HMAR STUDENTS’ ASSOCIATION INKHAWMPUI LIEN VOI 53-NA
THURELHAI
A HMUN – SAKAWRDAI, MIZORAM
A HUN – DECEMBER 9, 2011
L. Rothanglien Khawbung, Asst. General Secretary keihruoina-in Business Session tran a ni a. Pu Ramthienghlim Varte (R.Th. Vartre, Former President, HSA GHQ) inrawina hnuoiah kum 2010 le 2011 sunga HSA thruoitu muol mi lo liem san, Pu Lalhratliana, President, Aizawl JHQ le Tv. Ngairangtho (NC Hills & Karbi Anglong) hai bakah HSA Founder President, Upa HL Daka (1918 – 13/11/2010) hai sunna inentirna’n minute khat (1) sung ‘Silent Prayer’ nei a ni zo in Pu R.Th Varte hin Pathien kuomah a trongrai. President Dr. John H. Pulamte in zieka a lo buotsai lawk, ‘Presidential Address’ a tiem lang zova, General Secretary, Lalthlamuana Hmar-in Assembly thulut poimawzuolhai tiemlangna a nei a, rorel tran nghal a nih.
Speaker – John Vanlalruot Puruolte
Secretary – Vanlallien Pulamte
Palai Zat – 77 (An chuongna motor intrum naw leiin Churachandpur le Imphal Joint Headquarters-hai an hung tlung hman ta nawh). Pune le Bangalore Branch hai anthok palai an hung nawh a; Branch le Joint Headquarters danghai po anthokin an hung.
CEC THULUTHAI
Thulut 1: HSA General Headquarters President le General Secretary-hai le, General Assembly lo neina hmunhai.
Thuthlukna: Central Executive Committee-in HSA General Headquarters President, General Secretaries le Inkhawmpui Lien (General Assembly) a lo neina hmun le kum a zongsuok le lakkhawmhai hi kan pompui. Tuta hnunga soisel le siemthrat trulhai chu General Assembly hrietpuina naw chun phal ni ta naw nih.
Thulut 2: Hmar Inpui, General Headquarters Ofis.
Thuthlukna: Hmar Inpui General Headquarters in ‘BUONZAWL – the arena’ le room pakhat, an office dinga an hung hnina hi a thu-in kan remti pek a; CEC in terms & condition siemin lo bawzui sien thra kan tih.
Thulut 3: HSA Logo & Letter Head.
Thuthlukna: HSA General Headquarters, Joint Headquarters, Branch le Unit haiin HSA LOGO hi inang charin hmang seng ta inla; a thei chun Letter Head khom pattern khat nei ni ta sien thra kan tih. CEC in hung bawzui sien tha kan tih.
Thulut 4: General Headquarters Financial Rules.
Thuthlukna: HSA General Headquarters hin Financial Rules mumal tak neiin Annual Budget siem sien; chu budget chu Executive Council in pompui pei ta hlak sien thra kan tih. Hi Rules siemtu dingin President nilai Dr. John Pulamte kan ruot.
Thulut 5: HSA kum 75-na Platinum Jubilee 2014.
Thuthlukna: HSA indin a ni anthoka kum 75 a thlingna (2014) hi Tuithaphai hmunah ropuitaka lawm ni sien tha kan tia; Celebratiion Committee indin nghal thra kan tia; Convenor dingin Vice President ni lai Joseph R. Hmar le Co-Convenor dingin Presiden ni lai Dr. John Pulamte kan ruot.
Thulut 6: Tribal Hostel (Boys), Rengkai, Churachandpur chungsawnga Hall hming ding thu. HSA Campus, Rengkai, Churachandpur-a Tribal Hostel bawl meka um chungsawnga HSA hmalaknaa Auditorium/Conference Hall ding hi HSA Founder President HL Daka hming chawi a “HL Daka Memorial Hall/ Auditorium” ti a ko ni sien kan tih
Thulut 7: Nominated Vice President.
Thuthlukna: ‘State pakhata HSA Joint Headquarters/Branch 3 neka tam umna hai (Manipur, Mizoram, Assam) enkaitu dingin Vice President GHQ elected OB haiin ruot pei ta hai sien’ tia rotna CEC in a hung siem hi term thara ensin nisien tha kan tih.
Thulut 8: Hmar Students’ Education Fund Management Board.
Thuthlukna: Hmar Students’ Education Fund neina dinga CEC hma lo laknahai hi tha kan tih a. Hi Board fe pei dan ding le inthruoi dan ding kimchang (Bye Law, Rules & Regulation, etc) hai mumal taka hung siemtu dingin President ni lai Dr. John Pulamte kan ruot.
Thulut 9: Mizorama Hmar political issue le Cachar, Assam-a Barak Valley Hill Tribe Development Council (BVHTDC) chungchang.
