No comments yet

Special Assembly 2017 Resolutions

THE HMAR STUDENTS’ ASSOCIATION
SPECIAL ASSEMBLY 2017

A hmun: Blooming Flower English School Hall, Jiribam, Manipur
Tarik: May 6, 2017; 11:30 AM

Members Present: 47 (Annexure)

Apology: 5

Hun hmasatakah Pu Lalthlamuana Hmar, Assembly Speaker-in hun hawngna neiin Palai fekhawm hai lawmlutna a neia; Pu Lalringum Sanate, Assam State Coordinator in hun hawng tawngtaina a nei.

Pu L Rothanglien Khawbung, President-in biel pumpui huopa HSA GHQ hmalakna hai le hmathlir a hril a, palai fekhawmhai kuomah thucha hrila hun a hmang a, vawisun chena HSA hma lo lakna hai popo le hmathlir a hril hai chu palai fekhawm haiin ban phar ngeiin kan pawmpui.

Pu Lalringum Riengsete, Assembly Secretary-in 55th General Assembly le 22nd Executive Council Resolution-hai tiemlangna a neia, sukfel le bawzui ta hai le hma lak mek hai Tv. Simon L Infimate, Vice President, HSA GHQ in hrilfiena a nei zui nghal bawk.

Resolution 1:
Manipur State Assembly Election 2017 thu le inzawma HSA GHQ le JHQ thuoitu thenkhat an nina anthawka anni le anni inban hai hi Special Assembly in kan pawm a, CEC in HSA thuoitu, hi election-a lo inhnamhnawia a hriet leia a lo banhai khawm kan hrietpuiin kan pawmpui bawk. Post ruoka umhai chungthu ruok chu CEC mawphurna ah kan sie.

Resolution No 2:
HSA Constitution hi siemthat tulna tamtak a uma hmu le hriet a ni leiin, Committee siema ennawn ngei nisien tha kan tia, tlawmngai insuoa hi mawphurna latu dingin Review Committee hieng ang hin kan ruot nghal bawk.
Convenor: Dr. Vanlalnghak, Senior Advisor, HSA GHQ
Members:
Dr. John H Pulamte, Advisor, HSA GHQ
Pu Lalthlamuana Hmar, Speaker, Assembly Affairs
Ex-Officio: HSA GHQ President & General Secretary

Vawisun anthawka thla 2 (two months) bo hma ngeiin mipui vantlang le Joint Headquarters le Branch tin hai ngaidan pekkhawm theina ding hun hawng nisien; chuonghai chu remkhawmin General Assembly huna phawrlang hman ngei dinga hung buotsai dingin Assembly hin Review Committee chu a ngen bawk.

Resolution 3:
55th General Assembly Resolution No.10 hi ngaituo nawn nawk a ni a. Palai fekhawm haiin chipchiertaka hriltangna kan nei nawk hnungin hi thu hin HSA Constitution Article No. 32 (b) a thembuoi thei nia kan hriet leiin HSA Constitution hi siemthat (amend) ani hma chu General Headquarters term hi a pangai, kum 4 (4 years) la ni phawt sien kan tih.

Resolution 4:
HSA Campus, Rengkai, Churachandpur-a Hostel bawl thu ennawn nawk a nih. Hostel hi hawng (inaugurate) thei dinga ruohmanna siem theia a um ta leiin lawmum kan tih. Thu fello la um hai sukfel ding le Hostel fe pei dan ding le inzawma 55th General Assembly Resolution No. 8 thurel anga mawphurna pek – HSA President, General Secretary le Assembly Speaker hai hi Management Committee induong dan dingah mawphurna kan pek belsa.

Resoltuion 5:
Hmarram (Manipur) JHQ hun sawttak el function mumal ta loa a um thu nguntaka hriltlang ani hnungin Parbung HSA Unit in JHQ mawphurna lo laa Conference koa JHQ Election nei dingin mawphurna kan pek. An fe dan ding kimchang lem chu CEC mawphurna kan pek bawk.

Resolution 6:
22nd Executive Council Resolution No.1 dungzuia NC Hills & Karbi Anglong JHQ hming thleng chungthu hriltlang nawk a nia, thu nawk um hma poa dingin la siethat hri phawt a nih.

Resolution 7:
55th General Assembly Resolution No 12 HSA Jiri-Vangai JHQ hi JHQ pakhata la um hri dingin rel nisienkhawm a biel mihai ditthlangna leiin General Assembly hma po ennsina-in JHQ pahnia the dinga rem ti a nih. An fe dan ding thu kimchang riruongpui dingin CEC mawphurna kan pek.

Resolution 8:
21st Executive Council Resolution No. 7 dungzuia Kolosib le Sinlung Hills area siemthatna dinga OB hmalakna le thuthlukna (2nd OB Meeting Resolution No. 3) hriltlang le ennawn nawk a nia; chipchier taka a thatna le thatnawnahai hriltlang ani hnungin thuthlukna um hi kan namdet. Hi thuthlukna dungzui hin tuta inthawka thunawk um hma po chu ensinna dingin Rengtekawn, Bilkhawthlir le Vairengte Unit hai hi Kollasib JHQ hnuoiah um a tih. Chun, Kollasib JHQ thuoitu ding thlangtharna chu June 2017 sung ngei General Headquarters hrietpuina le inrawina hnuoia nei nisien kan tih.

Rev. Benjamin Shakum in Pathiem kuoma tawngtaina a nei zovin rorel suktawp a nih.

Sd/-
(LALTHLAMUANA HMAR)
Speaker Assembly
(LALRINGUM RIENGSETE)
Secretary

NOTE:
1. Jiribam TD Block hmalakna chungthu Pu Lalruolkhum Hekte le Rev. Benjamn Shakum haia inthawkin ngaithlakna nei a nia, tha kan tiin kan hrietpuia, Tribal Rights Committee hai le inhrepawa hrat nawk zuola hma lak nisien kan tih.

2. Delhi JHQ anthawka Pherzawl District hmasawnna dinga rawtna an hung siem hai hi tha kan tia, hun danga la bawzui dingin kan sie.
3. GHQ Finance Secretary-in Finance Report felfai tak el, palai tinhai kuoma semdar theia a hung buotsai le Social &
Culture Secretary in HSA Choir hmalakna Report le Finance Report a hung pek hi Assembly chun an chungah lawmthu a hril.
4. HSA Jiri-Vangai JHQ in Special Assembly hnesaw taka an lo intlung leiin lawmum kan ti hle a; Jiribam Unit le Jiri- Vangai JHQ thuoituhai le mawphurna lo latu thuoitu dang danghai chungah lawmthu kan hril a. Rev. Benjamin Shakum in phaltaka a Compound le Hall hai a min hmangtir leiin Special Assembly a fekhawmhai a chungah kan lawm hle.

hsa special assembly resolution

Post a comment