Office of the
HMAR STUDENTS’ ASSOCIATION
Assembly Affairs
58TH GENERAL ASSEMBLY RESOLUTIONS
A hun: November 11, 2022
A hmun: Block Multipurpose Hall, Fulertal (Hmarkhawlien) Cachar, Assam
Palai fekhawmhai:
1. GHQs
2. Adviser
3. Aizawl JHQ
4. Sinlung Hills
5. Shillong JHQ
6. Assam Hills JHQ
7. Barak Valley JHQ
8. Kolasib JHQ
9. Silchar Branch
10. Chandigarh
Apology :
1. Lalringum Sanate, Speaker
2. Lalruolkhum Hmar, AGS
3. Margareth, Fin Secretary
4. Ngurrivung, Edu Secy
5. John, Asst Edu Secy
6. Vangai JHQ
7. Imphal JHQ
8. Guwahati JHQ
9. Churachandpur JHQ
10. Hmarram JHQ
Hun hmasatakah Speaker mawphurna latu, Pu Lalringum Riengsete’n Palai fekhawmhai lawmlutna a nei a, Thuvarhai 3:1-3 a tiem zovin Tv. Lalmalsawm Thiek, CEC Member in Pathien kuoma tawngtaina a nei a, Pu Josef V. Tuolor in Agenda hai suklangna a nei zoin rorel tan a nih.
Thurel 1 na
Assembly Speaker, mimal le sungkuo rokhawlna leia a thang thei naw leiin Assembly Secretary, Pu Lalringum Riengsete rorel keihruoi dingin kan ruot a, Gen. Secretary, Pu Josef V. Tuolor-in Recording Secretary sin thaw dingin kan ruot.
Thurel 2 na
Pu L. Rothanglien Khawbung, President GHQ in Presidential Address a nei a, GHQ, JHQ, Branch le Unit chena HSA hmalakna a ram le building hieng – Vaitin HSA ram sukfel, HSA Assam Hills JHQ building thar nei le Vairengte IOC Unit ram le in project nei thar ani hai lawmum a ti hle a, palai fekhawm hai khawm kan lawm hle.
Inchukna tieng ahma neka ngaipawimaw zuola nasa taka hma ei lak thar a pawimaw zie hrilin JHQ le Branch tin haiin GHQ le thawtlang ding proposal hai siema hma nasa nawk zuola la dinga a hril hi lawmum kan ti hle bawk.
Chun, theina hmun hmuna haiah Competitive Coaching hai huoihawt nawka sin zawngna kawngah Central level chena inziekkai ei pung theina dinga hma lak le mipui kuomah khawm competitive exam thu hai le inchukna line dang dang hai hril uora awarness hai nasa nawk zuola nei dinga rawtna a siem hi palai fekhawm haiin tha kan tiin kan pawm bawk.
January 2023-a Ruonglevaisuo Unau Suopui Festival pawimawna thu le hi festival hmang hin unau-suopui hai lai inlaichinna a suktha hle theina dinga beisei ani ang hrima ngaipawimaw ding le atam thei ang tak HSA tieng khawm thang dingin fielna a siem hi lawmum le tha kan tih.
Thurel 3 na
GHQ hrietpuinaa, HSA Chennai le HSA Chandigarh lo indina um hi tha kan ti a, Branch an hung inhnina hi vawisun 58th General Assembly hin “Branch” puitling ni dingin kan pawm.
Thurel 4 na
HSA State Coordination Committee/ HSA State Committee hi Assembly a ennawn nawk ding ti a ni angin hriltlangna nei ani a, Committee hi insiem rem vat vata, atul na naa an state haiah hma lo la sien kan tih.
Thurel 5 na
27th Executive Council in Churachandpur JHQ le unit thuoitu, mi 4 (pali) an nina a inthawka a ban le HSA a an membership a hlippek hai chung thu – Hmar Inpui General Headquarters Executive Committee Dated 2nd Dec. 2022 Resolution No 1 dungzuiin hi chungchang hi chipchier le nguk taka hriltlangna nei a nih. Hmar Inpui General Headquarters Executive Resolution hi Assembly chun inzaum kan ti hle a, Executive Council in a lo banhai hi tha taka GHQ a ngaidam an hung inhni hun hunah pawm nisien kan tih.
CHAWLLAWKNA :: THINGPUI DAWNNA NEI
Hun hnina hi Pu Lalhmarthang Tuolor in Pathien kuoma tawngtaina a nei zoin rorel sunzawm a nih.
Thurel 6 na
HSA Member inchuknaa thawtha zuol bik hai kuomah HSA GHQ hin Meritorious Award pe ta sien kan ti a, pek dan ding ruongam chu CEC in hung induong sien kan tih.
Thurel 7 na
Nu le Pa, mani nauhai enkolna le abikin lekha inchukna tienga mi neka thahnemngai zuol bik le thaw nasa zuol bik hai le mani nauhai siem puitling kawnga entawntlaka um hai hi HSA GHQ in JHQ le Branch hai fethlengin a phu hai Chawimawina pe ta sien kan tih. A pek dan ding riruong feltak CEC in hung induong sien kan ti bawk.
Thurel 8 na
Inchuklai Nun thu chipchier taka hriltlang ani a, suksuok nawk ngei ni ta sien kan tih. Hi taka mawphurtu ding hai chu CEC in hung ruot sien kan tih.
Thurel 9 na
Kum 2023 hin kum thupuong neia chu dingzui chun nasa taka hmalak nisien kan tih. Kum thupuong dingin “HMAR TAWNG UOR” nisien kan ti a, ei tawng suk hmasawnna ding le humhalna dingin kawng dang dangah hma lak tlang seng nisien kan ti bawk.
Thurel 10 na
Assam le Mizoram ramri zula um Hmar khuo hai hi khuo dang hai anga hmasawnna an hmu ve theina dingin theitawpa hma lak nisien kan tih.
Thurel 11 na
General Headquarters a Education Secretary hi tuta Term thara inthawk chu Assembly huna thlang ni ta sien kan tih.
Thurel 12 na
HSA Silchar Branch in Joint Headquarters ‘status’ an hung hnina chung thu hi ngun taka ngaituoin hriltlang ani a, a thuin Joint Headquarters an hnina hi pawm a ni a, 89th General Assembly hma po chipchier taka enna (techical thu, Barak Valley JHQ le inkar le hming le thildang dangah) nei nisien kan tih.
Thurel 13 na
HSA Assembly Secretariat Term hi 27th Executive Council in alo rel angin kum 2023 chena dinga pawtsei hi tha kan ti a, GHQ thuoitu hai le 59th General Assembly-ah a ruola inthlangna hi nei dinga rem ti a nih.
Thurel 14 na
59th General Assembly hun le hmun ding hi anhma tienga sukfel nisien kan tih.
Note:
1. Barak Valley JHQ le Hmarkhawlien Unit in hnesaw takin Assembly an intlun hi lawmum kan ti takzet.
2. Ngai pawimaw taka Assembly hung thang hai popo chungah lawm um ei ti hle bawk anih.
Hun tawp takah Speaker in lawmthu hrilna a nei a, Pi Zothanmawii CEC Member in Pathien kuoma lawmthu hrilna le ruoi inhlanna a nei zoin Assembly rorel tumtiekin ruoi kiltlang a nih.
Sd/-
Lalringum Riengsete
Speaker i/c
Sd/-
Josef V Tuolor
Recording Secy
