Hmar Students' Association

Mipui kuoma Lawmthu hrilna le Ngenna

MIPUI KUOMA LAWMTHU HRILNA LE NGENNA
August 2, 2018 – Churachandpur

A hmasa takin HSA GHQ hmingin chibai. Ei lo hriet seng ta angin July ni 16, 2018 khan HSA chun mipui hmakhuo ngaina leiin Manipur Chief Secretary in 2018 January thla a SDO/BDO hai po po an umna hmun ngeia Office ṭha taka mipui dawr theia kai ta ding thu ṭhangsanin, Churachandpur a um hieng Camp Office Parbung SDO le Vangai SDO chu an office umna hmun ngeia an kai hmakhat hawng ta lo dingin a khar a, an office hmun ngeia office kaia mipui ta dinga rawngbawl tak tak dingin a phut a nih.

Hi chung thua lungril taka mi support tu hai po po le Nu le Pa tak Hmar Inpui General Headquarter in nauhai thil thaw a thlawp thu an mi puong pek hi kan lawmin kan thla a muong takzet. Chun, Vangai Biel le Hmar biel a VA hai po poin an ngirhmun le mipui ngirhmun harsa ngawi ngawi hre zinga mi thlawp a, nau hai lungawinawna an mi țan a, sawrkara hamṭhatna zuk hmu el ding hai khawm la lo ngama an umna hi HSA chun inzana insangtak pek pumin a lawm tak tak a nih. Chun, HSA Vangai JHQ le Hmarram JHQ ṭhuoitu hai po po le member hai ram ta ding le mipui ta dinga an ṭhangruolna hi inpak um kan ti takzet bawk a nih.

Vangai le Hmarbiel mipui harsa ngawi ngawia khawsa mek hai, sawrkar a beisei tak puma hamṭhatna zuk hmu el thei ding, kan nuorna leia in lo hmu nawna chung thuah lungril takin thupha kan chawi a. Thil ṭha lem beiseia ei ram siem tuma hma ei lakna ruok hi chu kumtam tak dai ding thil a ni leiin mipui harsatna ințawmpui zingin tawite harsatna la zuk tuor hram hram dingin in lunginsietna kan hung ngen cheu. Ei thil ngiet a hin HSA chau a ni naw a, mipui ei ṭhangtlang a ni ti hi theinghil nawng kan ta, a par khawm mipui le a hmangtu le sawrtu ding indiktak in sawr ngei hai sien ti hi kan nuom tak a nih. Mipui zarin ei hlawtling vat beiseina insangtak ei nei bawk a nih.

HSA hi a ngirna a inphet a tum naw a, theitawp in a hlawtling hma po chu a ṭhang char char ding a ni thu kan puong bawk a. Hi kawnga hin lunginsiettaka hi neka inhma le inrang lema ei thil ngiet a puitlingna dingin mitin le pawl tin hai lungril taka inṭhangpuituo dingin kan fiel bawk cheu.

HSA aiin,

Jr Amo,
Secretary, Information & Publicity,
HSA General Headquarter

 

Mipui kuoma Lawmthu hrilna le Ngenna

Share this Post!

Leave a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Scroll to Top