MINUTES OF THE 27TH EMERGENCY EXECUTIVE COUNCIL
A hun: 2: 00 PM , 8th October 2022 (Inrinni)
A hmun : Meeting Hall, Sinlung Hills Council Office, Aizawl, Mizoram.
Members Present: 27
Hun hmasa takin Assembly Speaker, Pu Lalringum Sanate in Council Meeting-a palai hung
khawm lawmlutna a nei a. Hun hawng ṭawngṭawina Tv. Lalsiemthar Biete, President Barak
Valley JHQ in a nei zoin, agenda hai tarlangna Speakerin a nei. General Secretary Pu Josef V.
Tuolor in Resolution hai thlirkirna a nei zoin rorêlna ṭan nghal a nih.
Agenda:
1. Resolution hai thlir kirna.
2. 58th General Assembly hun ding
3. HSU chung thu
4. One Time Scholarship (OTS) chung thu
5. Project/Property thu
6. One man One post chung thu.
7. Deputy Speaker inbânna.
8. AOB
Resolution No 1.
Assembly Secretary le Deputy Secretary hai harsatna leia Council rorêla an ṭhangtheinaw leiin
Speaker in Recording Secretary dingin Pu Lalruolkhum Hmar, AGS HSA GHQ a ruot hi palai
haiin kan pawm.
Resolution No 2
Hmar Students’ Union (HSU), Tuiṭhaphai, Manipura innghata insâl chun Hmar Students’
Association inṭhuoidân pangngai le General Headquarters thusuok Dated 3rd Aug. 2022 kal
zâwngin tarik 03/08/2022 khan ‘letter head’ le ‘registration number’ phuokfâwm hmangin
thusuok a siem a, hieng ang thil hung suok hi a puo tienga inlang ang el ni lovin thu inthup le
phierrûkna (conspiracy) um ngeia hmu le hriet a nih.
HSU hminga thusuok siemtuhai hi HSA Churachandpur JHQ ṭhuoitu nilâi zing hieng Joshua
Amo, (General Secretary, HSA Churachandpur JHQ), Jeffery Saihmang, (President, HSA
Churachandpur JHQ), Finny Lalthansiama (Secretary Rengkai Unit) le Andy Laltlinthang,
(President, Rengkai Unit) hai an nih ti hrietsuok a ni a, HSA chun pawi a ti hle.
Hieng mi 4 (pali) hai hi Executive Council member fekhâwmhai chun HSA inawpdân bu
Article 18 (4) (a) le (c) dungzuiin Executive Council chun HSA-a an nina hl$ptlain bân an nih.
Hi le inruol hin thu nâwk um hma poa dingin HSA-a member an nina (HSA membership)
khawm suktâwp nisien ṭha kan tih. Hi thu hi Hmar hnam sûnga Civil Society Organization po po
(abikin Hmar Inpui affiliated hai) kuomah ziek ngeia inhriettira, bân an ni sûng hin an pâwla hai
mawphurna le nina lo pe lo dingin ngên ṭha kan ti bawk.
Resolution No 3
HSA Churachandpur Joint Headquarters President le General Secretary chellâi hai bân an ni ta
leiin Inawpdân bu Article 19 (3) (a) & (b), Article 17 (2) (d) le Article 18 (4) (d) dungzuiin Vice
President le Asst. Gen. Secretary chellâi zing haiin President mawphurna le General Secretary
mawphurna chel an tih. HSA Rengkai Unit fepei dân ding chu JHQ chungah sie nghal a nih. A
ṭul le pawimaw dân ang peia HSA Churachandpur JHQ lo enkaia lo ‘coordinate’ tu dingin HSA
GHQ Vice President, Pu Simon L. Infimate kan dande bawk.
Chun, HSA CEC Member ṭhenkhat, HSU hming phuokfawma thusuok siemtuhai le inthlawp le
an hmalakna hriepuitu an um ngei nia hriet a ni bâkah Hmar Inpui GHQ ṭhuoitu lien pakhat
khawm HSU ṭan zâwng le HSA hmalâkna dodâl zâwnga râwl insuo an um thu sa-khi (evidence)
tamtak a um a. Hi hi, ‘HSU hminga thusuok siema um chu Hmar Inpuiin an hrietpui naw thu le a
dem thu an insuo hiel hnung’ a ni leiin vawisûna HSA Executive Council chun a hrietthiem thei
nawh. Anni hai hi inhrilfiena siem dingin kan phût a; General Secretary-in mimal mala lekha
pea, October 2022 sûng ngeia inhrilfie dinga inhriettir nisien ṭha kan tih.
Resolution No 4
Joint Headquarters fekhâwm hai a inthawkin One Time Scholarship (OTS) ṭangkâina hai
ngaitlâk ani a. Aizawl JHQ le Sinlung JHQ haiin GHQ in bituk siem khêl a, anni JHQ Fund a
inthawka OTS dawng ding mi an lo belsana chung thua Speaker in an chunga lawmthu a hril.
OTS hin inchûklâi ṭhenkhat alo sawkzâng theina hi lungrila hrezing pumin OTS hi sunzawm
nâwk ngei nisien ṭha kan tih. Hi el bâka hin Barak Valley Joint Headquarters President in
thurâwn a hung siem ang dungzuiin Free Coaching chu a remchâng dân izirin GHQ in huoihawt
nâwk ta sien ṭha kan tih bawk.
