A hun : 23rd September, 2023 (Inrinni) 11.00 AM
A hmun : Sinlung Hills Council Office Hall, Khatla, Aizawl, Mizoram
PALAI FE ZAT :
Apology :-
JHQ le Branch : 2
GHQ- 2
JHQ & Branch : 41
GHQ & Assembly Affairs : 12
Total : 53 (sawmnga pathum)
Hun hmasatakah Pu Lalringum Sanate Speaker, Assembly Affairs in Palai fekhâwmhai po po lawmlûtna a nei a, chu zoah Manipur buoina leia hringna chân hai po po sûnna hunser (one minute Silent Prayer) to ṭawka ṭawngṭaina palai fekhâwmhai in kan nei a, Upa Hmingchunghnung in hun hawngna le lûn sûnghai ta dingin Pathien kuoma ṭawngṭaina hun a hmang zoin Assembly Secretary Pu Lalringum Riengsetein Palai hai hminglamna a nei a, inhmêlhrietna (Self Introduction) palai hai po po in an nei a, Presidential Address nei dingin Pu L. Rothanglien Khawbung President, HSA GHQ ko a nih.
THURÊL HAI:
1. President-in Presidential Address a neia, ṭhuoitu fekhâwmhai ei mawphurna ti thupui a bul ṭanin hieng Bible châng (Phillipi 2;3, Isai 41;10, II Timothy 1:7, Luka 22:26, le Jakob 4:10) hai tiemin ei umna hmun seng, ei hmazâwn sengah ei hnam ta dinga kal pên seng dingin ṭhuoitu fekhâwm hai a mi’n cha a, HSA in vawisun chen a hmalâkna hai hrilin JHQ, Branch, Block le Unit hai hmalakna haiah lawmthu a hril bawk.
2. Hmalâkna Report :- General Headquarters, Joint Headquarters hai a’n thawk hmalâkna report hieng a hnuoia hai ang hin ngaitlâk a nih:
(1) GHQ (2) Assam Hills JHQ (3) Shillong JHQ (4) Kolasib JHQ
(5) Hmarram JHQ (6) Imphal JHQ (7) Jiribam JHQ (8) Sinlung Hills JHQ
(9) Guwahati JHQ (10) Barak Valley JHQ (11) Tuiṭhaphai JHQ (12) Aizawl JHQ hai a’n thawk chipchier takin report an pek a, an hmalâkna hai hi ṭha kan ti in lâwmum kan ti hlê a, Assembly Affairs-ah kar khat sûng zieka hmalâkna report (activity report) hung pe lût seng hai sien ṭha kan tih.
3. CEC le OB thurêl hai le hmalâkna hai Pu Joseph V Tuolor Gen. Secy., GHQ a’n thawk ngaitlâk ani a, palai fekhâwm haiin ṭha kan ti in Data Collection Team, Legal Cell le Media Cell indin thar hai, 85th HSA Day hmang dân ding thu lo insuo hai le HSA hminga hma lo lâkna hai hrim hrim hi 28th Executive Council chun kan hrietpuiin kan pawmpui.
4. Delhi JHQ Agenda, “Manipura ei hnam buoi fe mêk laia Hmar Inpui GHQ inṭhuoi dân le hmalâk mêkna haiah ditkhawp nawna le felhlelna uma hriet le hmu a ni leiin Hmar Inpui GHQ ṭhuoitu ding ‘special case’ in inthlang ṭhat nisien” ti hi nguntaka ngaituo le hriltlâng a nih. Hi thu hi HSA GHQ hmingin Hmar Inpui Assembly Secretariat a intlun ṭha kan tih
5. Manipur a hnam buoina le inzawma HSA hmalâk pei dân ding le Assam, Mizoram le Manipur infepâwnna hai hi chipchier takin kan hriltlâng a, hieng ang hin hma lâk nisien ṭha kan tih.
