HMAR STUDENTS ASSOCIATION
56TH GENERAL ASSEMBLY
A hun : 3rd March, 2018 (1.30 pm – 4:30pm)
A hmun : Ankhasuo, Pherzawl, Manipur
PALAI FE ZAT:-
JHQ & Branch : 76
GHQ & Assembly Affairs : 12
Total : 88
Hun hmasatakah Assembly Speaker Pu Lalthlamuana Hmar-in palai hai lawmlutna a nei a; Rev. Benjamin Sakum-in Pathien kuom ah tawngtaina a nei zo in, Presidential Address Pu L. Rothanglien Khawbung a’nthawk (HSA hmalakna le hmatieng peia thil tumhai) ngaithlakna nei ani a, Assembly palai rorel dinga fekhawm haiin tha kan tiin lawm takin kan pawma, chu zova hi ahnuoia thurel ziek langa umhai hi lunginruoltakin kan rel.
THURELHAI:-
1. PRESIDENTIAL ADDRESS:
Presidential address hi General Secretary in a hung move ang in, Assembly chun address hi thuphung in kan pawm a, kan lawm hle bawk. Hmalakna le hmalakna ding mek President in a hung hril hai hi palai haiin tha kan tiin kan pawm pui.
2. HSA CONSTITUTION :
HSA Special Assembly Resolution No. 2 Dated Jiribam, 6th May 2017-in a lo rel ta angin, HSA Constitution siemthat tul le pawimaw hai siemthatu dinga mawphurna a pek “Constitution Review Committee” haiin an rang thei anga hma hung la-in hung suk fel vat hai sien kan tih.
A tul le pawimaw angin General Secretary, HSA GHQ-in Review Committee hai inhriettirna le ngenna ziek ngeiin lo pe sien kan ti bawk.
3. PHERZAWL DIST SUKHRAT LE HILLS HOUSE TAX & LAND SURVEY (Manipur):
(a) Pherzawl District a Sawrkar Department hran hran hai puitling hlei theilo a um hi pawi kan ti a, hrat taka a fe pei dan dinga hma la dingin GHQ thuoitu haiin thuneitu insang lem hai kuoma an hma tieng a mamaw le tul hai bawzui sien kan tih.
(b) Manipur Hills Area sunga Hill House Tax pekna hmun haia Revenue Land (Survey) chungthu hung lut hi GHQ thuoitu haiin thuneitu insang lem hai kuoma an hma tieng a mamaw le tul hai bawzui sien tha kan tih.
4. JOINT HEADQUARTERS PEK LE AREA SIEMTHAT:
JHQ ensin a um hieng Kolasib JHQ, Vangai JHQ, Hmarram JHQ le Jiribam JHQ hai hi vawisun a inthawk JHQ puitling pangngaia a fe pei tha kan tih.
Jiribam JHQ area sung ah hieng Tuisen, Muolkhang, Henchungpunji le Phailienthang unit hai hi lak lut nihai sien tha kan tiin kan rem tih.
5. HSA CAMPUS:
HSA Campus Rengkai Churachandpur-a Tribal Hostel Management Committee induong dan ding thuah, Special Assembly Resolution No. 4 Date 6/5/2017 in remruotna a lo siem angin la fe sien tha kan tih.
6. JOINT HQRS HMING THLENG:
HSA N.C Hills & Karbi Anglong Jt.Hqrs-in remchang lem dinga an hriet leiin, an JHQ hming thleng nisien tia ngenna an hung siem angin, 56th General Assembly-a palai roreltuhaiin, an ngenna angin tuta inthawk HSA N.C.Hills & Karbi Anglong JHQ ni ta loin “HSA Assam Hills JHQ” tia ko ni lem dingin lawmtakin kan remtiin kan pawm.
7. PRESS RELEASE CHUNGTHUAH:
Hnam pum huop zawng-a thupuong /Press Release siem tulna a lo um ani chun, HSA GHQ remtina le hrietpuina um ngeia thaw hlak ni ta sien kan tih.
8. CENTRAL COMMITTEE ON COMPETITIVE EXAMS:
HSA Aizawl JHQ in General Headquarters hnuoiah kumtina Competitive exam le inzawmin Coaching Class buotsaitu ding bik Central Committee indin nisien tia an hung putlut hi nguntaka ngaituo ani a, a fe pangngai in la fe sien tha kan tih.
9. NGENNA:
Hmar Hnam sunga Organisation dang dang le Kohran tinin kum tin-a Calendar an siem hlak hai a-hin, Hmar inchuklaihai ta dinga ni pawimaw tak ani leiin, zuk ena awlsam taka hriet ani theina dingin 3rd October (HSA Day) hi bold/rawng danglam (a hring) ngei-a inchikna thatak siem hlak ni thei ngei sien tha kan tia, General Secretary, HSA GHQ-in an hmatieng Hmar Hnam sung a Organisation dang dang le Kohran tin-ah ngenna lo siem ngei sien kan tih.
10. 57TH GENERAL ASSEMBLY INNGHATNA DING:
HSA Sinlung Hills JHQ-in an area sung ngei-ah 57th General Assembly innghat thei sien tia hnina le ngenna an hung siem hi lawmum kan tia, an hnina le ngenna angin Sinlung Hills JHQ sunga innghat dingin kan rem tih. Executive Council hmasatakah 57th General Assembly innghatna hmun ding (Unit/Khuo) chu, Sinlung JHQ le GHQ thuoituhai inbie paw-a an lo suk fel ngei dingin an mawphurna-a kan sie.
Hieng a chunga Ro-hai hi lunginruol taka kan rel zo-in, Assembly Speaker-in a fielna anga Pu Lalropieng Hmar in Pathien kuomah rohai inkawltirna/tawngtaina a nei zovin ROREL suk tawp a nih.
11. ASSEMBLY AFFAIRS ELECTION
Dr. John H Pulamte le Rev. Benjamin Sakum hai inrawina hnuoi ah; 2017-19 sunga Assembly Affairs thuoitu thar ding ballot paper hmang ngeia inthlangna nei ani a, hieng a hnuoia hming suklang hai hi lunginruol tak a thlangtling an nih:-
Speaker : Pu Lalthlamuana Hmar Shillong, Meghalaya
Deputy Speaker : Pu John L Puruolte Muolhoi, Assam
Assembly Secretary : Pu Lalringum Riengsete Muolhoi, Assam
Deputy Secretary : Pu Rothankhum Sungte Aizawl, Mizoram
Election felfai taka nei zo a ni hnung in Pi Zothanmawii Joute in Pathien kuomah tawngtaina neiin hun suktawp a nih.
Note :
(a) FINANCE REPORT:
HSA Gen. Hqrs. Finance Secretary, Nk. L. Margareth-in, HSA Fund Receipt & Expenditure report fel taka a pek hi lawmum kan ti hle.
(b) HSA Vangai JHQ (General Assembly Organising Committee) in hnesaw taka 56th General Assembly an intlun hi lawmum kan tiin inpak um kan ti tak zet.
Sd/-
(LALRINGUM RIENGSETE)
Assembly Secretary
Sd/-
(LALTHLAMUANA HMAR)
Speaker
