ESSAY WRITING COMPETITION
(H.S.A. Barak Valley JHQ le Silchar Branch țhangkawpa buotsai)
Hmar Students’ Association – Barak Valley Joint Headquarters le Silchar Branch chun essay (thusep) ziek inelna, JHQ le Branch member-hai ta dingin a buotsai mék a. Hiengang hin ruohmangna siem a nih.
*Thupui: “Țawng Sukhmasawn”
*Hrilhmuna (Hints): Hnam khata mi siemtu țawng; țawng pawimawzie; ziek dân chungchâng; Hmar țawng ințhanglienna ding thilhai. N.B: Hienganga ziek kher ding ti a ni naw a, ngaituona nei theina dinga suklang a nih.
*Țhang thei dinghai: HSA Barak Valley JHQ le Silchar Branch a inzieklút member-hai.
*Ziek dán kalhmang: Hmar Literature Society ipawm ziek dán. Thumal 2,000 – 2,500 chen. Chun a thlúksei hrim hrim sinsiena pêk hrâm tum ding.
*Fimkhur zuolna ding: ‘Th’ aia ‘Tl’ ; Vowel 2 umna dinga 1 chau hmanghai hrim hrim; chuongang bawkin 1 hmangna dinga 2 hmang. Entirna- “Thingkúnga vate ka per thla” ti dingah “Thingkuonga vate ka per tla”. “Nang ma ma i tlin, tling áwm hrim i nih” ti dingah “Nang mama i thlin,thling áwm hriem i nih” ti dâm.
*Hun bituk: March 15- April 15. Hun tiem khêltienga péklút chu pawm ni naw nih.
*Lawmman:
1st – Rs. 3,000 + Citation.
2nd- Rs. 2,000+ Citation.
3rd – Rs. 1,000+ Citation.
Mi 10 kuomah thilpék inhlan ni bawk a tih.
* Endik dân thuah a sipel (spelling) ngaipawimaw fâl níng a ta. A thupui fún țha vieu, sipel indiknaw nung chun mark hlaw vawng kher naw nih. Ei thiltum chu Hmar țawng ziek le hmang indik kawnga intuoi thar a ni angin, chu tieng chu ei ngha deu ding a nih.
*Péklút dân ding: A awlsam zâwngin computer-a type ngei ni sien. File chu ieng ang file khawm (Hard/soft) pawm nîng a tih.
E mail: [email protected]. 0r whatsapp document in 9706545402 ah thawn thei a nih.
Indawn sap nuom nei chun phone number/mail tarlanga uma hin indawn thei a nih.
H.S.A. member po po a sukhlawtlingtu nia țhang seng dingin eiin fiel.
Sd/
James A Songate
President, BV JHQ
Sd/
Johnson Joute
President, Silchar Branch
Judges: Pu VL Joute, Pu L. Sawmvel Zate le Dr Lalthakim.
Monitor: Tv Gospel Songate
~Member-hai Ditsakna kan inhlán cheu~