(i) HSA JHQ tin le Branch tin hai bituk siema, hnam buoina le inzawma hmang dinga sum dâwlkhâwm ṭha kan ti a, HSA Day (3rd October) hin theitawp suoa thâwlâwm châwikhâwm seng nisien kan tih.
(ii) Assam, Mizoram le Manipur infepâwna lampui le leilâk siem vat ani theina dingin HSA in nasa nawk zuol a Sawrkar nawr ṭha kan ti a, a bawzuina chu CEC in hma hung la sien kan tih.
6. Hnam buoina leia inchûklai hai ngirhmun le ṭhangpui dân ding nguntaka hril le ngaituo ani hnungin Manipur buoi leia tuortu hai ditsak bîkin One Time Scholarship (OTS) aiin tukum hin One Time Financial Assistance (OTFA) kumtawp chenah a tam thei ang tak pêk nisien ṭha kan ti a, hmalâkna ding kimchang chu CEC in hung bawzui vat sien ṭha kan tih.
7. HSA Churachanpur JHQ hming hi remchang lem dinga a’n lang leiin HSA Tuiṭhaphai Joint Headquarters tia a hming hi thleng dinga JHQ in an hung ngenna hi kan hril tlâng a, ṭha kan tiin Executive Council chun a pawmpui a, General Assembly nawk hmasatakah namnghet nisien kan ti bawk.
8. HSA Tuiṭhaphai JHQ Office Room ding HSA Complex, Rengkai a Building pakhat a Room an hung hni hi kan ngaituo a, tulai hnam buoina fe mêk sûng a dingin an hung hnina hi phal pêk an ni a, Pu Simon L. Infimate VP (i/c Manipur state) HSA GHQ in lo en fel pui sien ṭha kan tih.
9. JHQ le Branch term tâwp ta hai chungthu hi nguntaka hril tlâng a ni hnungin JHQ le Branch Inthlang (Election) hun term tâwp ta hai chu an hmatieng Inthlang (Election) nei nisien ṭha kan ti a, amiruokchu Tuiṭhaphai JHQ ruok hi chu 23rd September 2023 an’thawk 23rd March 2024 chen an term hi pawt sei pêk ṭha kan tih .
10. HSA Imphal JHQ fe pei dân ding nguntaka kan hril tlâng hnungin, Imphal JHQ hi an fe pângngâi anga fe zawm zing dingin kan rem ti a, Imphal JHQ huom sûnga inchûklaihai le a mipui hmun hran hran a lo um ta haiin an mamaw le ṭul hai hrim hrimah HSA Imphal JHQ hi râwn a, hmâ la zing dingin ṭha kan tih.
11. Tuta inthawk thurêl um nâwk hma po Finance Report (Income & expenditure) HSA GHQ Finance Secretary in kum khata vawihni bêk JHQ le Branch hai hmu thei dingin pe hlak sien ṭha kan tih.
12. Aizawl ah Hmar nauhai sawr thei ding le hnamin a mamaw êmêm “TRIBAL HOSTEL” nei ngei dingin HSA-in hma la sien ṭha kan tih, a ṭul le pawimaw anga hmalaa bawzuitu dingin GHQ ṭhuoituhai le Aizawl JHQ hai mawphurna-ah kan sie.
13. HSA General Assembly hi ei hnam buoina leiin tukum 2023 sûng chu nei ni naw sien ṭha kan tih a, ei boruok izir pein Executive Council nâwkah ngaituo nisien ṭha kan tih.
Thurêl hai lungruol taka rêl zo ani hnungin Pu Obed Lalrawngbawl Thomte, President, HSA Shillong JHQ in Pathien kuomah ṭawngṭaina neiin ro hai inkawltirna a nei zoin Council suktâwp a nih.
Note :
(i). Aizawl JHQ in 28th Executive Council hnêsaw taka ruoi hai hiel buotsaia a lo intlung tir hi lâwmum kan ti hle.
(ii) Sinlung Hills Council in Meeting Room ṭha tak le inhawi tak, a thlawn tawpa an mi’n hmang tir leiin HSA chun an chungah lawmthu kan hril tak zet.
