No comments yet

Guwahati HSA JHQ 35th Fresher’s Meet Cum Election

Guwahati, September 23, 2017: Zani Guwahati HSA Jt. Hqrs chun Shilpgram, Guwahati hmuna a vawi 35th na ding Fresher’s Meet le Election ropuitaka hmang anih. Hi programme hi session 2 athe ania, Session 2 na hi Election nei ani bawk anih. Kum dang naw ang takin tukum chu Guest Artiste Nk Christina Shakum neiin hun hlimum tak anhmang tlang anih

First Session hi Nk Jezreel Lalditpui le John Hrangchal in hnesawtakin an keihruoia, Opening Song “Dar ang Lengna” sakin Rev. Lalmuongthang Thiek, EFCI in tawngtainan hun hawng ani.

Guwahati HSA JHQ 35th Fresher’s Meet Cum Election
President Tv. James Songate , President, HSA Jt.Hqrs Ghy in welcome address le hnam inthuruol na poimaw zie a hril zoin Chief Guest Pu Darzakhum Songate , IRS Commissioner of Income Tax , Govt. of India, felicitation nei zoin speech on career guidance a pek zawm nghala,chun hieng Programme kar laka Rimawi tienga ei suongvar hai Nk Christina Shakum, Local Artist HSA BAND,Nk Lalnunthieng Parate ,Tv Lalthutlung Zate ,Tv Stanley Joute ,Tv Rolland Songate haiin zai hlan an in awi ran bawk anih. Freshers 35 hai self introduction hun hmang ani. Hi zo hin Freshers hai thucha le tawngtai pekna Rev. Lalmuongthang Thiek in nei zawm nghal. HSA Cultural Troupe in bamboo dance mawi takin an lam bawk ani.

HSA President in Pu. Thanghlun Hmar HSA tading le hnam tadinga a contribution hai lawmnan Memento inhlan nghal ani. Hi zo char hin Pu. Thanghlun in speech Welfare ai aw in a pek zawm nghala, aneizoin First Session kharna le Ruoi inhlanna Pastor El Darngawn, Asst. Superintendent, EFCI , in a nei anih.

Hun hnina 3;00pm tan nawkin Tv Laldinsang Tuolor le Lynda Pudaite in hnesaw deua thuoiin hmang nawk ania, Opening Song a “ Kan Tlangram” sakin hun hmang tan nghal ani, hun hmang zawmpeiin Meritorious Award pekna Nk. Eunicky Lungtau, Edn. Secy.HSA Jt. Hqrs Ghy in aneia, chu zova 2017-2019 sunga Thuoitu ding thlangna(Election) nei ani,chu inthlangna Result chu ahnuoia hai hi an ni:

President : Tv. Daniel Khawral
Gen Secretary : Tv. Eric L Ralsun

Members dang hai

1. Tv. Vanlalbel Joute
2. Tv. Lalramvulzing Khawbung
3. Tv. Matthew Hrangate
4. Tv. James H Songate
5. Tv. Albert Hmar
6. Tv. Albert Sitlhou
7. Tv. Stallone Lalhnethang
8. Nk. Eunicky Lungtau

Tukum sunga Mr & Miss Fresher thlangna nei ani bawka,Tv Lalthutlung Zate le Nk Grace Pudaite hai hi tukum 2017 HSA Fresher Mr & Miss dinga thlang hai chu an nih. Secretarial report Tv Vanlalbel Joute, Secretary HSA Jt.Hqrs Ghy in anei zoin Oath taking of Newly Elected Office Bearers , Rev Joe Sanghmingthang Local Pastor, ICI, Ghy in hun ahmang bawk anih

Vote of Thanks hrilna hun Tv Daniel Khawral, Asst. Secretary HSA Ghy in aneia,hun kharna hla “Thangruolin Lungruolin” mipuiin sakin Pastor El Darngawnin hun khar tawngtainan asuktawp nih”Program kar lak a hin hla mawi tak tak hai ngaithlak ani. Mipui fe khawm antam in program a hlawtling hle bawk anih.

Post a comment