October 28, 2023: Vawisun khan Hmar Inpui Assam Hills Region, Hmar Peoples’ Convention (Democratic) (HPCD) Assam Region le Hmar Students’ Association, Assam in Assam Chief Minister, Pu Himanta Biswa Sharma chu Haflong Circuit House-ah hmuin Assam rama Hmar Political Demand suk hlawtling ani vat theina dingin Joint Memorandum Inpui, HPC-D le HSA hminga pek a nih.
Chief Minister chun vawisun khawm ka thuhrilna a kan tiem a, chuleiin in demand hi chu anhma tieng ei sukpuitling ding ani tiin palai fehai chu a hril a, palai hai chun uksak le ngaisak ei ni leiin lawmthu an hril a, anhma thei ang taka MoS ziek dingin ngenna siemin Hmar puon inbattirna an nei bawk a nih.
Chief Minister hmu zo hin Pu Jayanta Malla Baruah, Assam Cabinet Minister chu hmu ani a, Memorandum ama copy ding pein a thei tawpa thangpui dinga ngenna chu ama khawmin pawmin theitawpin final solution a um theina dingin hma alo lak ding thu a tiem chu palai haiin lawmum an ti hle.