thu hi chipchier taka hriltlangna nei a nih. Ei umna state tin abikin Assam, Manipur le Mizoram a hai hin State hminga hmalakna ding tamtak a um a, chu ding chun State hminga HSA hi function a ngai zing leiin State Committee hi indin thar ngei tha kan tih.
58th General Assembly hma po, State pathum hieng Assam, Manipur le Mizoram a lukhaitu ding le State Committee inrawitu dingin hieng a hnuoia hai hi lungruol taka ruot an nih.
Mizoram – Pu L. Rothanglien Khawbung, President, HSA GHQ
Manipur – Pu Simon L. Infimate, Vice President, HSA GHQ
Assam – Pu Josef V Tuolor,General Secretary, HSA GHQ
Hieng ruota um hai hin State tina JHQ le Branch hai inrawia, a tul dan anga hma la dinga dande an ni bawk.
Resolution No. 7
State tina inchuklai pawl lien hai le inchuklai pawl dang dang hai le inlaichinna siemthat chungchang hi ngun taka ngaituo le hril ani hnungin HSA State Committee in an umna State sunga tul le pawimawna phawtah hma lain bawzuina nei sien kan tih.
Resolution No. 8
Education le inzawma HSA GHQ hmalakna hai le hmadawm mek hai report Tv. Ngurrivung Hmar, Education Secretary in a pek a, Covid-19 hripui leiin duthusam ang taka hma lak thei ninaw sienkhawm hmalakna le hmadawm hai tha kan tiin lawmum kan ti hle.
Education le inzawma hmalakna dinga tha ei ti hai chu JHQ le Branch tinin GHQ kuomah thurawn hung pe a/ intlun a, bawzuina nei nisien kan tih.
Resolution No. 9
Hmar khuo hming hnam dang hminga um hai “Hmar hming” ngei inputtir ding chung thu chipchier taka hriltlang a nih. HSA GHQ in kum iemani chen anthawka hma alo lakna le a hlawtlingna hai khawm report ngaitlak ani a, lawmum kan ti hle. Hieng hming thleng ngai hai hi JHQ tinin GHQ le inrawntuo zingin mani area a hming thleng ngai hai thleng dingin hrat nawk zuolin bawzuina hung nei sien kan ti a, hi hmalakna hai hi 27th Executive Council hunah report pek hman ngei nisien kan ti bawk.
Resolution No. 10
CEC hrietpuina a Chennai HSA indin a lo um hi lawmum kan ti hle a, Executive Council chun kan hrietpuiin kan pawmpui a, 58th General Assembly hunah “HSA
Chennai Branch” hi pek ngei nisien kan /ti bawk.
Resolution No. 11
HSA Silchar Branch “Joint Headquarters” a hlankai dinga ngenna an hung siem hi ngun taka hriltlangna nei a ni a, tha kan ti a, 58th General Assembly huna rel nisien kan tih.
Resolution No. 12
JHQ le Branch inthlang thei talo hai chung thu hriltlang ani a, an hmatienga an inthlang thei dan ding CEC in lo ngaituopui sien kan tih.
Resolution No. 13
HSA Assembly Affairs term tawp ta chung thu hi ngun taka hriltlang ani a, Term hi 2021 December a lo tawp ani ta a, amiruokchu hripui leia General Assembly ko theinaw leia inthlang thar theilo a ni leiin an Term hi 58th General Assembly (2022 December) chen pawtsei a nih.
Resolution No. 14
General Headquarters Fee (HSA Inawpdan bu Article 39 (iii)) chung thu hi ngun taka ngaituo ani a, Special Assembly (31st May 2019) in GHQ a JHQ le Branch haiin kum tina an sung ding “General Headquarters Fee” zat bituk a lo rel hi la fe pei sien kan tih. Tukum a mi General Headquarters Fee le Membership Fees hai hi General Assembly hma ngeia GHQ kuomah peklut nisien kan ti bawk.
Thurel ding hai lungruol taka rel ani zoin Tv. Ngurrivung Hmar in Pathien kuomah ro hai inkawltirna le fak le dawn ding hai inhlanna a nei zoin rorel suktawp a nih.
Sd/-
Lalringum Riengsete
Assembly Secretary
Rothangkhum Sungte
Deputy Speaker
Note: Barak Valley JHQ in hnesaw taka Executive Council an lo intlun leiin lawmum kan ti hle. RPC Training Hall phal taka rorelna ding an min hmangtir phalna le riekna ding Guest House khawm an mi phal pek leiin thuneitu hai chungah HSA chu a lawm takzet. Hmun tin ramtina AA, GHQ, JHQ le Branch thuoitu hai hahnemngai taka Executive Council ngai pawimawa hungtu hai popo chungah HSA chu a lawm hle bawk a nih.
