Parvachawm, July 24, 2017: Pherzawl District a um Parvachawm Government High School chu zirtirtu/teacher an um naw leiin vawisun khan inchuklai/student han tiemchin um lovin an school an khar. Hi le inzawm hin vawisun khan Parvachawm khuoa students han lamhrawna ( Rally) an nei a, “Teachers kan mamaw”. Regular taka class lak kan nuom, kan teachers hai hmel kan hmu nuom tiin students hai hin khawlaidung fangna an nei a nih.
School hi tiemchin um lovin an khar thu an puonga, thawktu hai an post indik takah hung ngei raw hai seh. An post ah an hung hmakhat school an khar ding thu an puong bawk a nih. Kan teachers hai hi an hmel tak ngiel khawm kan la hmu ngai nawh ti thu hai hril in, hi students nuorna le inzawm hin Parvachawm khawsunga inchukna hmun hai po po khar a nih.
Parvachawm Govt. High School khar thu le inzawm hin HSA General President chun hma lak tan nghal le bawzui ani ding thu a hril.