No comments yet

HSA Churachandpur JHQ le inzawma GHQ Thusuok

HSA/GHQ/2017-19/GT/JHQ/03
Date: 8th July 2018
THUSUOK

Hmar Students’ Association, GHQ, President inrawina hnuoia 6th CEC resolution bawzuina 6th July 2018 zan khan nei a ni a, hieng ang hin thusuok siem dinga rem ti a nih.

HSA Churachandpur JHQ chu HSA 6th CEC Meeting in hun tiemchin a pek hun sung Official taka thuoitu thar thlanga um hai le thuoitu fesuok ding hai charge inhlanna an nei theinaw a, JHQ hi fumfe taka a fe theinaw dinga thubuoi a um ni a hriet a ni leiin HSA GHQ chun pawi ti tak pumin July ni 7 kum 2018 a inthawk hin HSA Churachandpur Joint Headquarters chu sukchawl/suspend hri a nih.

Joint Headquarters sukchawl hri a ni sung hin HSA Churachandpur JHQ anga hmalakna iengkhawm thuoitu haiin nei thei naw ni a, hi hun sung hin HSA GHQ in Joint Headquarters enkaiin maw phur a tih. A enkaitu bik le mawphur biktu dingin HSA GHQ Public Relations Secretary mawphurna pek a nih.

Joint Headquarters thuoitu ding inthlangna hi 2018 September thla, kar hmasatak sung hin HSA GHQ huoihawtnain JHQ Conference ko a nei ni bawk a tih.

HSA dam zing rawse.

Sd/-
Josef V Tuolor
General Secretary

Sd/-
L. Rothanglien Khawbung
President

HSA Churachandpur JHQ le inzawma GHQ Thusuok

Post a comment