Thuthlukna: Mizoram le Barak Valley, Cachar, Assam-a Hmar political issue chungchang sukfelloa la um zing thu a hin 53rd General Assembly hin rawl insuoin sorkar thuneituhai kuomah intlun nisien tha kan tih. CEC in inhmaw takin hung bawzui sien kan tih.
‘Sinlung Hills Autonomous District Council (SHADC) sukpuitlinga a um theina dingin Hmar umna taphawt a, HSA hmalakna hnuoiah ni khat bunghei tawngtai rawt/nei nisien, a hun le ni inang vawngin Pathien kuoma intlun a hni nisien’ tia Shillong Joint Headquarters in a hung putlut le Sinlung Hills Joint Headquarters-in ‘HPC(D) le Mizoram sorkar inbiekremna a um vat theina dingin HSA in hma la sien’ tia an hung putluthai hi CEC in nguntaka a hung bawzui dingin kan sie bawk.
THULUT DANGHAI
Thulut: 1 (a): Education Dept. hi inchûkna tieng a nasataka ei hnam sûnga thang ei lak thar theina ding le hma ei sawn zuol theina dingin sukhrat nâwk zuol nisien. Secy. Education inrawina hnuoia hi department a hin member iemanizât umin Committee pakhat insiem nisien, career tieng le inchûkna tieng rêng rêng chu a tul le ei pawimaw dungzuiin hmalatutak le bawizuitu tak nihai sien. (Shillong)
(b) HSA in Student’s Statistics mumal tak nei ta sien.
Thuthlukna:Jt. Hqrs.le Branch tin haiin maw hung phur sien kan tih.
Thulut 2: “Inchûklai Nun” hi, Internet Website hmanga insuo ni ta sien. A tul chun Editorial Board khawm thlang nghal nisien.
Thuthlukna: Inchûklai Nun” hi website hmanga sukhring tha kan tia, Shillong HSA hai
mawphurna ah kan sie.
Thulut 3: Hmar lam (Cultural Dance), Hnam Hla (Traditional Song) hi inruolkhai (Common form) ei nei theina dingin H.S.A in hma la raw se. (Aizawl)
Thuthlukna:Hi chungchang hi ngun taka ngaituona nei ani a; a bawzuitu ding bik Art & Culture Society le HYA an um tah tho leiin HSA chun thei ang anga thlawp a thurawn pek nisien kan tih.
Thulut 4: Kum 2012 hi INDINTHAR KUM ti thupui hmangin H.S.A Jt Hqrs, Branch le Unit mumal lo hai sukthar ni rawse. (Aizawl)
Thuthlukna: HSA Gen Assembly chun kum 2012 hi INDINTHAR KUM tiin kum thupui dingin a puong.
Thulut 5: HSA Jt. Hqrs inthlangna (election) an nei ding chun HSA General Headquarters hrietpuina lak hlak nisien. Chun, inthlangpuitu ding General Headquarters in ruot pei hlak sien. (Sinlung Hills)
Thuthlukna: Jt. Headquarters le Branch tiin Election thu chauh nawa khom HSA Constitution (inawp dan bu) zui hram hram ni raw seh.
Thulut 6: Guwahati hmuna Hmar nau hai tadingin HSA Hostel nei ngei nisien. (Guwahati)
Thuthlukna: Nei ngei chu tha ti ani a, amiruokchu long term plan (hmatieng thiltum) ding a sie a nih.
Thulut 9: Hmar MIL-a Permanent Teacher nei dan ding le Gauhati University hnuoi ah Degree chena Hmar MIL nei thei dan ding HSA in buoipui raw se. (Guwahati)
Thuthlukna:MIL teacher chungchang a hin NC Hills JHQ thawdan angin mani’n lo intodel phawt dingin thurawn pek a nih. Degree chen a Hmar MIL nei dan ding chungchang hi CEC’n hung bawzui sien kan tih.
CONSTITUTION TAWK THULUTHAI LE INZAWMA THUTHLUKNA
Constitution tawk thuluthai hi CEC in fumfe takin hung bawzui sien, tul le thaa a hriet chun Constitution Review Committee indinin member ding ruot nawk sien tha kan tih.
Thuluthai chu:
· H.S.A Constitution a hin Special Provision siem nisien, chutaka chun – Mizoram pum awp dingin H.S.A Joint Hqrs Aizawl hi H.S.A Gen Hqrs hnuoiah Mizoram H.S.A Headquarter, Aizawl tia si nisien. (Aizawl)
· Ei dân bu hi siem ha a sut thar nâwk nisien, chun, ṭ fumfe taka eiin ṭhuoi theina ding le ei hriet seng theina dingin atam tieng sukdar nisien. (Shillong)
· Amend dinghai: Article 12, 13, bakah,
· Article 17 (ii) (d)
· Article 18 (iv) (b)
· Article 19 (ii) (a)
Hieng a chunga tarlang Article hai dungzui a President inbân/bân ani hnunga President thlang nâwk dân ding hi chiengtaka hril nisien. Hi a hnuoia Article hung tarlang a hin midang ( huoitu dang President tilo) hai thlang nâwk dân ding ân ziek ṭ a, President, a lu khaitu tak thlang nâwk dân ding hi iengkhawm a hril ta si naw a, Conference a thlang dîm, annawleh Executive Committee Member, Auditors, Advisers le Unit Palai (Conference Palai hai) thlang ding? Ti chungchang hi hrilfiein siemṭhat nisien.