Resolution No 5
Avawi 58-na General Assembly (Special) Hmarkhawliena innghat dinga 26th Executive Council
in a rawtna asiem angin fethleng sien ṭha kan ti a, a hun ding tak hi GHQ OB hai le JHQ Barak
Valley ṭhuoitu hai lovin bie râwnin anhma tieng hung sukfel sien kan tih.
Chun, General Assembly vawi 59-na khawm hi Hmarkhawlien bawka innghat dingin lungruol
takin rem kan ti a, 58th General Assembly a pawm dingin thurâwn pêk ngei nisien kan ti bawk.
Resolution No 6
Assembly Secretariat term hi harsatna dang dang hai leiin 2023 chena dingin pawtsei el nisien
ṭha kan ti a, General Assembly vawi 58-na a namnghet dingin putlût ngei ṭha kan ti tlang ani
bawk.
Resolution No 7
Pu Rothanglien, President, GHQ anthawk Project le Property chungchang Report ngaitlak ani a, Vaitina HSA ram sukfel ani ta thu a puong a, Sakawrdai a khawm HAS Office le Library bâwl mêk ani thu le HSA Campus Rengkai a khawm Library bâwl el thei dinga hmalâkna a um thu hai a hrilna a nei. Hieng hai bâka hin HSA hminga hmun dang danga ram le property nei dinga hma lâk mêk ani thu hai khawm a hril a, Palai fêkhawm hai kan lâwm tlâng hle. Assam Hills JHQ in Muolhoi ah HSA Building an tungding theina chungthua Speaker in a lawmpui thu a puong a, Joint Headquarters danghai khawm mani thei ang senga HSA vul zuol peina dinga hma la dingin thucha a hril bawk.
Resolution No 8
General Headquarters le Joint headquarters Office Bearers le Departmental Secretaries hai chu hnam sûnga Civil Society Organization danga nina va chel annawle, Political Party-a Office Bearers nina nei phal talo dingin palâi fekhâwm hai chun lungruol takin kan pawm. Hieng ang pâwl haia OB nina lo nei an um chun inbânna pe sien kan ti bawk.
Resolution No 9
Deputy Speaker, Assembly Secretariat, Pu Rothangkhum Sungte inbânna thu hi a san ṭhataka an bânna hrethiempuiin inpâm le inro tak pumin lungruol taka an bânna hi pawmpêk el a nih. Executive Council Meeting vawi 27-na uopmawi tu Adviser Dr. John Pulamte le Sinlung HIlls Council, Chief Executive Member Pu Lalthlamuana Hmar hai chunga Speaker in lawmthu a hrila. Hmatieng peia khawm HSA hmalakna hai thlawp zing dingin ancha bawk.
Chun Executive Council Meeting 27-na sukhlawtlingtu le phal taka Meeting Hall min hmangtirtu Sinlung Hills Council chungah HAS chu a lawm takzet a, Aizawl JHQ ṭhuoituhai le President HSA GHQ chunga Speaker in lawmthu a hril zoin Tv Lalsiemthar, President BVJHQ hunkhâr ṭawngṭaina neiin meeting suktwp anih.
Aizawl Joint Headquarters le President GHQ in an buotsai zânbu chu Council palai fekhawm haiin President ina kil tlângna nei ani a, lawmum kan ti hle bawk a nih.
(Lalringum Sanate)
Speaker
(Lalruolkhum Hmar)
Recording Secretary & AGS HSA GHQ
General Headquarters le Joint headquarters Office Bearers le Departmental Secretaries hai chu hnam s<nga Civil Society Organization danga nina va chel annawle, Political Party-a Office Bearers nina nei phal talo dingin palâi fekhâwm hai chun lungruol takin kan pawm. Hieng ang pâwl haia OB nina lo nei an um chun inbânna pe sien kan ti bawk.
Resolution No 9
Deputy Speaker, Assembly Secretariat, Pu Rothangkhum Sungte inbânna thu hi a san ṭhataka an bânna hrethiempuiin inpâm le inro tak pumin lungruol taka an bânna hi pawmpêk el a nih. Executive Council Meeting vawi 27-na uopmawi tu Adviser Dr. John Pulamte le Sinlung HIlls Council, Chief Executive Member Pu Lalthlamuana Hmar hai chunga Speaker in lawmthu a hrila. Hmatieng peia khawm HSA hmalakna hai thlawp zing dingin ancha bawk.
Chun Executive Council Meeting 27-na sukhlawtlingtu le phal taka Meeting Hall min hmangtirtu Sinlung Hills Council chungah HAS chu a lawm takzet a, Aizawl JHQ ṭhuoituhai le President HSA GHQ chunga Speaker in lawmthu a hril zoin Tv Lalsiemthar, President BVJHQ hunkhâr ṭawngṭaina neiin meeting suktwp anih.
Aizawl Joint Headquarters le President GHQ in an buotsai zânbu chu Council palai fekhawm haiin President ina kil tlângna nei ani a, lawmum kan ti hle bawk a nih.
(Lalringum Sanate)
Speaker
(Lalruolkhum Hmar)
Recording Secretary & AGS HSA GHQ