No comments yet

HSA CCPur JHQ Election Inhriettirna

ELECTION INHRIETTIRNA

HSA Campus, Rengkai, Churachandpur – 16th November, 2018

HSA CCPur JHQ inthlang ding ti chu remchangnawna le GHQ tieng program le intuok a um leiin Joint meeting a rel a ni anga inthlang ṭhul a nina thuah in hrietthiemna le ngaidamna kan hung ngen. HSA CCPur JHQ Election (2018 – 2010) chu hung tlung ding November 23, 2018 (Zirtawpni) khin Lalhmasuon Joute Memorial Hall, Rengkai, CCPur ah z$ng dar 11 a nei a ni ding thu ka hung inhriettir cheu a. Hi inthlangna hi GHQ inrawina hnuoia nei ning a tih.

Unit tinin palai mi 5 seng tir thei an tih. Chun, Unit 4 hieng – Khawmawi, M. Ramthar, Bethel le Saikawt Unit hai hi Joint meeting hrietpuinaa defunct a puong an ni le inzawmin hi inthlangnaa hin Vote thlak thei naw ni hai a. Hieng Unit hai hi JHQ thar in an ngirhmun a hung bawzui ding a sie a nih.

President le General Secretary ding chu ziek ngeia Unit proposal ning a ta, an propose pa/nu a remtina lekha ziek belsa ding a ni a. November 22, 2018 sun dar 12 chen a candidate proposal peklut thei ning a ta, a hnung tieng chu peklut thei a ni ta naw ding a nih.

Candidate propose um hai chu CCPur a HSA GHQ hotuhai kuoma hun tiem chin sung a peklut ding a nih.

HSA CCPur JHQ inthlangna hi hlawtling le ṭha taka nei a ni theina dingin Unit le mitin, kohran nu le pa haiin ṭawngṭaina a mi lo hrefu pek dingin ei inngen.

(JOSHUA L. AMO)
Secretary, Information & Publicity Department
HSA General Headquarter

HSA CCPur JHQ Election Inhriettirna

Post a comment