** Article 19 (ii) (d) “President ti lo, a tuelkhawm ân hlipthlâk chun a ai âw ding Executive Committee/ Branch Committee- in ruot a tih.”
· Article: 28 (vii)- “Joint Headquarter le Branch a President le General Secretary/ Secretary ding chu Pasal/ Nuhmei kum 18- a inthawka chungtieng pawlsawm (Cl- x)- a inthawka a chungtieng, inchûklai am ani, inchûkna bânsan ta khawm, HSA-a inhnikna nei le hmangaina nei mi ani ding a nih.” Ti hi President thlang thei thu Article 28 (v) ah a hril tho ta leiin General Secretary/ Secretary hai qualification ni lemin President hi ni ta naw sien.
INCHIK DINGHAI
· HSA Council thurêl hai le Assembly thurêl hai rêng rêng hi ân hma tieng a Joint Headquarters annawleh Branch hai kuoma resolution a huna pêk a theinaw tâwp khawma inthawn (lekha) ah chuchu a theinaw tâwpa e-mail hmanga thawn vat vat ni ta sien. Chun, HQ Statistic, Budget, Activities le Yearly Finance report hai hi inlaichinna ṭhalem a um theina dingin kumtin hin JHQ le Branch hai hriet ve dingin a chunga tarlang a um report hi thawn/ suklang ni ta sien. Chun JHQ le Branch hai khawmin a chunga tarlang a um hai report hi GHQ ah pe lût ve ta sien.
· GHQ hin nasa nâwk zuolin hin career tieng hma lain a ṭul dang dang hai khawm bawzuina sin hi la thar nâwk zuol sien. Career le education le inzawm thil hai rêng rêng (Eg. Free Coaching, Career Counselling, Seminar le Workshop) JHQ or Branch in alo huoihawtna a hai rêng rêng hin nasataka ei hnam sûnga eiin tû nâwkzuol le hma ei sâwn zuol bik theina dingin GHQ (Education Dept.) in iengkimah thurawn pe a, guide a, a awmtâwk tuta inthawkin sponsor ta sien.
Eg.-
· Free coaching atleast 2-3 months before exam. (Tutor fee leh coaching latu hai Stipend chen pêkthei nisien)
· Resource Persons (Seminar/ Career counselling le Workshop)
Note: JHQ le Branch tiin mani activitiesa ngaiin career guidance makmawa kum khata vawikhat bêk huoihawt ding ti hi GHQ in thu insuo ta sien.
· GHQ hin inlaichinna ṭha nawk zuol bik einei theina dingin JHQ tin hi kumkhat ah vawikhat bêk kan a inkhâwmna nei nisien.
· HSA hin Unpublicised Political Wing nei ta sien. Asan chu Politics tieng khawm hi inchûklaihai hin hmakhuo ei ngai ve ta si a, Politics tieng kheltu ding bîk hi insiem el ṭha ta in kan hriet.
· Central Working Committee (CWC) hi sukhrat nawkzuol le a hrat dan ding ngaituo nisien.
Thurel suktawpna dingin Pu JC Tlangthansiama’n Pathien kuomah tawngtaina anei a,
Election Commission hai kuomah hun inhlan sawng a nih
Sd/ Sd/
(John Vanlalruot Puruolte) (Vanlallien Pulamte)
Speaker Secretary
ELECTION 2011
Hmar Students’ Association General Headquarters Office Bearers le Assembly Affairs thuoitu dinghai inthlangna (election) chu December 8, 2011 zantieng dar 3:00 in YMA Hall, Sakawrdai-ah nei a nih a; Hieng a hnuoia hai hi lungruoltaka thlang an nih.
Assembly Affairs
Speaker – Dr. John H. Pulamte, Imphal
Dy. Speaker – Joseph R. Hmar, Imphal
Secretary – John Vanlalruot Puruolte, Imphal
Dy. Secretary – Dr. Immanuel Zarzosang, Jiribam
Office Bearers
President – Lalthlamuana Hmar, Shillong
Vice President – Rochunghnung, Churachandpur
Gen. Secretary- L. Rothanglien Khawbung, Aizawl
Asst. Gen. Secy.- Simon L. Infimate, Shillong
Fin. Secretary – Ms Mawii Darngawn, Shillong
Sd/
(Pu Ramthanglien)
Presiding Officer
Sd/ Sd/
(Lalrawngbawla) (J. Daizova)
Secretary Secretary