October 03, 2023: Hmar Students’Association in ei hnam tadinga rawng a bawl kum 85 tlingna HSA Hmarram JHQ chun Parbung Collection Centreah inserna hun ursun takin a hmang. Hi huna hin Pu Kapkhanlian Soute Headmaster, Jubilee Standard School chu Chief Guest niin, Pu Rosangkung Headmaster, Partnership Mission School chu Guest of Honour in a thang. Pu Ramnghawrlien Vice President, HSA Hmarram JHQ in hun a keihruoi a, hun hmasa ah Manipur buoina fe mek a Kuki Zomi Hmar martyr chang ta hai sûnna hunser hmang a nih. Upa Lalnisuok Darngawn Secretary, Village Authority Parbung in Pathien kuomah hun inhlanna hun a hmang.
Tv. Hrilhmingthang President HSA Hmarram JHQ chun hnam rawng bawl thei dinga HSA kum 85 mi thuoi tlungtu Pathien kuomah ropuina an hlân a, Hmarram tadinga HSA hmalakna hai report pe in, Chief Guest le Guest of Honour hai thilpek inhlanna hun a hmang bawk. Pu Kapkhanlian Soute, Chief Guest le Pu Rosangkung, Guest of Honour hai anthawk thu tha tak tak ngaithlak a nih.