No comments yet

HSA, Joint Headquarters, Shillong le inzawma Thusuok

THUSUOK

Hmar Students’ Association, GHQ, President inrawina hnuoia 6th CEC in Joint Headquarters, Shillong chungthu le inzawma hmalak dinga a lo ti angin, August 14, 2018 khan ngaituo a nia, a hnuoia ang hin thuthlukna le thusuok siem a nih.

Hmar Students’ Association, Joint Headquarters, Shillong chu term 2015-2017 an hmang zo hnungin, tha takin a fe tloung thei ta nawa, inthlangna chen khawm an nei thei ta naw leiin General Headquarters chun an chungthu ngaituona a lo nei ta a. North East a ding chun Shillong khawpui hi inchukna hmun pawimaw tak el le hmundang dang a’nthawka Hmar inchuklai ha’n an pan, inchuklai hai ta dinga activities dang dang hai huoihawttu le inchuklai hai harsatna sawmdawl hlak tu Joint Headquarters Shillong hienga a um el hi General Headquarters chun pawi a ti hle a nih. HSA Joint Headquarters, Shillong chu suk hrat nawk le suk hmasawn dan ding ngaituona leiin HSA General Headquarters chun HSA Joint Headquarters, Shillong chu August 14, 2018 hin a thiek a, interim (lailawk) sunga thuoitu ding hieng a hnuoia mihai hi a ruota, thla 6 (6 months) bo hma ngeia Joint Headquarters Conference ko a, inthlangtharna (election) huoihawt dingin an mawphurnaah sie nghal a nih.

President: Tv. Joyful Thiek
Vice-President: Pu Marquis Singson
General Secretary: Tv. Ezra L. Darngawn
Asst. Gen. Secretary: Tv. Alfred Hmingthangsang
Finance Secretary: Nk. Jenny Darngawn
Treasurer: Nk. Rosie Sanate
Info. & Pub. Secretary: Tv. Eldad Sungte

Departmental Secretaries, Area/Unit Representatives, Committee Members le Advisers ruot thua hin intermin thuoituhai remhrietna le tul le thaa an hriet dan dan hmang thei an ta, nuom le nuom naw thuin ruotin, ruot naw thei bawk an tih.

Hi thuthlukna hi mitin le pawl tinin mi hrethiempuia min za pui dingin HSA General Headquarters chun a beisei a nih.

HSA General Headquarters aiin,

(JOSEF V TUOLOR)
General Secretary

(L ROTHANGLIEN KHAWBUNG)
President

 

 

HSA, Joint Headquarters, Shillong le inzawma Thusuok

Post a comment