OFFICE OF THE
HMAR STUDENTS’ ASSOCIATION,
GENERAL HEADQUARTERS
CEC MEETING:: SITTING NO. 1
A hun: 26.03.16 :: 11:00 AM A hmun: HSA Office, Rengkai, Manipur
Members Present:
1. L. Rothanglien Khawbung – President
2. Josef V. Tuolor – General Secretary
3. Lalthlamuana Hmar – Assembly Speaker
4. L Margareth – Finance Secretary
5. Emmanuel L Pulamte – Assembly Deputy Secretary
6. Hossana K. Thiek – CEC Member
7. Lalruolkhum Hmar – CEC Member
8. Dr. John Pulamte – Adviser
9. Albert Hmar – CEC Member
10. Nathan Sanate – CEC Member
11. H Sangmawi – CEC Member
12. Lalrobul Pudaite – Manipur State Coordinator
13. Richard Laltanpuia – Asst. General Secretary
Hun hmasataka President Tv. L Rothanglien Khawbungin thuhmahruoi hrilna anei a, Fin. Secretary Nk. L Margareth in Pathien kuoma tawngtaina anei zoin GS in 1st OB meeting resolutions hai tiemlangna a neia, thurel dinghai tan a nih.
General Headquarters a Department Secretaries, State Co-ordinators, CEC members, Senior Advisers le Advisers, 1st OB Meeting a ruot a um hai chu vawisun anthawk Official taka an mawphurna hai seng la tan a hma la dingin Committee aiin President in a lawmlut a, an sin seng ringum taka chel tan dingin an cha bawk.
Resolution No. 1:
Detail Year Plan hi Department tina Secretary-haiin Work Calendar fumfe tak vawisun anthawka chawlkar khat s<ng hung siemin General Secretary kuomah pe lut hai sien, siemthat tul hai siemthain OB in lo pawmpui sien tha kan tih.
Resolution No. 2:
Assam le Nagaland Governor kuoma HSA hminga 55th General Assembly huna memorandum pekluta um lo bawzui dingin Guwahati JHQ le CEC Member, Pu Albert Hmar hai kan ruot.
Resolution No. 3:
HSA huopchin bielhaia inchukna hmun (educational institution) hai sukhrat le suk changtlungna ding beiseina-in a ngirhmun chieng nawkzuola hrietchieng dan dinga hma lak nawk zuol nisien tha kan tih. Tuta term sunga education campaign thawna ding hmunhai detail survey thaw a, a tul anga hma lak nisien kan tih.
Resolution No. 4:
HSA member, taksa khawsakna tienga harsa zuol, lekha inchuk inhnik le beiseium hai (High school level chin) a mi Aid (thangpuina) pek nisien tha kan tih. A bul tanna dingin Churachandpur (Tuithaphai) sunga mi thangpuina phu hai lo zawngdawk dingin AGS, Pu Richard Laltanpuia, Manipur State Co-ordinator Pu Lalrobul Pudaite, Finance Secretary Nk. L Margareth le Churachandpur JHQ thuoitu hai mawphurna kan pek a, an thlangdawk hai hi Executive Council hmasatakah namdet ni sien kan tih.
Resolution No. 5:
HSA Hostel, HSEB hminga enkai mek hi ennawn ani a, tuta a fe dan angin la fe pei sien tha kan tih. Hostel a inthawka poisa sum hmusuok poa 10% hi Hmar Students’ Education Fund (HSEF) ah lut sien tha kan ti bawk.
Resolution No. 6:
Hmar Students’ Education Board (HSEB) chungchang hi ngaituo ani a, a fe dan ding ruohmanna le ruongam felfai tak President le General Secretary haiin hung induong hai sien; chu chu Executive Council hmasataka namdet nisien kan tih.
Resolution No. 7:
Dr. Rochunga Pudaite ruong vuiliem nia HSA GHQ President in a lo puong ta ang ngeiin tuta HSA Campus-a Tribal Hostel bawl meka um hi “Dr. Rochunga Pudaite Memorial Tribal Hostel” tia ko dingin vawisun hin official takin kan namdet.
Resolution No. 8:
Rengkai, Churachandpur-a HSA Marketing Complex Building sawng chungtienga room pakhat hi Churachandpur JHQ office dingin thunawk um hma poa dingin peksuok tha kan tih.
Resolution No. 10:
President le Finance Secretary haiin HSA GHQ ta ding ‘Steel Almairah’ tum dinga an intiem leiin lawmum kan ti hle a; inchawkna sin le a umna ding hmun intlunna kawnga mawphurtu dingin AGS, Pu Richard Laltanpuia kan ruot.
Resolution No. 11:
HSA documents pawimaw hai ‘digitise’ dinga thutlukna hmasa lo um ta bawzuitu dingin General Secretary le AGS hai kan dande.
Resolution No. 12:
Parbung, Patpuihmun le Saikawt (Manipur) haia hin Public Sector Bank a um ngei theina dingin HSA hin hma la sien kan tih.
Resolution No. 13:
Jiribam Sub-Division, Revenue District puitlinga Manipur sawrkarin a siem tum hi Hmar hai dikna le chanvohai sukbona le neksawrna ni thei dinga anlang HSA chun \ha a ti nawh. Hilai hmun le ram sunga ei dikna le chanvo hai humhim dingin theitawpin HSA hin hma la sien kan tih.
Resolution No. 14:
Manipura Anti Tribal Bill pathum hai le inzawma JAC indin a ni dan, tu chena a hma lakna le ngirhmunhai report kan ngaithlaka tha huntawk kan tih. Hi thu le inzawma HSA Churachandpur JHQ thuoituhaiin mawphurna an lo lak angin thu nawk um hma po chu an mawphurna la chel zawm pei hai sien kan tih.
Resolution No. 15:
HSA GHQ hmingin SBI ah Bank account thar hawng tha kan tih a hi Account holder dingin President, General Secretary le Finance Secretary hai nisien tha kan tih.
Resolution No. 16:
Inchuklai Nun (HSA Magazine) hi sukhring nawk ngei nisien \ha kan ti a, Executive Council hmasatakah Board Member ding ruotfel nisien kan tih.
Resolution No. 17:
Tuta term-a Executive Council hmasatak chu Guwahati-ah April 2016 thla tawp tieng nei nisien kan ti a; a ni le hmun tak ding anhma tieng President le General Secretary in hung suk fela Assembly Secretariat-a anhma tieng lo intlun dingin mawphurna kan pek.
Resolution No. 18:
HSA Common ID Card le Kum Thupuong design hai mipui le member hai hmang thei dingin HSA GHQ Adviser, Dr. John H. Pulamte’n a tlangzar. A hmang dan ding kimchang taka JHQ le Branch hai inhriettir dingin General Secretary mawphurna pek a nih. Kum thupuong zawrsuokna sin chu Joint Headquarters le Branch tinhai mawphurnaah kan siea; poisa sum hmu anthawka poisa sum hmusuok chu copy khat peiah Rs. 10/- (cheng sawm) chu General Headquarters-ah peklut nisien \ha kan ti a, ID Card ruok hi chu GHQ in a man la ve naw sien
kan tih.
Hieng a chunga hai hi lungruol taka rel ani zoin CEC Member, Pu Hrilsangmawiin Pathien kuoma tawngtaina anei zoin committee suktawp a nih.
(L. Rothanglien Khawbung)
President
(Josef V. Tuolor)
Gen. Secretary