LAWMPUINA THUCHA
Pathien thuoina zârin HSA khawm hma ei sâwn peia lawm um eiti takzet el.
Vawisûna HSA JHQ inthlangna nei Churachandpur JHQ le Jiri-Vangai JHQ kum 2016-18 term a țhuoitu dinga palâi fekhâwm haiin ei thlang tling hai popo ka lawmpui cheuin ditsakna chibai ka bûk cheu.
HSA motto- Sinin, Hrilin, Sanin, Țhuoiin- Serve the Nation ti changchawi a, inchûklaihai hmakhuo ngaia HSA le hnam ta dinga țhahnem ngai taka hnam rawng eilo bâwl hlak ta kha a nêka lien lema rawng bâwl tlâng nâwk pei dingin HSA sûngkuoah ka lawmlût thar cheu.
Hmatieng ei fe peina dinga hin thlangdawk bîk ei nina hi hrie zinga, tukhawm ditsak bik neilo a, lungril lientak puta, huop zâu a, sum le puon inhnar bawk loa ei ram le hnam ta dinga ei hun hlutak hai le ei thluok le ngaituona hai sêng a, pe a, HSA le hnam suk vultu le Hmar hnam history siemtu nia, kalbi pawimaw tak sûttu le lampui sâttu ni dingin ka ditsakna insângtak ka’n hlân cheu.
HSA dam zing rawse…
In țhahmemngaipui,
Sd/-
Josef V Tuolor
General Secretary
HSA GHQ
